Saturday, July 30, 2011

Лэйди Гага ба Улаанбаатар

Ийм гарчиг өгвөл Гага Улаанбаатарт тоглолтоо хийсэн юм шиг санагдуулж чаджиинуу.
За тэр ч яахуу, өчигдөр (Friday) би Гагагийн тоглолтыг орой 6 цагаас үзээд бүтэн нэг цагийн турш хэн гэдгээ ч мартаад амьдралаас тасарлаа шд. Ойрд ийм доргио сэтгэл ханамж аваагүйгээ, ийм тансаг сэтгэл догдлол мэдрээгүйгээ мэдлээ. Гагагийн тоглолтыг үзсэн гэхэд атаархаж байнуу надад. Гага Сиднэйд ирж бужигнуулж байгаад л явлаа. Тоглолтын үеэр авсан хэдэн зураг сонирхуулъяа.



 Тахир дутуу хүний тэргэнцэртэй тайзан дээр дуулж Сиднэйчүүдийг шоконд оруулаад








Жич: Photos by Jacob Dezwart. Хүний авсан зурагаар хүүдэгнэсиин.
Нэмж хэлэхэд Хатагтай Бандааш тоглолтын 3-4 хувцас сольж өмссиин байж огт бандааш өмсөөгүй байгааз дээ, над шиг, хаха.

Picture from The Daily Telegraph. Энэ зургийг сүүлд нэмлээ. Малгайг нь хараарай, Сиднэй Айрпорт дээр.


Хаха, хөөрхий ядуу оюутан яаж тэр тоглолтыг нь очиж үзэх вээ дээ, зурагтаар л үзсиин. Муусайн хүүхдүүд чарлалдаад байхаар нь өөр өрөө рүү хөөж оруулж байгаад ганцаараа галзуу юм шиг л том өрөөгөө эзэгнэлээ. Ёооё тэр мөчийг нэг бүрчлэн бичвэл яг галзуу солиотой маань бүүр илэрхии болчих гээд байна, ингэсгээд орхиё. Тоглолтын дундуур рэклаам яваад сайхан оргил үедээ орж байхад чинь сулруулаад байсан болхоос. Энд бас зурагтаар нь эрклаамны дундуур юм олж үздиин. Юугаар жиших вээ, за шаар үлээж байна гэж бодъё шаар томроод томроод явж байтал үлээхээ болихоор нь бага зэрэг шалчииж байгаад рэклаам дуусаад тоглолт үргэлжлэхээр дахин томроод, эрклаам гарахаар сулраад тоглолт үргэлжлэхээр өмнөхөөсөө томроод гэх мэт явсаар байгаад тоглолт дуусахад тэр шаар цаашаа үлээгдэх аргагүй болж хагарч байж минии санаа амарсииншд. Гэхдээ өчигдөр маангар харамсаад, Гагаг амьдаар нь үзэх ийм сайхан боломж дахин олдохгүй байх гэж бодлоо. Яаж ийгээд ганцаараа ч хамаагүй тоглолтыг нь үздэг байж гэж одоо ч харамсаад байнаа (санаа алдав.Сурв).


Сая энэ клипийг олж үзлээ. Бодвол та нар өмнө нь үзээ байлгүй. Улаанбаатар маань ийм сайхан сэлүүхэн байжээ. Танил зурагнууд хөвөрч байна. Бага нас минь өнгөрсөн тэр төвлөрсөн төлөвлөгөөт эдийн засагтай захиргаадалтын нийгэмд би үнэн дургүй.

 

Хүмүүс хүүхэд насанд хүргэж өгдөг галт тэрэг байвал сууна гэж мөрөөдөөд байдгийн, би бол суухгүй. Миний бага нас сайн эцэг эхийн буянд жаргалтай өнгөрсөн ч, тэр нийгэмд дахин очмооргүй байна.  Нээрээ өнгөрсөн 7 хоногт 17 again гэдэг кино үзээд, хөөрхөн кино байнлээ. Бодлоо, би дахин 17 насандаа очихгүй ээ, харин 20 наснаасаа хойш аль ч насандаа очиж болжээн. 17 насандаа очвол онц сурлагатан сэтэртэй, эр эм нь мэдэгдэхгүй тооны машаан, тэгээд найз нөхөд байхгүй, өөртөө итгэлгүй, зорилго байхгүй, тэнэг мануухай байлаа шд. Угаас социалист нийгэмд бид бүгд нэг хэвэнд цутгачихсан ижилхэн бяцхан сэтгэдэг болж хүмүүждэг байсын.

Friday, July 29, 2011

Gde?

Г.Э-г эрэн сурвалжилж байна. Оддын өвчин туссан гэж найдахаас, үтэр илааршаа.

Thursday, July 28, 2011

7 сард

Нээрээ Канбэррад оюутнууд лааг хямдхан байранд амьдардгийн байна лээ. 7 хоногийн 163 доллар. Би бүүр итгэхгүй байгаам чинь. хэрэв би тийм хямд байранд байвал хагартлаа баяжихнээ. 7 хоног бүр байрны түрээснээс 200 доллар хэмнээд байна гэхээр гоё байгааз дээ, тамхи татсан ч болжээн, хаха. Тэр байрыг уг нь нураах шийдвэр гарсан ч АНУ өөрийнхөө дотуур байрыг баригдтал нураахгүйгээр, оюутнууддаа хөлслүүлж байхаар засгийн газартайгаа гэрээтэй гэнэ. Намайг Канбэррад байхад машаанаараа хүргэж өгсөн залуу тэгжиилээ "манай кабэррад 3 бурхан байдгийн. 1 дэх нь энэ хямд байр, 2 дахь ямар ч гэнүү цэвэрлэгээний компани, эндхийн бүх монголчууд болон тэдний гэр бүлийнхэн ажилладаг" гэнээ. 3 дахь би тэр шөнийн ульсан хүйтэн салхинд сонсож чадаагүймаа. Бас дахин лавлаж асуугаагүй, хөлдөж үхэх гээд байсын болохоорр.

Е найз сургуулиа төгсөөд бүүр нутаг буццөөн. Будаг нь ханхалсан шинэхэн төгсөгч эх орноо хөгжүүлэх гээд ханцуй шамлаад дайрч байгаа байх даа. 7 сарын эхээр Хөлсөлж байсан байрных нь гэрээ дуусаад хэсэг манайд байж байгаад явсан. Намайг аялан тоглолт хийгээд хэд хоног байхгүйд хөөрхий намайг орлоод манай хүүхдүүдийг нааш нь цааш нь зөөж байгаад л явлаа.

