Өрөвдөлтэй амьтан

Энэг өрөвдөлтэй амьтныг хараарай. Нөгөө толгой дээрээ шар залаатай сүрлэг тоть чинь. Эхлээд ийм тотьнууд 4-6 ирж хоол иддэг байснаа одоо найзууд нь нэмэгдсээр байгаад бараг 30-аад тоть ирж хоол иддэг болоод байгаа. Тэдний дунд энэг амьтан нөгөөдүүлдээ дээрэлхүүлсээр, хамгийн сүүлд хоолны шавхруун дээр бууна. Нөгөөдүүл нь энэг амьтантай хамтдаа хоол иднээ гэж байхгүй, цаад модон дээр сууж хүлээж байгаад, шувуунууд бүгд явсан хойно хоол иднэ. Ядаж байхад бас доголоон. Бусад нь хос хосоороо л байх шиг. Энэ хөөрхий амьтан өвчтэй юмуу, их хөгширсөн юмуу, зовж л яваа амьтан. Нөгөө хос нь автомашааны ослоор нас барсан байхдаа гэхгүй юу, хөөрхийг. 

Ийм ногоон тоть бол богоон богооноороо л байна гэхгүй юу, хэхэ. Эд нар бүр 50-60-лаа сүрэглэн ирж хоол иднээ. Одоо 7 хоногт 2 кг шувууны хоол хүрэхээ байсоон. "энд үнэгүй хоол өгдөг авгай байдгийн, бөгдөөрөн очиж гудрии" гэж нэг нэгэндээ хэлээд улам олон болж ирээд байх шиг. Энэ зураг дээр гэхэд тотьнууд дурангийн наагуур цаагуур багталцахгүй багтаагүй байгаа шүү, цаад модон дээр л эрийлдээд л сууж байгаа.  

Одоо бүүр хэрээнүүд ирдэг болсон. Уг нь ч гил хар өнгөтэй бас сайхан амьтан байна лээ шүү. Шаазгай шиг алаг шувуунууд эргэлдэнэ. Гэхдээ тотьнууд л хүнээс айхгүй гараас юм идэх юм, нөгөөдүүл нь майр хашир гэжуугаа.

Өмнөх бичлэгийн тухай бодлоо

Өмнөх бичлэгийн сэтгэгдлүүдийг уншаад бас хэлмээр юм гараад ирлээ хө. Би хүүхдүүдийнхээ сурлаганд санаа зовж л сууна. Том хүү одоо 11 настай боловч тооны хүрд бүрэн мэдэхгүй гэвэл та нар итгэх үү? Сургуулийн хүүхдүүд нь цэцэрлэгт явж байгаа юм шиг зүгээр л тоглоод байна, тоглоод байна. High school-д орж байж шахдаг болтоймаа. Даалгавар гэж хүүхдийн тоглоом шиг хэдэн юм өгдөг ч тэрийг нь манай хүүхдүүд хийнээ гэж байхгүй. Ангийнх нь хүүхдүүдийн талаас илүү нь хичээлээ хийхгүй. Энд бүх хүн их сургуульд орно гэхгүй болохоороо тэр юмуу цөөхөн хэдэн хүүхэд л хичээлээ хийгээд байх шиг.

