Thursday, August 19, 2010

Мөрөөдөл биелдэг юм

Би мөрөөдөл биелдэг юм байна гэдэгт итгэдэг болоод байгаа. Нэгэн мөрөөдөл маань хэрхэн биелсэн талаар яринаа. Яринаа бишээ, бичнээ. Ууг нь та нар миний бүдүүн дуу хоолойг сонсдог бол айнаа. Би ч өөрийнхөө дуу хоолойноос цочоод байдгийн. Эмэгтэй хүн байж холын тээврийн жолооч шиг эсвэл заанаас дээш цолтой бөх шиг ПАР ПАР гэж инээнэ шд. Азаар та нарт миний дуу сонсогдохгүй юм даа.

За мөрөөдөл рүүгээ. Надад зурагтаар гарах шаанс байхгүй учраас би зурагтаар гарахыг ихээр мөрөөддөг байлаа. Хэрвээ зурагтаар гарвал би тийм гутал хувцасаа өмсөнө, гараа тэгж хөдөлгөнө, үсээ ингэж хойшоогоо хаялна, дорсгоо шүднүүдээ харагдуулахгүйгээр гоё инээнэ, бас их гоё хоолойгоор ярина гээд л мөрөөднө шд. Гоё л мөрөөдөл байгааз дээ.

Манай мэргэжлийн оюутнууд хавартаа нэг сарын хугацаанд хоорондоо бяцхан тэмцээн зохиогоод дүнгээ танилцуулах болохоор нэгэн жижиг бааранд бяцхан үдэшлэг зохиогоод шагналаа гардуулаад багш оюутангүй ганц нэг пиво уугаад хэдэн бүжиг товшдог уламжлалтай. Тэр нэгэн уламжлалт өдөр миний даасан ангийнхан баарны гадаа цуглараад бусдыгаа хүлээгээд л хийх юмаа олж ядаад л цаг нөхцөөж байсан үед папарацууд бидний зургийг зөндөө авчихсан байгаа юм даа.

За маргааш нь билүү нөгөөдөр нь гэртээ Цагийн хүрд үзээд сууж байтал цаг агаарын мэдээ зарлахаас өмнөхөн нэвтрүүлэгч ийн текст уншиж байна “Өнгөрдөг 2004 онд ажилгүйдлын түвшин тэдэн хувь байлаа. Хөдөлмөрийн зах зээл дээр ажлын байр хангалттай байна. Хөдөлмөрийн насны залуучууд ажил олдохгүй байна гэх боловч зарлагдаж байгаа ажлыг голж, амар хялбар ажил хийх сонирхолтой” гэснээ үргэлжлүүлээд “залуучуудын чөлөөт цагаа өнгөрөөх газар нь зөвхөн баар сав болжээ. Үүнтэй холбоотой гэмт хэрэгт холбогдох нь ихсэж байна” гэсэн текстийн ард харин бид нарыг фон болгочихсон байдаг юм даа. Би оюутан хөвгүүдийнхээ дунд хөхрөлдөөд зогсож байснаа хамтдаа баар луу орж байгаа нь тов тод гардийм даа. Би чинь уг нь улсад татвараа төлөөд ажиллаад байгаа хүн бид дээ. Мэдээллийн хөтөлбөр байсан болохоор нь хүмүүс их үзсэн байх, олон л хүн намайг харсан байна лээ. Хамгийн инээдтэй нь хөдөөнөөс хадам ээж бас үзчихсэн нөхөр лүү утасдаж нилээн ярьж байснаа “гилийн хатан сайн уу? Ажлаа хийж байгаа юу” гэсэн шүү.

Ингэж л миний мөрөөдөл амархаан биелсэн юм даа, пар пар.

8 comments:

Ganga said...

Yasan huurhun bichleg ve?

Гилийн хатан said...

Ganga-баярлалаа, би танайх руу өдөр бүр л шахуу бичлэг нэмэгдэж үү гээд л орох юм

Бүсгүй said...

hahaha

ganga said...

Hatantang chileehees emeesendee neg jijig bichleg oruullaa.
profile-r chini mail bichsen yavj uguhgui yum, bi chadahgui baigaa bololtoi. Nadad neg maildchihvel hariu bichie.

www.gegeen.com said...

ganga-n blog ch goyo shw

ooyo said...

nudend haragdtal goyo bichhiin maa ta neeree.....

Battushig Enkhjargal said...

ккк хөгжилтэй юм аа...

Anonymous said...

Xaxa xaaa. Unshsaar l baina...