Сүүлийн хэд хоног тасралтгүй бороо асгараад, дугуйгаа унаж чадаагүй. Өнгөрдөг 7 хоногт машаантайгаа явж байтал гэнэт машааны хамар орчим жижигхэн дэлбэрэлт (энэ их сүржин хүүхэн шүү) болоод уур савсаад утаа суунаглаад аймаар юм боллоо. Ийм юм кинон дээр л харж байснаас надад тохиолдоно гэж бодож явсангүй. Тэгсэн машааны маань аржаатар буудаад, хага. Тээд яахуу дээ, нөгөө NRMA руугаа утасдлаа, ачуулъяа гээд, одоо машаанаа ачуулаад сурцан шд. тэгсэн эхэлж жижиг машаан ирж шалгана гээд, би болохоороо цаг хэмнээд шууд ачуулах гээд. Тээд жаал тайлбарлаж байж шууд ачих машаан ирүүллээ. Таньдаг хүний машаан засварын газарт оочирлохгүй урдуур нь дайрч байж маргааш нь машаанаа авлаа. Ардиатор 250 доллараар сольжээнэ лээ. Миний байнга очдог газар аманд орсон үнээ хэлээд байдгийг сүүлд л мэдсийн. хэрэв очдог газраа очсон бол 600 доллар гэж чадна шүү. Тэгээд ардиатор сольсон засварын газар дараа ирж бас нэг юмаа засуул гэснээр дахин очиж 200 доллараар л нэг юм солиулсан, юу ч юм бүү мэд. Ингээд л хэсэг байж байгаад л мөнгө гараад байдгийн.

7 сарын 27-нд бас торгуулаадаа. Энд зарим зогсоол зөвхөн машааныхаа бөгсөөр ухарч орж паркин хийх ёстой байдгийн. Миний хувьд зогсоолд орохдоо хамраараа шааж орох нь амарханаас гадна хурдан байдаг юм. тэгээд юм л бол хамраараа орж зогсчоод, гарахдаа ухраад л гараад явчдиин. Тэгсэн өчигдөр бөгсөөрөө орж зогсох ёстой газар хамраараа паркин хийсэн гээд 88 долларын торгууль биччихжээ. Одоо яахуу дээ, маний буруу.

Нээрээ энэ 7 хоногт гашуудал зарлаад байна. Маниих нь лап тор эвдэрсэн. Энд ирээд худалдаж авахдаа 2 жилийн баталгаанд мөнгө төлсиин. Тэгсэн 2 жил 7 сарын болоод чад хиичихлээ. Одоо дахин лап топ авмааргүй байнаа. Миний өмнөх лап топ 3 жил наслаад л бас байхгүй болсон. Ер нь лап топ 3 жилээс илүү болдгиин болов уу. Ингээд би гэртээ гар хоосон боллоо. Сургуулийн лап топнуудаас ийшээ тийшээ явахдаа түр зээлж хэрэглэж болдгийн. Одоо аялан тоглолттой гээд нэг сар ямарч байсан зээлдгиин билүү дээ. Би өдөр бүр сургууль дээрээ суугаад байж чадахгүйгээс хойш. Дэск топ авбал удахгүй харихын хооронд дэмии санагдаад байхын. нэг мөсөн монголд очоод тэндээс л лап топ авмаар байдаг.

Энэ бүтэн сайнд Харригийн төрсөн өдөр болно. Жаалуудын төрсөн өдөрт л уригдах юмдоо, хөөрхий Гилийн хатан.

Wednesday, July 27, 2011

Хуурамч багийг минь хуу татсан эрхэм Анонд баярлалаа


Үргэлжлэлийн үргэлжлэл гэдэг бичлэгт сээгийгээр энэхүү зургийг минь үлдээжээ. Хараад үхтлээ инээлээ. Анон та бусад олон Анон-оос ялгарч арай өөрөөр Анон 007, Анон үзмэрч, эсвэл Анон АиТи-ч гэж мэгээд нэрээ бусдаас ялгаж байгуул бүүр чика байна. Намайг яг л зураад хаячиж, тэгэхээр чи намайг таньдаг эсвэл үзэж хардаг чадвартай байх нь гэсэн ердөө 2 дүгнэлтэнд хүрчээнэ.
 
Эр зоригтны үнэн нүүр царай (энэ зурганд анон-ы өгсөн нэр)


Дахин баярлалаа.
нөгөө 8 сарын аялан тоглолтонд бэлдэж байгаа хүнийг энэ анон бичлэг хийлгэчихлээ, зураг үзээд тэссэнгүй ээ, энэ донтой күүкэн.

Тайлбаргүй хэдэн зураг

За за тайлбарлаад хэдэн үг хэлчии. Энэ зурагнууд бие биеэнээсээ урган гараад байгаан.


Sunday, July 24, 2011

Таануус эдгээрийг их уншсаныг мэдлээ

Уул шугамандаа блогийн хажуу ханан дээрээ хамгийн их хандалт авсан бичлэгүүдийг үзүүлж болно л доо. Тээд 10 бичлэг харуулсан чинь 2 нь нээх мангар бичлэг байх юмаа. Хүмүүс гарчигт нь хууртагддаг болтой дог. Өөрийн зүгээс тэр муу 2 бичлэгийг түр авч байгаад дахин шалгаруулахад гарч ирсэн 10 бичлэгийг энд тавьчлаа. Тэгснийхээ дараа нөгөө муу 2-гаа буцаагаад байранд нь хийчихлээ, хөөрхий. Энэ 10-аас та нар хэдийг нь уншсан болоо?

1, 80 доллараар патиараа татуулжээ

2, Саяхан алуулангаа алддаг бичлэг

3, Оготны шөл уусан нь

4, Газар доогуур орчмоор байлаа

5, Баамаар байнаа

6, намбагүй хүн нэг ширхэг байнаа

7, Зүүдээ бишээ хулгайгаа яав

8, Би багш хүн

9, Олон хүн зурхай сонирхдгийн байна

10, ЭсЭсЭс күүкэн

Өмнөх бичлэгүүдээ хальт хартал тэр үед сэтгэгдэл үлдээдэг байсан хэсэг хүмүүс ор сураггүй  алга болж, оронд нь шинээр олон блогчид болон сээгийчид хүч түрэн орж иржээ.

Өмнө нь бичлэгтээ нэг гарчиг өгөөд тэрнийхээ арааманд нь жаажигнуулаад "утга төгөлдөрдүү" юм бичдэг байсан чинь одоо хавийн юм хамж чимээд, ямар ч утга авцалдаагүй зүйлсийг зүгээр л холиод бичдэг болсон байна. Их л эвдэрч дээ, энэ охин. Засаад өөд татаад аваад явчих хүн байгуул гараа өргөнө биз, хэхэ.

Ингээд нэг дор би 10 бичлэг шахлаа шүү, хаха. Хэд хоног бичлэг хийж амжихгүй нь ээ хөө. 8 сарын аялан тоглолтонд бэлдэх хэрэгтэй байна.

Friday, July 22, 2011

Үргэлжлэлийн үргэлжлэл

Имжийн хөндийд хагас цэрэгжилтийн байдалтай байсан гэж хэлсэн дээ. Утас барихгүй бас интернет гэдэг юм байхгүй, ертөнцөөс тасалж байгаад маниусыг тамлаж өгсөн дөө. Худлаа яриад яахуу, өөрсдөө сайн дураараа тамлагдсиймөө. Хэрэв утас болон интернет хэрэглэмээр байвал мөнгөө төлөөд хэрэглэж болно л доо. Бид өглөө 6,30-д босоод, 7,30 гэхэд өглөөний цай ууна. Бидний байрлаж байсан байрнууд нь модон дотор мангар хол хол зайтай, цай хоол иддэг газар руугаа ой дундуур 20 минут алхаж явж хүрдэг байлаа. 

Wednesday, July 20, 2011

Үргэлжлэл

гээд гарчиг өгчих үү. Энэ одоо юуны ч үргэлжлэл юм.