Би хүмүүсийг хүүхдийнхээ хичээлийг хийлгэнэ гэхээр гайхдаг байлаа. Яагаад хүүхдүүд нь өөрөө хичээлээ хийчдэггүйен гэж. Би болон манай нөхөр багадаа хэнийг ч хичээлдээ оролцуулж байгаагүй болохоор л гайхаж байхгүй юу. Тэгээд өөр дээрээ ирэхээр л ойлгож байна. Хүүхдийн хичээл хийлгэнэ гэж том ажил юмаа. Би өөрийнхөө аав ээжид атаархаж байнаа, охин нь өөрөө хичээлээ хийгээд, аав ээж нь хүүхдээ хичээлдээ ямар байна, хичээлээ хийж байна уу, ямар дүн аваад байна гэж нэгээхэн ч санаа зовохгүй нээх амар. Гэтэл манай хүүхэд яг л хажуудаа мануулж байж л хичээлээ хийнэ. Над шиг өдөржин сургууль дээрээ байж байгаад, орой нөхрийг ирэхээр дахин сургууль дээрээ очиж суудаг хүнд хүүхдийн хичээлд анхаарах чадал ч алга. Хичээл хийлгэх гээд хүүхдээ загнаад байж болохгүй. Зодож бүүр болохгүй, цагдаа дуудаад өгчиж мэднэ. Эндхийн хүүхдүүдийн цүнхэнд нь ямар ч ном дэвтэр, үзэг харандаа байхгүй, зөвхөн lunch box байдаг. Яахав зөв хүн болж хүмүүжиж байгаа ч монгол дахь үеийн хүүхдүүдээсээ сурлагаар асар ихээр хоцорч байна. Монголд очихоороо Математикийн болон Монгол хэлний багш хөлсөлж, бид ч уйгагүй хичээлийг нь хийлгэж байж нөхөж авах байх.

Одоо тэгээд багшийн хүүхэд муу сурдаг гэж нэг үг санаанд ороод байгаа шд, хаха. Хэдэн жилийн өмнө манай 10 жилийн ангийн 3 хүүхэд санамсаргүй уулзаж гэнэ. Яагаад тэр 3 уулзчихваа гэсэн чинь тэр 3-н хүүхдүүд нь хотын Тооны олимпиадад оролцоод, хүүхдүүдээ хүргэж өгч таарчилд. Би бодлоо "манай ангийн энэ 3 дунд сурлагатнуудын хүүхдүүд мундаг юмаа, эд нар хичээлийг нь давтуулна ч гэж юу байхав, гэхдээ манай 3 азтайен, хүүхдүүд нь өөрсдөө ингээд хичээлээ хийж байдаг", хэхэ. Ангийн 3 маань бүгдээрээ манай 10 жилийн дунд сургуулийн багш нарын хүүхдүүд байсан, багадаа бүгд л Эх орны алтан гурав авна, 1 нийх нь зарим дүн нь 4, ихэнх нь л 3 байсан, нөгөө 2 нь улаан дунд сурлагатан байлаа. Энэ тухай би ангийнхаа өөр онц сурлагатан, одоо шүдний эмч найзтайгаа ярьж байгаа байхгүй юу. Тэдний охин болон манай хүүхдүүд онц сурдаггүй дээ. Амьдрал ийм байна даа, хаха. Багшийн хүүхэд муу сурдаг гэдэг чинь үнэн болоод явчлаа, монголд очоод багшлахаа больдог ч юм билүү гэсн.

За өмнөх бичлэгийн хүүхдийн сүүлийн ингэж яриаг бодлоо. Хүн хэхэрчээд уучлалт гуйх нь зөв юмаа, яалтчгүй хүмүүст чамайг хэхэрснийг харах сонсох чадвар байна. Харин унгачаад заавал уучлал гуйгаад байх шаардлага алга. Нээх анхилуулж анхилуулчаад, уучлалт гуйх нь "сая би унгачихлаа" гэж зарлангуутаа унгасаа өмчлөөд байх нь зохимжгүй юмаа, дуугай л өөр хүн рүү гайхсан царайгаар хараад өнгөрөх нь дээр юм байна шүү зөвлөхөд, хаха.

Хүүхдийн яриа

Манай бага хүү ярьж байна.
Хүү: Ээжээ, чиний first name чинь ЭЭЖ, Last name чинь Гилийн хатан.
Би: өө тийм үү?
Хүү: хүмүүсийг дандаа First name-ээр дуудгийн. Би чамайг Ээжээ гэж first name-ээр дууддаг. Та намайг бас first name-ээр дууддагшдээ.

Хүү хэхэрчээд Sorry гэж байнга хэлнээ, намайг бодвол соёлтоййй. Нэг удаа унгачаад Sorry гэж хэлэхгүй байхаар нь
Би: миний хүү унгачаад яагаад Sorry гэж хэлэхгүй байна?
Хүү: Хүүхэд унгаж болно, Sorry гэж хэлэхгүй. Хүүхэд хэхэрч болохгүй, Sorry гэж хэлэх ёстой гэнээ. 
Бодвол тийм юм байлгүй дээ.

4 сарын 1нд сагсны тэмцээн болно

Сиднэйн Монголчууд уламжлалт сагсны тэмцээнээ зохион байгуулна гэнэ. Мань чинь хазганаад тоглолтой биш дээ, өнждийн билүү гэтэл өнгөрсөн жилийн Алтан медаль авсан багийн нэг гишүүн жирэмсэн болсон тул хүн дутсан бололтоймаа, тэдний багийн 2 ч гишүүн намайг багтаа тоглооч гэж утасдаж байна. Уг нь ноднин манай багийн ахлагч тэмцээний дараа "та дараа жил өөр баг маг руу урваж шарвахгүй, яг л энэ багтаа тоглоно шүү" гэж хатуу анхааруулсан юмаа. Би тэр амлалтаа ч санаж байна. Өнгөрсөн жил манай баг ямар медаль авсныг сонирхвол эндээс уншаарай.

За тэр ч яахуу, нөхөр надад сам бэлгэнд өгсөн тухай бичлэгийг хийсэн орой манай нөхөр надад "ингэхэд шампууны эрклааманд тоглодог гоё үстэй хүүхнүүд чинь амьдрал дээр оригоороо, бүүр гудамжинд явжээдгийн байна шдээ" гэж авчээн, хаха. Манай ноён амьдралдаа үсээ намируулсан хүүхэн анх удаа харж байгаа нь тэр юмуу эсвэл эмэгтэй хүний гоо сайхныг харах билгийн мэлмий нь огцом нээгдсэнүү, их л том нээлт хийсэн аятай гайхаад л гялалзсан намирсан асгарсан гоё үсний тухай магтан дуулав, хаха. Би "үсээ самнаж байгаа хүүхэн сайхан харагддаг юм байна" гэж ташаа боджээ, үсээ самнацан хүүхэн сайхан харагддаг бололтоймаа.

Цагаан сараар болсон яриа

Австралийн иргэншил авсан цөөн хэдэн Өвөр монгол, уйгуур хүмүүс энд амьдардаг юм. Тэдний нэг болох Ц хэмээх уйгуур залуутай хэдэн хором хөөрөлдсөнөө хүргии. Тэрээр энд эхнэр 2 хүүхдийн хамт амьдардаг бөгөөд, монголчуудын уулзалт цугларалтанд ирдэг, монголоо гэсэн сэтгэлтэй хүн билээ. Би түүнтэй өмнө нь Далай ламыг Сиднэйд ирэхэд анх удаагаа, дараа нь Монголчуудын холбооны нээлтэн дээр 2 дахь удаагаа харж байсын. Харин энэ удаа би өөрөө түүн рүү очиж яриа өдлөө.
ГХ: Сайхан шиэнэлж байна уу?
Ц: Сайхан сайхан
ГХ: Нутаг ус хаана билээ?
Ц: уйгуур хүн байнаа
ГХ: өө Шинжааний монгол хүн байнашдээ
Ц: тиймээь харин та яаж мэднээ, танай монголчууд Өвөр монголоос өөр монгол Хятад улсад байдаг гэж мэддэггүй, муу
ГХ: харин тиймээ, би ч бас саяхнаас л мэддэг болсон
Ц: та манай том хотын нэрийг мэдэх үү
ГХ: мэднээ, Өрөмчи
Ц: би анх удаа манай хотын нэрийг мэддэг, бас хаана байдгийг нь мэддэг монгол хүнтэй таарлаа. танд баярлалаа
ГХ: ингэхэд Шинжааний монголчууд Ар монгол руу чөлөөтэй зорчиж чадах уу
Ц: үгүй, биднийг гадагшаа явуулдаггүй, зөвхөн хятад хүмүүс л чөлөөтэй зорчдог. Бидний үнэмлэх дээр монгол гээд бичцэн байхыг уншсан цагдаа нар биднийг явуулахгүй
ГХ: аа тийм үү. Гэхдээ чи австралийн иргэн юм чинь монголд очиж үзэв үү?
Ц: өнгөрсөн жилийн 7 сард би монголд очсон, сайхан байна лээ