Пэртэд Казино тоглож мөнгө хожсон гэсэн чинь олон хүнд мөнгө хожих шуналын галыг асаажээ. Ингэхэд над мэтийн хүмүүс мөнгө тэндээс хождоггүй байхаа. Баахан хүмүүсийг казинодуулж, мөнгийгүй болгосон хэрэгт орох гэжииншд, хэхэ. Хол яв тэр газраас, би л лав тоглоод баймаар байсан, донтдог шинжтэйм байна лээ шүү.

За Пертийн тухай ярьсиим чинь бас нэг яриа санаанд ороод ирлээ. Нөхрийн ангийн охины нөхөр надаас асууж байна:
Он: чи ямар пиав уудгийн?
ГХ: өө найз нь ийм тийм нэртэй пиав уудаг гэж худлаа бүлтрээд ч яахуу дээ. Оюутан хүн хэзээ пиав авч уугаад байдаг байлаа. Би чинь хямдаар нь 4 литрийн винотойгоо л ноцолддииншдээ.
НАО: хэхэ, чи бидний оюутны амьдралыг алхам яриа тутамдаа сануулах юмаа. Нээрээ бид оюутан байхдаа 4 литрийн виногоо уугаад л аз жаргалтай байдаг байжуулээ.

Нээрээ Канбэррад хөлдөж үхэнгээ алдсииншд. Манай Сиднэйд бид хэзээ ч дотуур ноосон өмд, куртка өмсдөггүйен. Энд одоо манайхаар бол идэр есийн хүйтэн эхлээд байна. Сиднэйд шөнөдөө нэмэх 9 хэмтэй хонож байхад, Канбэррад хасах руу орж хоноод мөс зөс хөлдөөд байхчүв. Над нэг бэлэгдлийн чанартай оранж өнгөтэй куртка байдгийн, тэр минь л аминд орлоо. Бас яаж нэг дотуур ноосон өмд авч явсийн. Авч яваагүй бол Гунан үхрийн эвэр хуга хөлдөнө гэдэг шиг хэрэв би эрэгтэй байсан бол юм хум хуга хөлдөөд тасраад унахаар шинжтэйм байналээ, тэр Канбэррад. Бас энд ороолт малгай бээлий гэх мэт хэрэглэл бидэнд оогт байдаггүйм. Аваад явъяа гэж бодсон ч над байгаагүй болохоор, очоод гайгүй байх гэж итгээд тууцан чинь бардаггүй ээ, нэг задгай цамцаараа хүзүү толгойгоо ороож байж нэг юм хүзүү толгойтойгоо үлдлээ шд. Тэр оранж курька их учиртайййй, юмыг яаж мэдэхэв би бүтэлгүй юм чинь эргүүтэж яваад Имжийн хөндийн зэлүүд ойд төөрчүүл нисдэг тэрэгтэй аврах багийнханд хурдан ологдох гэжаагаан. Гэм нь монголд оранж курткатайгаа машаан зам хавьцаа явж байхаар хүмүүс надыг ТҮК-н ажилтан гэж бодоод "наад замаа олигтойхон шүүрдээч" гээд байдаг тал бий нь бий (уг нь Гилийн хатан үнэнгээ л хэлдгийн. Сурв).

За оршлоо дуусгаяа. Жинхэнэ бичих гэж байсан юм руугаа оръёо. Та нар бас тэгж байгаад их муухай хүмүүс юмаа. Аль хэд хоногийн өмнө л би хадан хясаанаас буусан гэж бичсэн. гэтэл хэн нь ч яаж эргэж тэр хясааны ёроолоос эсэн мэнд гарсныг асуусангүй ээ. Ёстой муу хүмүүс юмаа. Тэндээсээ гарч чадахгүй өлбөрч үхэж ч болох нь байна шд. Нээрээ биднийг тэнд байхад дээгүүр нилээн олон бүргэд эргэлдээд байсан. Буцаж дээшээ гарч чадахгүй бол тээд бид шувууны хоол ч болж магадгүй нь байна шдээ, хэхэ.

Хясаанаас буухаас өмнө зааварчилгаа өгсиин гэж хэлсэн тээ. Давтаад л байгаа байх даа, одоо ч юу бичсэн, юу бичээгүйгээ мэдэхээ больсон.
Хясааны ёроолоос буцаж гарах ердөө 2 арга байлаа. Эхнийх нь уян шатаар дээшээ авирах, яагаав нисдэг тэрэгнээс унжуулдаг олсон шат. Энэ шатаар авирах чинь их хэцүүмблээ. 2 дахь арга нь шатаар авирч чадахгүй бол чамайг нисдэг тэрэг ирж авна. Гэхдээ үүнд итгээд хэрэггүй.

 Энэ зураг дээр хардаа, модон шатаар авирч байгаа юм шиг авирвал зүгээр л газрын гадаргуутай параллель болчино, дээшээ биш, чи хэвтээ байдалд ороод ахихгүй.


 Тэгэхээр яахнуу, шатны нөгөө талаас нь гараараа болон хөлөөрөө авирна. Өөрөөр хэлбэл, шатаа чи гар хөлөөрөө ороож, биеийнхээ жинг шатны 2 талд хувиарлаж байна. Үүнийг та бас мэдээд авчуул, дараа хэрэг ч болж магад шд, хэхэ.

Гэтэл нөгөө адал явдалд дуртай гэж өөрсдийгөө тодорхойлоод байсан гаруудын төсөөлөл нь амьдралаас тас зөржиилээ. Хадан хясаанаас буух нь амархан байжээ. Эргээд олсон шатаар авирах нь их хүч шаардана, бас өөрөө өөрийгөө удирдах, анхаарлаа төвлөрүүлэх гээд олон үйлдэл зэрэг хийх шаардлагатай юмаа. Зарим нь бүүр 20-оод минут ноцолдож байж, аахилж уухилсан, хөлс баасаа цувуулж байж эргэж дээшээ гарсан шүү.

Saturday, July 16, 2011

12-15 нд Имжийн хөндийд

Мань чинь үнэгүй юманд нугасгүйм болохоороо оюутнуудын амралтаар kangaroo valley гэдэг газар болох воркшопт бүртгүүлцийн. Би энд ирээд тэр имж царай муутай юм шиг мөртлөө хөөрхөн коалаг нь хараагүй л байсын. Хааяа ийшээ тийшээ явахаар машаанд дайруулаад үхцэн имж харж байсын, гэтэл энд Имжийн хөндийд жинхэнээр нь амьдаар нь харлаа, бүр тэврэлдэж байгаад зургаа дарууллаа шд. Бас вомбат гэдэг царай муутай амьтныг нь харлаа. Баахан шувуу энүүгээр зүгээр. Энд баячууд ирж гольф тоглодгийн байна. Гэхдээ надад гольф оогт таалагддаггүй ээ, энэ гольфыг спорт гэх нээх хэцүү. Би бол амьсгаадаад, аахилаад, хөлсөө дуслуулсан амттай юманд дуртай болохоос, гольфонд дургүй (наа Гилийн хатан чинь ядуу, түүнд хэзээ ч гольф тоглох боломж олдож байгаагүйм, тэгээд атаархсандаа ингэж байгаан. сурв).

Энд зөвхөн эхний өдрийн адал явдлаасаа хуваалцъяа. Өглөө босоод буудлын рэсэпшн халтар залууг сэрээгээрэй гээд байхад сэрээсэнгүй гэж нэг муухай харчаад, автуусандаа суулаа. Автуус дүүрэн над шиг сэтгэл хөөрсөн, өөрсдийгөө нээг л их адал явдалд дуртай гээд итгэчихсэн яавуул яачии гэсэн царайтай хэдэн гар шуугилджиин. Тээд дороо танилцаад танилцаад явчииншд. Тээд 3 цаг яваад Имжийн хөндийд ирлээ, үнэн гоё.
Жаахан юм идүүлчээд, цаг гаран энд хэд хонохдоо хагас цэрэгжилтийн байдалтай байх тухай болон бидний үүрэг ролийг танилцуулж, нэг жижиг ном өгөөд түүнийгээ ягштал цээжлүүлээд буцаана гэжиин. Тээд өдрийн хоол гэж хэдэн өвс, хүйтэн усаар даруулж идчээд, гарлаа даа. Би ч мах байхгүй юмуу гээд л хэлцэн, хэхэ. Өглөө хоосон, өдөр өвс болохоор чинь өлсөнө биддээ, энэ махчин хүүхэн.

 нөгөө яахаас ч буцахгүй гээд өөрсдийгөө бодцон хөөрсөн хэдэн гарууд. Зарим охид хүүхнүүд өөрийгөө ялан дийлж айдсаа дарж чадаагүй, зорилгоосоо буцсаан. Ингэж амьдралд ховорхон олдох боломжийг алддаг хайран санагдлаа над лав. Бид нар одоо яах гээд байгаам бээ, хэхэ. Барилга барих гээгүй шүү.
 Энэ баг бядний амь насыг хамгаална л гэсэн шүү. Ахлагч бүрээгээ үлээн, танилцуулгаа эхэлжиин. Ийм царайлаг гоё залуучуудад амь насаа даатгаад үхсэн ч яахав дээ гэж тухайн үедээ бодож байлаа, хаха.  
 Зүүн талд байгаа залуугийн үсийг хар, нэг илж үзсиймсан, баруун талын залуугийн малгайг нь хар, ваув. Матрын арьсан бүслүүртэй Имжийн арьсан малгай.



 Эхэллээ. Бид 20 м-н өндөр хаднаас доошоо олсоор бууж байгаан. Ийм боломж амьдралд цөөхөн л тохиолдоно биз дээ, хүмүүсээ. Ийм мөчийг мартахын аргагүй, энэ үед төрсөн сэтгэгдэл бол янзтай. Би зүрх зоригтойгоороо хамгийн эхэнд буучаад, зураг дарж мараад, сахилгагүйтээд л явжиилаа.
 Доороос нь харах байдал, аймаар байна уу.
 Хажуугаасаа

За дараа үргэлжлүүлье.

2011-7-11 Канбэрра руу

Энэ өдөр энд ажлын өдөр. Монгол нутагт маань наадам эхлээд сэтгэл гэгэлзээд.

Надтай Японд хамт сурч байсан найз охин маань нөхөр 2 хүүхэдтэйгээ Канбэррад ANU-д сурах эрх аваад ирж байгаан. Би сарын өмнөөс Канбэрра явах автуусны билээт тэдэнд болон өөртөө авцан байсын. Тэд өглөө эрт онгоцноос буугаад, манайд хоол идээд, жаахан унтаж, хүүхдүүдээ амрааж аваад оройхон дахин нэг идэж аваад, бид 5-лаа автуусаар Канбэрра явлаа.
Биднийг Канбэррад очиход тэнд сурдаг нэг залуу тосож аваад, гэртээ хооллоод, манай 4-г байх айлд нь хүргэж өгөөд, намайг зочид буудалд маань хүргэж өглөө. Шөнө 12 өнгөрцөн байхад нэг юм буудлын бараа харлаа.

Миний ачаа иймэрхүү л байдгийн. Лар топ, зургийн аппарат, улаан өнгөтэй матрын арьсан чамдаан. Хаха худлаа худлаа, матрын арьсан чамдаан гэж байдаггүй байлгүй дээ, үнийг нь дийлэх ч хүн олдохгүй л болов уу. Сая Пертэд smart casual хувцас голдуу өмсөж байсан бол энэ удаа би спортлог хувцастай голдуу гадаа тоглож харайх юм. Маргааш өглөө воркшоп болох хөдөө газар руугаа 7,30-д автуусаар явна. Өглөө 6,15-д сэрээчээрэй гээд рэсэпшнд хэлээд байхад сэрээгээгүй, би өөрөө нэг юм 7 цагт сэрж, өглөөний цай уусан болоод санд мэнд явлаа.

2011-7-10 Сиднэйн наадам

Би Пертээс 7 сарын 9-ны шөнө ирээд, халуурч байж дуртай гар наадамдахаар явлоо. Энэ жилийн наадам өргөн дэлгэр сайхан болсон.

 Энэ наадмын асарт хүндэт зочид, элчин сайд маань тухалж буй.

 Олон сайхан битүү бөхчүүд барилдана билээ, хэхэ. Үзүүр түрүү нь олон зуун доллар байлаа, даанч эмэгтэй хүн барилдаж болохгүйм даа. Тэрнээс шунал хөдлөөд, би ч гэсэн үзэлцмээр, сайхан наадмаар санагдаад, худлаа л хүний дээлийн зах мушгиж суулаа.

 Нутагтаа очоод морь унаж сурахаар шийдцэн байгаа, угаасаа наадам болохоос өмнө аль дээр.

 Тугаа намируулаад, морьтой давхих монгол эрийг хараад огшихгүй байхын аргагүй.

Дээлтэй монголчууд.
Наадмын хуушуур үнэн амттай байлаа. Бас сайхан аарц уусан. Тэр аарц хийдэг туршлагаа хуваалцаачээ хүмүүсээ, ааруул хийдэггүймаа гэхэд аарц уужээмээр байна шд би.

Та бүхэн бүгд сайхан наадсан биз ээ. Оройтож бичлэг оруулж байнаа.

Бас л Пертэд

Пертэд өнгөрөөсөн бусад өдрүүд жирийн л ажлын өдрүүд байлаа. Өглөөнөөс орой 6 цаг хүртэл, хаа ч явсан хамтдаа гэгчээр багштайгаа хэлхэлсээр өдрийг өнгөрөөж байлаа. Тэнд ажилласан 5 өдрийн 2 орой нь хүлээн авалттай байв, нээрээ.  

Нөгөө бүтэлгүй хүн чинь 1 дэх өдрийн өглөө хар эрт хотод ороод ирлээ, утасны цагаа тохируулаагүйгээс болж сэрүүлгэ нь хуучин цагаараа дуугарч. үүрээр гудамж талбай нэг их хүнгүй байсан. Гэтэл эндхийн гуйлгачид шууд л улаам цайм мөнгө гуйх юмаа. Манай Сиднэйн гуйлгачид мөрөөрөө л доошоо хараад сууж байдгийн, хүн юм өгвөл баярласнаа илэрхийлчээд.