Ц: та нар хазара монголчуудыг монголд авчирч сургадаг гэдгийг мэднэ
ГХ: тиймээ, эхний 3 оюутан ирээд сурч байгаа
Ц: сая бүүр их 22 оюутан авчирсан гэсэн?
ГХ: би мэдээгүй юм байнаа
Ц: та нар тэр холын хэл өөр, шашин өөр хүмүүсийг авчирч байхаар биднүүсээс авч сургаачээ
ГХ: Эхний 3 хазар оюутныг монголын засгийн газар бус Цахим өртөө гэдэг төрийн бус байгууллага авчирч сургаж байгаа гэж би ойлгосон.
Ц: бид нар монгол хэлээрээ ярьдаг, монгол бичгээрээ бичдэг монгол хүмүүс байнаа

Ц: манай нутагт байдаг казак хүмүүс их муу хүмүүс байдаг. Ар монголд байдаг казак хүмүүс хир вэ?
ГХ: сайн мэдэхгүй байнаа, гайгүй байхаа, манай монголын иргэн хүмүүс
Ц: би монголд байгаа казакуудыг монгол хэлээ заахгүй, сурахгүй, бүх албаа казак хэлээр хөтөлдөг болсон гэж уншсан, үнэн үү?
ГХ: үгүй байхаа, Монгол улсын албан ёсны хэл бол Монгол хэл. төрийн ажил Монгол хэлээр явагдах ёстой.
Ц: Танай казакууд монгол дахь Косово болчих вий гэж би санаа зовдогоо
ГХ: өө тийм үү, баярлалаа. Үгүй байхаа.

Ц: Монгол улс биднийг иргэнээ болгож авахгүй юм байхдаа, бид хүлээгээд л байдаг?
ГХ: одоохондоо манай улсын чадал муу байнаа. Бас иргэнээ болгоод авах гэхээр баахан хятад хүн иргэн болох гээд байдаг ч юм уу, болгоомжлол байдаг байхаа, би сайн мэдэхгүй байнаа.
Ц: би нэг санаа хэлье. Монгол хүмүүсээ Монгол улсын иргэн болгож авахын тулд иргэн болох хүсэлтээ тавьсан хүн бүрээс монгол хэлний шалгалт авахад л болоо. Хятад хүн харь хэлийг сурдаггүй, энэ үнэн шүү, жнь энд 20-30 жил амьдарчаад англи хэл сурч чаддаггүй. Бүр л энд төрөөд өсөөгүй бол англи хэл сурахгүй үхдгийн. Танай монголд ч насаараа амьдарсан хятад хүн монгол хэл сураагүй л байгаа. Хүүхдүүд нь төрөөд өсөөд монгол хэл сурсан байж магад. тэгэхээр монголын иргэн болгохдоо Монгол хэлээр шалгалт авнаа гэвэл хятад хүмүүс тэнцэхгүй, монголын иргэншил авч чадахгүй.

Бид нэг иймэрхүү юм ярилцаад, тэднийх манайхыг гэртээ урьсан бөлгөө. Манай хичээлийн өрөөнд Шинжааний хятад овутан надтай суудгийн. Түүнтэй бас хэдэн юм яриадаа.
Би: танай Шинжааньд амьдардаг монгол хүмүүсийг гадагшаа явуулах дургүй гэдгийг сонслоо. Яагаад тэгдэг юм бэ? гэсэн чинь манай өрөөний хужаа надад итгэхгүй байнаа.
Тэр: миний монгол найз нар гадаад руу яваад л байдаг шд
Би: та нарын пааспортыг чинь үзээд монгол гээд биччихсэн бол явуулдаггүй юм бишүү
тэр: пааспорт дээр Хятадын иргэн гэдэг өөр үндэс угсаа байхгүй
би: тэгвэл та нарт өөр иргэний үнэмлэх гэж бии юу
тэр: байгаа. аан тийм иргэний үнэмлэх дээр үндэс угсаа бичдгийн
би: танай Шинжааний монгол найз чинь монголоор ярьдаг юмуу?
тэр: үгүй, тэд нар монгол хэлээ мэдэхгүй монголчууд, багаасаа хятад сургуульд сураад
би: аан тэгвэл монгол хэлээр ярьдаггүй, хятад хэлээр ярьдаг учраас чөлөөтэй гадаад явж болдог юмуу?
тэр: одоо тэгж л таарлаа

Аль дээр Цагаан сараар, ийм хэдэн яриа болсон.

Жич: Нараагийн комээнтийг уншаад би яахаараа Уйгар гэхийг Уйгуур гэж бичдэг байнаа гэж өөрийгөө гайхлаа, хаха.

Байгаль орчинд ээлтэй ээж

болсынш мань чинь. Ядуу оюутан хүн яахуу дээ автуусны мөнгөө хэмнээд дугуйдаад л байна. Өглөө гэрээс гарахдаа дугуйгаа түрээд, хүүхдүүдээ дагуулаад зам  хөндлөн гараад, хэсэг явжуугаад сургуулийн хашаагаар нь дугуйгаа түрсэн чигтээ ороод, дугуйгаа нэг модны ёроолд пааркалнаа, хаха. Тээд бага хүүгээ ангид нь хүргэж өгөөд, буцаад дугуйгаа түрээд, сургуулийн хашаанаас гараад, дугуйндаа морддын. Үдээс хойш би өөрийнхөө сургуулиас дугуйдаад, хүүхдүүдээ аваад дугуйгаа түрээд гэртээ харинаа. Маниас өөр дугуйчин ээж аав энэ сургуульд байхгүй ээ, бүгд л машаанаар хүүхдүүдээ хүргэж өгч авна. Тэгсэн хүүхдүүдийн сургуулийн захиргаа нь манийг автуус машаан хэрэглэдэггүй Байгаль орчинд ээлтэй ээж гэж өргөмжлөөд сургуулийн захирал нь над нэг цаас, бас өглөөний цай хамт уух урилга өгсөн шд, хаха. Монголд дугуйгаар хүүхдээ сургуульд хүргэж өгвөл хүүхдүүд бусдаасаа ичэх байх даа гэж бодогдлоо. Энд улиралдаа сайн сурсан хүүхдүүдээ захирал нь нэг удаа өглөөний цайнд урьж, хамтдаа баахан шаагилдгийн.

За тэрч яахуу, блог донгоосоо салах гээд хэд хоног блогоо хаагаад өнөөдөр нээтэл дөнгөж хэдхэн хоног блог хаалттай байсан болж таарлаа, хаха. Маний баруун хөл гишгэхээр өвдөөд дугуйдах байтугай явахад өвдөөд.
       Хормойгоо ширчээд
       Хоёр гурван хүүхэд дагуулчаад, дээр нь
       Хазганаад хэрэг алгаа.
Эмчид очвол "шингэн юм сайн уугаад, сайн амар" гэх байх гэж бодоод очихгүй байгаа шд, хаха. Нээрээ Монгол улс капитализмыг алгасаад гэдэг шиг мань чинь Авгай насыг алгасаад шууд эмгэн насандаа очиж яваа юм боловуу, таяг тулах л дутаад байга. Тээд машааны жолооны ард суухаараа гэртээ диваан дээрээ сууж байгаа юм шиг, баруун хөлөө зүүн хөлөн дээрээ ачиж байгаад, зүүн хөлөөрөө тоормос хааз энтэрээ удирдаж байндоо, лагуу, хаха.