Надад өгсөн автуус, усан онгоц, галт тэргэнд үнэгүй зорчих билетээр би өглөө оройдоо ажил гэрийн хооронд явна. Тээврийн төлбөр төлдөг систем нь Сиднэйгээс огт өөр юмаа. Автуусанд ороод нөгөө билетээ үнэртүүлнэ, буухдаа дахин үнэртүүлнэ, явсан зайнаас нь хамаараад мөнгийг нь суутгаж аваад байна. Усан онгоцонд дотор нь бас адил, ороод үнэртүүлээд, буухдаа дахин үнэртүүлнэ. Гэтэл Субиако гэдэг газраас Фремантлэ руу галт тэргээр явах боллоо. Нөгөө билетээ барьсан чигтээ галт тэрэг рүү үсэрч ороод билетээ үнэртүүлдэг хайрцгаа хайгаад олдоггүй ээ, тээд хажуугийн залуугаас асуутал галт тэргэнд суухаасаа өмнө гадаа үнэртүүлэх ёстой байсын гэнээ. Тээд галт тэрэгнээс буугаад "би туулайчилсан нь үнэн, намайг өршөө" гэж хэлэх гээд намайг шийтгэж болох хүн хайгаад олоогүй, тээд үнэнгээсээ үнэгүй зорчцоон.
   
 Энэ болбасу Пертийн Bell Tower. Ганц нэг зураг оруулъя даа, энчодоо. Тэр ёроолд нь явж байгаа автуусны бөөрөн дээр муурны зураг байгааз. Би уг нь өөрийгөө мууранд дургүй гэж бодсон чинь ийм муурны зурагтай автуус харсан чинь гоё санагдаад байсан, энэ одоо юуных вэ гээд мэдрэлтээд байвал, хэхэ. Үдийн завсарлагаар иийшээ алхаж явтал зүлгэн дээр сууж байсан гуйлгачин бас мөнгө гуйдгийн, пиво уужииж. Аягүй бол өөр хүнээс мөнгө гуйхаар нь ууж барьж явсан пиаваа өгцөн байхаа. Тэгээд орой нь НАО-д хэллээ "танай гуйлгачид чинь эрээ цээргүй, шууд мөнгө нэхээд байх юмаа" гэсэн чинь "би хэзээ ч тийм шууд мөнгө өг гэдэг гуйлгачинтай таараагүй шд, энд өдий олон жил амьдрахдаа" гэжиин. Маргааш нь би гэртээ харьсан чинь НАО "нээрээ чиний хэлдгээр өнөөдөр надаас 2 доллар өгөөч гээд байхаар нь өгөх гээд цүнхээ уудалсан чинь 3 доллар өгчих гээд нэмээд байгаам даа" гэчихсэн намайг угтлаа.

 Пертийн төв, ийм цомхон. Гэхдээ 2 сая хүнтэй, үнэхээр сайхан хот байна лээ. Би тэндээс усан онгоцоор наад талд нь гарчаад хотын төвийн зургийг дарсан байдал. Энэ голыг Хун гол гэдэг, олон хар хунтай юм билээ.
Зүүн Пертэд өнөө үнэгүй автуусаар нь очлоо. Энд хуучин аж үйлдвэрийн том район байсан, хөрс маш ихээр бохирдсон байсныг өөрчлөн одоо орон сууцны хороолол болгосон байна лээ. Энэ бол ердөө нэг айлын орон сууц, хужаа охидууд гарч ирж байна лээ. Хажуу хананд нь ганц машааны гараж байгаа биз дээ.

НАО-ы ярьсан олон хөгжилтэй түүхүүдийг мартцан байна шд. Санаж байгаа ганц хоёр түүхийг нь энд биччии.
Тэднийх энд ирээд анх 350 доллараар нээх муу машин аваад пизза зөөдөг байж. Улаан гэрэл дохион дээр жоохон зогсоход л нөгөө муу машааных нь утаа машаан дотор нь орж ирээд өөрсдөө ханиалгаж эхэлдэг гэнээ, тээд ногоон гэрэл асаад  хөдлөхөд машаан нь баахан утаа хаячаад явчингуут, арын машаанууд нь үлдээсэн өтгөн хар утаан дундаас юу ч харахгүй хэсэг хүлээж байгаад утаа сарнихаар хөдөлдөг байсан гэнээ, хэхэ.

НАО- ы нөхөр нь хэл муутай, пизза зөөдөг байж. Тэгээд пиззагаа хүргэчээд, хүмүүсийг мөнгөө өгөөд Cheers гэхээр нь Tip гэж ойлгоод, хариулт мөнгийг нь өгөхгүй шууд явчихдаг байж. Тэгсэн хэсэг хугацааны дараа англи хэл сураад эхэлсэн чинь тэр хэлдэг үг нь гарын мөнгө биш юм байна гэдгийг мэдсэн чинь орлого нь шууд навс буурсан гэнээ. Өөрөөр хэлбэл, улаан цагаан дээрэм хийдэг байснаа сүүлд нь мэдэж л дээ. Хэлний мэдлэг ба орлого урвуу хамааралтай юм байна лээ шүү, хаха.