Нээрээ төрсөн өдрөөр нөхөр над сам бэлэглэсэн шд. надтай сууснаасаа хойш намайг үсээ самнаж байхыг огт хараагүй гэнээ. үсээ самнаж байгаа хүүхнүүд гоё харагдгийн болвуу гэж бодлоошд. Тээд бодтол би сүүлийн 18 жил оогт үсээ самнаагүй, сэгсийчээд л яваад байсан байх юмаа.

Монгол улсын төлөө зүтгэе

Цэргийн баярын мэндийг бүгдэд хүргэеээ. Аниа нь Ариунаагийн фээн биш ч, хэдэн дууг нь сонсох дуртай. 

Хаврын шөнийн бодол

Цэнхэр дурдан алчуур

Дөрвөн цагийн тал

Цагаан сарын тухай хуучирсан бичлэг

Сиднэйн Монголчуудын Цагаан сар хэзээ боллоо? зөндөө олон хоног өнгөрчээ. Лав л бүтэн сайн өдөр байсын гэхгүй юу. Ингэж өдөр тодорхой бус поост хийж л байдаг тээ, хаха.

Мань чинь нэгийн даваанд ялаад, хоёрын даваанд ялагдцаан, хэхэ. Үнэн шүү үнэн гэм. Эмэгтэйчүүдийн гар барилдаанд орсоноо ярьж байгаа санаатай.

 Энд 4 баг уралдах гэж байгаан. Энэ шуудайнууд нь Австралийн шууданд хэрэглэгддэг уут. Австралийн шууданд нилээн хэдэн монголчууд курьер хийдгийн, мануусыг бодвол цалин өндөр, бас тодорхой зоон дотроо хаягаар шуудангаа тараах тул бинзээн бага зарцуулна. Мануус бол хаа хамаагүй явдаг тул 7 хоногт 200 долларын бэнзээн зарцуулж байна. Өмнө нь 150-г зарцуулдаг байсан ч одоо бэнзээний үнэ өсөөд байнаа. Мануус Австралийн шууданд ажиллах боломжгүй юмблээ. Нэгдүгээрт, мануус эндхийн жолооны үнэмлэхтэй байх ёстой. Энийг авах чинь бас их ажил, нээх төвөгтэйм билээ. Хоёрдугаарт, Австралийн иргэн эсвэл энд амьдрах эрхтэй хүмүүс шууданд ажилладаг. Зарим монголчууд бид нарыг энд оршин суух эрхгүй ч ажиллаж болно гэдэг ч, НО л гэж байналээ.
Энд нэмээд статусын тухай цухас дурдий. Эндхийн монголчуудыг статусаар ангилбал:
1. Австралийн иргэн монголчууд
2. Автрали улсад оршин суух эрхтэй монголчууд
3. Оюутнууд
4. хараар ажиллаж амьдардаг монголчууд гэж ангилж болох юм. Эдгээр монголчуудыг амьжиргааны түвшнөөр нь эрэмбэлье:
1. мэдээж Австралийн иргэн монголчууд
2. оршин суух эрхтэй монголчууд
3. Хараар ажиллаж амьдардаг монголчууд
4. хамгийн ядуу нь оюутнууд, хаха, мануус эмзэг бүлгийнх.

 Үзүүр түрүүний 2 бөхийн барилдаан. Бөх тайлбарлагч маань: Увс аймгийн Хяргас сумын харьяат, Хөдөлмөрийн баатар, гавьяат тамирчин, үндэсний бөхийн дархан аварга, олимпийн мөнгөн медальт гээд микропооноор зарлахаар нь анхаарлаа хандуулдгийн байгааздээ, Бөх тайлбарлагч үргэлжлүүлж байнаа: чөлөөт бөхийн дэлхийн аварга, сурган хүмүүжүүлэх ухааны дэд дооктор гэхээр нь Ямар мундаг бөх энд барилдаад байнаа, яахаараа надад анкээт СиВи-гээ өгөөгүй эр хүн энд байдаг байнаа гэж мэгээд чихээ дэлдийлгээд л Бөх тайлбарлагч үргэлжлүүлнэ: Хорлоогийн Баянмөнхийн нутгийн залуу бөх үзүүр түрүүнд үлджээ гэдгийн, хаха. Тэр бөх тайлбарласан залуу их хөөрхөн хөөрхөн юм яриад хөгжилтэй л байлаа, аниа нь насны доройтолд ороод юм санахаа больжээ.