Monday, July 11, 2011

2011-7-3 Пертэд болсон явдал

Перт гэж үнэхээр сайхан хот юмаа, хүн ам цөөн, машаан зам нь бөглөрөхгүй, хот дотроо үнэгүй автуус ч явжаах шиг. Пертэд 7 хоночоод Сиднэй рүү буцаж явахдаа онгоцонд энэ бичлэгийг бичлөө. Пертэд байх хугацаанд өдөр шөнөгүй хурдан нэттэй байсан ч, өөр сонирхолтой зүйлс их байсан тул блогдсонгүй ээ.
Энд ирсэн эхний 24 цагийн тайлангаа тавъяа. Би 3-ний үүрээр 4 цагт гэрээсээ гараад Перт нисэх 6 цагийн онгоцонд суулаа. 2009 онд Канберра руу орон нутгийн Кантасаар 35 минут нисэхэд онгоц нь хоолтой байсын, энэ удаа гэрээсээ гарахдаа юу ч идсэнгүй, Перт рүү 5 цаг нисэх болохоор бараг 2 удаа хоол өгнө гэж тооцоолоод, өлөн гараад туучлаа. Гэтэл онгоцонд суутал рэстраан шиг хоолны меню өгдөг гэнээ. Үнэгүй хоол байхгүй, бүр үнэгүй ус байхгүй, зүгээр крантны ус ч байхгүй, жижиг 350-аар савалсан ус 3 доллар гэнээ. Тээд “монгол улсын иргэн оюутан Г.Х нь онгоцоор зорчиж явахдаа өлсгөлөнгийн улмаас суудал дээрээ таалал төгссөн байсныг нь онгоцны үйлчлэгч оллоо” гэж мэдээгээр гарч эх орныхоо нэрийг гутаагаад яахав дээ, 3 доллараар ганц кофе, 3 доллараар ганц бөөрөнхий печэнь авч идлээ.
Би багшийнхаа туслах хийж энд  ирсийн. Багш өөр онгоцоор энд ирээд буудалдаа бууцан, би нөхрийн найз охиныд хэд хонолоо. Онгоцны буудал дээрээс нөхрийн ангийн охин (НАО) намайг тосоод авлаа. Өнгөрсөн жил намайг монголд очиход нөхрийн ангийнхан манийг хооллоод, уулгаад, үдэж өгөхдөө, 1 том шилтэй архи өгснийг нь би НАО-н нөхөрт “танай ангийн дарга өөрийн гараар өгсөн архи шүү” гээд л гүн хүндэтгэлтэйгээр гардууллаа. Эдний ангийнхан манийг их тоодгийншд. НАО-нийх энд суурьшаад удаж байгаан. Би тэд нарт одоогийн амьдрал ахуйгаа ярихаар тэдний 7 жилийн өмнө анх ирээд хөглөж байсан түүхийг сануулаад, баахан л инээж байна. Ирсэн өдөр маань НАО нөхөртэйгээ хамтдаа надад хотоо үзүүллээ. Орой нь НАО-ны нөхөр намайг дагуулан миний амьдралдаа орж үзээгүй газар оруулж, намайг эрхлүүллээ. Хэрэв он намайг Казинод оруулаагүй бол би амьдралдаа орж үзэхгүй үхэх байсан байхдоо.
Ингэж бас нэгэн мөрөөдөл маань санамсаргүй биелэн би казино гэдэг газар тоглож үзлээ. НАО-ны нөхөр бид 2-г тийшээ явахад НАО намайг “бэлэн мөнгө болон картаа үлдээ, тэнд очсон хүмүүс байгаагаа тавиад туудаг” гэж анхааруулснаар, би 50 доллартай, НАО-ны нөхөр 200 доллараар тоглох гээд гарлаа. Пэртийн казино нь холоос усан онгоц шиг хэлбэртэй харагддаг сайхан байшин юмоо. Дотор нь ортол нөгөө кинон дээр л хардаг дүр зураг яг бодитоороо буцалж нүд эрээлжлэн ухаан санаа самуурч байлаа шд. Хөлтэй нь хөлхөж, хөлгүй нь мөлхөжиилээ. Таяг тулсан салга эмээ, эрүү өвдөг нь нийлсэн ээрүү өвөө гээд л тэргэнцэртэй хүмүүс, гоё ганган хүүхнүүд, бүүр донтоод хамаг мөнгөө алдсан бололтой муухан хувцастай хүмүүс ч байнлээ.
Анх ороод НАО-ы нөхөр Рулет гэдэг машаан руу 50 доллар хийгээд хэд хэдэн тоо дараад хүлээж байгаад, шууд нөгөө мөнгөө 108 доллар болгочлоо. Дахин хэдэн тоо хийгээд удаа ч үгүй 208 доллар гэдэг тоо гараад ирдгийн. Энд ердөө л 3 минут болсон байх, би нүдэндээ итгэхгүй байгаам чинь. Уг нь надаа зааж өгөөд тайлбарлаад байгаан, даанч би шинэ орчинд дасаж амжаагүй, тэр тоонуудынх нь учрыг олоогүй ээ. Тэгтэл он тоглолтоо зогсоож, читоноо аваад, мөнгө болгоход л би үнэн юм байна гэж итгэв. Тээ бодлоо, 3 минутад 150 Доллар олж байгаам чинь цагт 150-г үржих 20 тэнцүү гээд хариуг нь гаргаж чаддаггүй ээ, ингээд дандаа хожоод байдаг юм бол ажил хийх ч хэрэг алга. би гайхаад алмайраад, хацраа чимхэж үзээд хөөрсөн сэтгэлээ дарж чадахгүй бөөн юм болж болж нэг юм удаж удаж тайвширлаа. Тэгээд он хожсоноо тэмдэглээд пиав ууя гээд нэг нэг том пиав бариад том дэлгэц үзээд, бүжиглэж байгаа эмээнүүдийг жаал харж зогсоод, би тоглох боллоо. Эхлээд багаар 50 цэнтээр олон тоо дараад, хожих магадлалаа өсгөөд хэд хэд хожоод, 80 доллартай болсноо шунаад ихээр тавиад 3 минутын дотор би юу ч үгүй хоосон болцон. Гэтэл он бас эхэндээ хожиж байснаа бас хожигдсоор байгаад бас хоосорлоо. Гэрээсээ авчирсан 200 доллар байхгүй, нөгөө нэмж олоод байсан ч байхгүй. Сүүлийн 50 доллараа хийх гэхээр нь 2-лаа хэсэг завсарлая гээд гарч тамхилаад үргэлжлүүллээ. Энэ удаа тактиктай үзнээ гээд бид 2 ажлаа хувиарлалаа. Одоо энэ 50 долларыг алдвал бид 2 харихаас өөр аргагүй болох гээд байдаг, гэтэл бид дөнгөж орж ирээд удаагүй байдаг.
Хэсэг завсарлаганы дараа 50 доллараа хийлээ. Би болохоороо жижгээр тавьж олон удаа тоглож, багаар ч хамаагүй мөнгөө өсгөх гээд, он болохоор мөнгө нь жоохон өсөөд ирэнгүүт томоор тавьж том хожих гээд зөрөлдөөд. Тээд бидний мөнгө, бидний мөнгө гэчжээ би, өсөөд 136 болохоор нь би 100 доллараа гүйж очиж аваад, үлдсэн 36 доллараараа тоглоод, дахин 160 болоод ирэнгүүт нь би дахин 100 доллараа очиж авах замаар бид нийтдээ 650 доллартай боллоо. Дунд нь бас нэг томоор 300 доллар алдаад. Энэ дээр хүртэл эрэгтэй эмэгтэй хүмүүсийн ялгаа харагдахын, эрчүүд том тавиад том хожих гээд, би болохоороо жижгээр тавьж, бага багаар мөнгөө өсгөх, алдаах магадлалаа бууруулах гээд байдаг. Овоо хэдэн доллартай болцон бол чи шууд гараад явах ёстой юм байна лээ шүү. Бид 2     650 доллараа бариад гараад явчиж чадахгүй, дахин пиав ууснаа, нахиад эхний 50 доллараа хийгээд, он гэхдээ бүгдийг нь нэг тоон дээр тавиад алдчихлаа. Тээд хашрахгүй, өөр ширээн дээр 25 читон 50 доллараар аваад бас бүгдийг нь алдчлаа. Тээд одоо гарахгүй юм бол бүх олсон мөнгөө дахин алдах юм байна гэж ухамсраараа тэндээс гарсан. Гэхдээ би гармааргүй санагдаад л сэтгэл хорогдоод байсан шүү.    
Казиногоос гараад харих замдаа НАО-ны нөхөр нь энд зогсоодохъё гээд нэг дэлгүүрийн үүдэнд зогстол, худалдагч нь өөрөө гүйж гарч ирээд, юу авахыг нь асуугаад мөнгийг авч ороод, пиав барьж ирээд хариултыг нь өгөөд, пиавыг нь машааных нь ард хийж өгөөд, ерөөл хэлээд үлдэхээр нь майр гайхлаа, ийм үйлчилгээ хаана ч хараагүй юм үзээгүй амьтан шд. Манай Сиднэйд байдаг юм болов уу. НАО-ы нөхөр “намайг байхгүйд энэ авдар пиавыг ууж дуусгаад, хариарай” гэж зарлигдав. Ийм амархан даалгаврыг биелүүлэх юухэн байхав. НАО-ы нөхөр хотоос гадагш ажилдаа яваад бүтэн сайн өдөр л гэртээ ирдэг юм байна лээ. Одоо ирэхэд нь би өмнөх өдөр явцан байнаа, нээх харамсалтай. Ингээд нийт олсон 650 долларынхаа 100 долларыг казиногоос гарахдаа нүд ирмэх зуур алдаад, 50 доллараар нь авдар пиав аваад, 500 доллартой. Он анх казино руу  явахдаа чи наад 50 доллараа 100 болгоно, би өөрийнхөө 200 долларыг 400 болгоно гэж байсын, яг тэр нь биелээд, надад өөрийнхөө тоглож хожсон 100 доллараа өгөөд, өөртөө 400 доллартай үлдсэн. Би тэр мөнгийг нь авахгүй гээд байхад л “оюутан юм байж энд байх хугацаандаа автуусанд суу” гээд хүчээр өгцөөн, би хүч мөхөстөөд авцаан, хэхэ. Тэгсэн багш бид 2-н энд түр ажилласан газар нь энд байх хугацаандаа бидэнд автуус, усан онгоц, галт тэргэнд үнэгүй явах билет өгсөн, би бурзайцан байгааз дээ.
Тэгээд гэртээ ирээд мөнгө хожсон гавьяа байгуулсан 2 баатар авсан пиаваа уунаа. Ууж суухдаа би цагаа тааруулаад л чухам өглөө эрт ажилтай гэж бүлтрээд л байлаа, Пэрт Сиднэйгээс 2 цагийн зөрүүтэй. Тээд шөнө 2 цагт унтлаа, утасныхаа сэрүүлгийг тавиад. Сэрүүлэг дуугарахаар нь айлын хүмүүсийг сэрээхгүйгээр сэмээрхэн гараад автуусны буудал дээр 7 цаг 40 минут-д ирлээ, гэтэл автуус ирдэггүй ээ. Эндхийн жолооч нар цагаа барьдаггүй сонин юм бээ гээд л мангайгаад зогсооод байлаа. Бас нэг гайхалтай юм нь энд 7 цаг болчоод байхад үүр цайхгүй, нээх сонин газар юмаа. Манай Сиднэйд өглөө бараг 5 цаг үүр цайгаад, хүмүүс хөлхөөд эхэлдэг байхгүй юу. Энд Бараг 8 болох гэж байхад хав харанхуй, сартай, бас нээг ч хүнгүй эвгүй санагдаад. Тээд бугуйн цагаа хартал 5 цаг 40 минут гэжиидгийн. Унтахаасаа өмнө согтуу толгой чинь цагаа тааруулчаад, утасны цагаа тохируулахгүй сэрүүлэг тавьчаад, хар эрт ганцаараа гудамжинд зогсжиидиин. Буцаж ороод, унтаж байгаа айл хунар сэрээлтэй биш дээ. Тэр чигтээ 6 цагт ирсэн эхний автуусаар хот орсон. Иймэрхүү би будилаад л бүтэлгүйтээд л явжиилаа.
Энэ удаа ингээд дуусгая, лап топны цэнэг ч дууслаа. Өнөө өглөөнөөс хоолой өвдөөд эхэлсэн, халуураад л онгоцонд муухай царайлаад явжиин. Онгоцноос өвчин намдаах эм аваад уучихлаа.
7 сарын 9-ны шөнө гэртээ ирлээ.