Энд хэдэн тоть байна вэ? Хаа хамаагүй зураг шахчхиймаа, энэ күүкэн. Цагаан сарын өглөөний зураг гэж хүчээр энэ гарчгандаа наая даа, хаха.

Гэрийн ажил барагдахгүймөө

Аниа нь сэгсэгнээд л гүйж л байна. Сэлэлтийн 6 удаагийн хичээлд 55 доллар төлсөн ч чүү арай 2 удаа л оролцлоо, хайран мөнгө. 1 удаад нь манайд зочин ирээд таслаад, 2 дахь удаад нь аялан тоглолтонд яваад, 3 дахь удаад нь аялан тоглолтоос ирсэн өдөр таараад, дүйнгэ юм дөнгөж онгоцноос буугаад яаж сэлэх вэ дээ тээ, 4 дэх удаад нь найз ирж дургүй хүргээд, ингээд ер нь миний буруу биш л байгааздээ, хаха, буруу бүхэн бусдын буруу тээ. Тэрч яахав, би эрүүл мэнддээ анхаарал тавьдаг хүн болох гээд 1 сард сургуулийн спорт клубын гишүүний төлбөрийг бүхэл бүтэн 4 сараар нь 200 доллар төлсөн гэж байлуу, тээд тэндээ очихгүй хайран мөнгийг зүгээр л үрж байна. Өглөө босохдоо л "өнөөдөр ганц Зумба үсэрчхийнсан, орой ядаж хэд сэлчээд гэрийнхээ халуун усны мөнгийг хэмнээд тэндээ усанд орчхиймсон" гэсэн мөрөөдөлтэй босдгийн. Тээд сургууль ороол, ПиСи ширтээд л гэртээ харих болчих юмдаа, уг нь хүзүү нуруу хөшөөд л байгаа.