Sunday, July 3, 2011

Жигүүрийн санал болгосон зурганд тайлбар

 Анхааруулга: Хэрэв та юм идэнгээ энэ бичлэгийг унших гэж байгаа бол уншихгүй байхыг зөвлөе. Эсвэл идэж дууссаныхаа дараа уншина уу. идэнгээ зурагт үзэх, блог унших таны эрүүл мэндэд хортой. Хаха өөрөө тэгдэггүй хүн шиг. Сэтгэгдлүүдийг уншсаны дараа нэмсэн болно.



Өмнөх Сурга гэдэгт бичлэгт дараах зургийг линкээр үлдээжээ. Та бүгд өөр өөрийн зүгээс дараах зурганд тайлбар өгнө үү.



 

Өөрийн зүгээс тайлбарыг болгооёо. Хэрвээ би энэ зургийг зурсан бол эрэгтэй хүний гэдсэн дотор нь идсэн юмнуудыг нь бутарсан байдлаар, өөрөөр шударга хэлбэл баас болсон байдлаар нь хар бор ногоон шар өнгөөр ялгаж будна.
Эрчүүд жирэмсэн эхнэрийнхээ гүзээг илээд л төрөх хүүхдээ өхөөрдөөд л үнсэнэ. Эхнэрүүд харин нөхрийнхөө хөөрхөн гүзээг өхөөрдөөд шопхийтэл үнсэнэ. Гэтэл энэ хөөрхөн гүзээнийх нь цаана 10 кг баас хөвж явдаг гэжийлээ шүү. Одоо гүзээтэй эрчүүд болон нөхөр нь гүзээтэй эхнэрүүдэд алуулсоон. Гэхдээ би нь цаагуураа эрчүүд минь гүзээнээсээ салж эрүүл мэндээ бодоо гээд байгааншд. Спортоор хичээллэ, ядаж мөнгө төлөхгүйгээр, өглөө гүйж байгаарай гэх гээд байна.

За тэгээд аливаа юмыг бичихэд амт оруулан Уянгын халил нэмдгийншд. Үүнийг бас бодолцож байлдаа. Эмзэгхэн би чинь бууж өглөө. Тэгээд та нараас айгаад энэ мөчөөс эхлэн янз бүрийн эсэргүү зөвлөлгөө өгөх болон бусад найз нарынхаа тухай бичиж амьтан хүний  уур хорслыг төрүүлэхээ болъё гэж бодлоо. Зүгээр л мөрөөрөө мөөмөө унжуулаад бишээ нээх ноомой болчлоо. Мөрөөрөө мөөмөө сэрийлгээд л  бишээ сээгси болчлоо. Мөрөөрөө мөөмөө савчуулаад л зөвхөн өөрийгөө муулаад л байж байя доо.

За сэтгэгдлээр зурганд тайлбар өгөөрэй, завтай бол.

Friday, July 1, 2011

За хонгоруудаа сайн сууж байгаарай

Өнөөдрөөр энэ жилийн 2 хагас эхэлж байна. 7 сарын айлчлал тоглолт эхэллээ. Хэд хоног Perth явчаад ирнэ. Тэнд интернэтийн хэрэглээ хангамж, олдоц энэ тэр ямар байх талаар мэдээлэл байхгүй байгаа тул, ирснийхээ дараа ч мэнд мэдэж болзошгүй, эсвэл үнэгүй, олдоц сайтай байвал юу хийгээд байгаагаа тайлагнаж ч магад, үгүй ч байж магад.

2011-6-28

Өмнөх бичлэгт нэгэн Анон шоудсан нууцыг илчилсэн тул одоо энэ талаараа бичнээ хө.

Өнөөдөр нэг багшдаа загнуулаадоо, миний буруу л даа, том толгойлчоод.
Тээд сэтгэл жоохон тиймхэн байсан чинь нөгөө багш намайг дуудсын. Би нэг юмны хариу хүлээгээд энэ 6 саржингаа догдлоостой байгаан.
Тэгсэн багш: -хариу ирсэн үү?
би:- хариу алгоо
багш: -чи тэнцээгүйн байна
би: -багшаа 6 сар дуусаагүй л байна шдээ
багш: -одоо хариу ирээгүй юм чинь чи хүлээх хэрэггүй
би: -ядаж тэнцээгүй гэж эмэйл ч ирээгүй байна
багш: -тэнцээгүй хүмүүст хариу хэлэх шаардлага байдаггүйм за
гэсэн яриа боллоо. 2 багшаасаа салаад үдээс хойшжингоо л уруу царайлаад, наастэрдаад, мияараад. Гэтэл оройхон миний блогийг уншдаг нэг охин хотод уулзая гээд бид хөдөөний гарууд нэг нь хотын урдаас, нөгөө нь хотоос хойноос болзсон газраа уулзлаа. Тээд Мягмар гаригийн бүжгэнд орох уу гэснээ болиод зүгээр л чалчих газар ороод, хэдэн пиав уулаа. Би ууж байгаа пиаваа тоолж чаддагүй хүн чинь энэ удаа тоолж сурсаан, бид хоёр тус тусдаа 5 пиав уулаа, баар 12 цагт хаадгийн байна, хэрэв тэрнээс хойш ажилладаг бол бид 2 хэдийг ч цааш харуулах байсын.
Уг нь би сард 2 удаа бүжгэнд явах визтэй ч ашиглаж чадахгүй үхүүлээд байдгийн. Мягмар гаригийн бүжгэндээ ороогүй ээ. 2-лаа чалчих хэрэгцээгээ хангах тал дээр санаа нийлээд, баар хайлаа. Бие биенээсээ бар асуугаад мэддэггүй ээ (энэ бол Гилийн хатан шоучин биш гэдгийг илтгэнэ. Сурв). Тэгээд нилээн хайж байж нэг газар орлоо. Би нэг хор хэрэглэхээр нээх дутуу санагдаад байдгийн, заавал 2 дахь хорыг нь хамт хэрэглэдэг муу зуршилтай муу хүн. Яахуу дээ, нөхрөөс хулгайлсан хэдэн тамхиа татах гээд гадаа суулаа. Энд өвлийн хүйтэнд хүмүүс гадаа хүйтэн пиво уугаад суугаад байхаар би майр гайхдаг байлаа. Гэтэл гаднаа цахилгаан халаагууртай байдаг юм байна, даардаггүймблээ (баарнуудын гадаа халаагуур байдгийг мэддэггүй нь бас л шоучин бусыг нь илэрхийлнэ. Сурв). Гэтэл ширхэгийн тамхиа ширээн дээр тавьцан байсан чинь хажуугаар зөрж яваа хүн тамхинаасаа 2 ширхэгийг өгчих гээд байхаар нь чадахгүй өгчлөө. Бид 2-н хажууд 2 залуу ирж суусын, тэгснээ бид 2 луу их анхаараад байгааг нь би мэдээд л байлаа, нөгөөх маань над руу хараад сууцан, би тэр 2-луу хараад сууцан учраас. Тэгээд л бид 2-той яриа өдөөд л, та 2 ямар хэлээр яриад байнаа гэж мэгээд, монгол хэл чинь ямар аялгуу сайхан юм гэж магтаад л. Гэтэл бид 2 байнга уулзаад байж чаддаггүй хүмүүст тэр 2 мааш тээртэй байлаа, визний хугацаа дуусахаас өмнө блог дээрээ бичдэггүй аж амьдралаа ярьж амжмаар байдаг. Уг нь 1 нь Итали, нөгөөх нь Грек гэжиилээ, нээх царайлаг нь дэндцэн залуучууд. Миний бодлоор Европоос Итали Португали эд нар нээх царайлаг санагдаад байдгийн, Герман Англичууд царай муутай юм шиг, маасаараа шүү. Нөгөө 2-г няслаад байхад мань 2-той ярих гээд горьдоод байна лээ. Тоогоогүй ээ.
Тэгээд уулаа, чалчлаа, тамхиа татах гэсэн чинь гал байдаггүй ээ (галгүй гэдэг нь Гилийн хатан тамхичин бусыг нотолно. Сурв). Үйлчлэгчээс асуутал бааранд гал байдаггүй дээ. Тэгээд одоо яахуу дээ, хажуугийн 2-с гуйж байгаа юм чинь, тамхиа асаангуутай нөгөө 2-г шууд танихаа больчноо. За тэгээд нэг мэдсэн чинь мань 2-г дотогшоо ор гээд бар гаднах ширээ сандлаа хурааж байна, 2 мэдсэн чинь манайх хаах боллоо гээд монголд байхдаа баарнаас хөөгддөг шиг л хөөгдлөө шд. Тэгээд 2-лаа гэртээ харих болоод эхлээд би нөгөө охиноо трэйнд суулгах юм боллоо. гэтэл хамгийн сүүлийн трэйн нь явчиж, тэгээд хаанаас автуус явдгийн гэсэн мэддэггүй ээ, би ч гэсэн мэддэггүй. Би чинь голдуу машаантай болохоороо автуус унаа хаанаас хаа хүртэл явдгийг сайн мэддэггүй юм (машаантай хүн юм уугаад яваад байдаггүй нь Гил хатан шоучин бусыг баталж байна. Сурв). тэгээд трэйний хүнийг гуйж, тэр хүн нь ажлын байраа орхин барин бид 2-г дагуулан автуусны буудалд олж өглөө, сайн хүн шүү. тэгээд она автуусандаа суугаад харьлаа. Би өөрийн чиглэлийн автуусны буудал дээр иртэл ганц залуу зогсжиин. Тэгтэл сүүлийн автуус явчжээ. Тэгсэн хуваарь дээр нь автууснууд ирэхээр л харагдаад байдаг гэтэл тэр нь зөвхөн Баасан гаригт маргааш өглөө болтол нь автуус явдгийн байна шд. Баасан ахын төрсөн өдөр чинь бас энд Австралид байдгийн байна (оройн автуусны хуваарь мэддэггүй нь Гилийн хатан шоучин бусыг дахин нотолж байна. Сурв).

Тэгээд одоо гэр хүртэл таксидвал алуулах байхдаа гэж бодлоо. Нөхрийг ирээд ав гэж утасдаж зүрхэлсэнгүй ээ. Гэтэл нөгөө буудал дээр байсан залуу яг манай буудал дээр бууна, хамт таксидъя гэсэн санал тавьжээнэ. Тэгснээ нөгөө залуу нийтдээ 40 доллар гардгийн, би каартаараа төлнө, бэлэн мөнгө байхгүй гэхээр нь 2-лаа таксидлаа. Нөгөөх чинь бас л хамаг биеэрээ үстэй, халзан толгойтой цагаан залуу. тэгсэн буух болтол би 20 доллар сарвайсан чинь он байгаа нь энэ гээд 16 доллар өгдгийн, нөгөө каартаар төлөх гээд байсан хүн чинь. тэгэхээр нь би нэмж 4 доллар өглөө шд. Яах вэ яах вэ, хэрэв би ганцаараа таксидсан бол 40 доллар төлөх байтал, тэр залууг дээрээс над руу илгээн, 16 долларыг маань хэмнүүлсэн.

Жич: нөгөө хариу нь энэ өдрийн маргааш нь буюу 29 нд ирсэн шд, би ч итгэлтэй байсоон.