Нээрээ гарчгандаа жаажигнии. Маний хичээлээс гадна өөр баахан ажил байх байх.
1. Хүүхдүүдийн эцэг эхийн хурал ээлжлээд л хэдэн өдөр суулаа.
2. Том хүүгийн нүдний шил багадаад гэхийн, нүдний эмчид оочир авлаа, үзүүллээ, дараа нь бас нэг өдөр шилийг нь солиуллаа.
3. Манай пилээтиг 4 ширэмтэй, ээлжээр эвдэрсээр байгаад одоо ганц жижиг нь ажиллаж байгаа. Үүнийгээ янзлуулах гээд л Аагэнт руугаа ярихын, хүн явуулнаа л гэхийн, хүлээхийн, хүн ирээд үзсэн ч солиод өгөхгүй хэд хоног алга болчлоо.
4. Бага хүүгийн цэцэрлэгийн мөнгөний асуудал дуусдаггүй ээ. Анх цэцэрлэгт ороход нь барьцаа мөнгө гэж 500 доллар авсын, тэрийгээ авчих санаатай би 2 удаа мэйл бичлээ, таг. Өмнө нь хөөрхөн Хэйдэнтэй хүүхдээ уулзуулахдаа, надаас бусад эцэг эхчүүд одоогоос 3 долоо хоногийн өмнө барьцаа мөнгөө авсныг тэднээс асууж мэдлээ, гайхлаа, яагаад миний мөнгийг өгөхгүй байгаан болоо гэж. Тээд 3 дахь удаагаа мэйл бичлээ, "надаас бусад эцэг эхчүүд 21 хоногийн өмнө барьцаа мөнгөө авсныг би мэдлээ, юунаас болоол миний мөнгийг өгөхгүй байгаа юм бэ?" гэдэг бүдүүлэг эмэйл бичлээ, тэгсэн харин дараа 7 хоногийн эхээр таны мөнгийг өгнөө гэсэн, бас л алга.
5. Манай машааныг араас мөргөхөд, азаар бид амьд гарч, түргэнээр эмнэлэгт хүргэгдэн баахан шинжилгээ хийсийн. Тэгсэн тэр шинжилгээний мөнгө гэж 500 доллар төл гэсэн билл ирсийн, нааг ЮКэй явахаас өмнөө. Би эмнэлэг рүү яриад "бид азаар амьд гарсан, үхэж ч болох байлаа, бидний буруу огт байгаагүй, би төлж чадахгүй" гэлээ. Тэгсэн өөдөөс "тэгээд хэн төлөхийн" гэхээр нь, би "нөгөө буруутай этгээд төлнө биз, би тэр хүний нэр усыг мэдэхгүй, цагдаа надад хэлэхгүй байгаа, та нар өөрсдийн шугамаараа мэдээд, цаад хүнийхээ даатгалаар төлүүл" гэсийн. Тэгсэн одоо бас дахин биднийг мөнгөө төл гээд салдаггүй дээ. Би болохоор өөрийнхөө даатгалын компанид хүндрэл учруулмааргүй байдаг. Яахав бид шүүхэд хандвал тэр хүнийг олох л байх, гэхдээ бидэнд тийм цаг мөнгө байхгүй тул, шүүхдэх санаа байхгүй л байна. Тэрнээс бид хохирлоо төлүүлмээр л байна шд. Манай машаан төмрийн хогонд ачигдаад, бид өөрийн даатгалаасаа 3500 доллар авсан, дээр нь бид тэрнээс 2 дахин их мөнгө төлж байж, 2003 оны хуучин машаан авсан. Бид харихын хооронд хуучин машаантайгаа байж байгаад яваад өгч болох байлаа. Азаар эрүүл мэндээр хохироогүй ч 7000 доллараар хохирсон байгааздээ. Цагдаа нар тэр мөргөгч этгээдийн мэдээллийг өгдөггүй юм байна лээ.
6. ядаж байхад өчигдөр машааны ардиаторын илүүдэл шингэн ордог хуванцар сав хуруугаа хүргэсэн чинь л хагараад унацан, бүр хатцарсын байлгүй дээ. Өглөө хажуугийн дэлгүүрт байсангүй, нэг засварын газар очтол хуучныг 48 доллараар тавьна, гэрээсээ авчруулна, хүлээх үү гэжийн, тэгьеэ л гэлээ. Яасан үнэтэй муу хог вэ? Тийм савгүй хол явж чадахгүй тул хүлээлээ шд.
7. Нэг найз маань эндээс 3 юм аваад шууданд хийгээдэх гээд нөгөөхийг нь хот орж аваад, шууданд хийсийн байна. Бас нэг өдөр зарцуулцаан.
8. Өөр аахар шаахар ажлууд нэг дор бомбооролдоод дургүй хүргээд байсан, одоо мартчихжээ.

Энэ хагас бүтэн сайнд 3 сарын аялан тоглолтоор Вагга Вагга руу айлд зочлох план байлаа, гэтэл зочлох айлын эзэгтэй өглөө утасдаад "хот нь үерт автаад, оршин суугчдыг нь нүүлгэсэн гэнээ. Гэрээсээ дүрвээд, сургууль дээрээ 2 хүүхэдтэйгээ 4лээ амьдарч байгаа гэнээ". Энэ аялан тоглолтыг эртнээс төлөвлөсөн юмсан, одоо яахуу дээ, дараа очно гэж байхгүй дээ, найз маань сургуулиа төгсөж байгаан, энэ оны 7 сард Монгол буцна, бид ч очиж амжихгүй нь дээ. Монгол буцахдаа манайхаар хэд хононо. Олон улсын нислэг Сиднэйгээр л дамжина шуу даа.