Thursday, June 30, 2011

Сурга (зөвхөн хүүхнүүдэд)

 Нэг хүн нүдээ ирмээд бичлэг хүлээгээд байна гэсэн, яахав өөр сэдвээр гэхдээ ойролцоо зөвлөлгөө өгьеө, охидууддаа.
За тэхээр байна шүү дээ, мөрөөдлийн ханхүү, арван хуруу тэгш хүн энэ тэр чинь үлгэрт л байдгийн, за яахав кинонд бас байдгиймаа байдгийм хааяа. Яг амьдралд байдаггүй л байхгүй юу. Нээг л мундаг, ухаантай, сайхан, гэр орны ажилд тусалдаг халамжтай Юндэн мөрөөдөөд, хэзээ намайг ирж авах болоо гээд хүлээгээд суугаад байгаа синглэ хүүхнүүд минээ Тийм эр хүн энэ хорвоо дээр оогт байхгүй, байдаггүй юм. Харин тийм эр хүнийг бид л бий болгодийн шд. Өөрөөр хэлбэл, бид нөхрөө ямар байлгамаар байна, тэгж сургадаг байхгүй юу. Эрчүүд чинь өхөөрдмөөр хөөрхөн амьтад байхгүй юу (энэ Гилийн хатан нөхөртөө алуулсаан. Сурв).
Төрөлхийн зарим муу зуршилуудыг нь эвтэйхэн таслан зогсоо. Жишээ нь, нөхөр гэртээ ирээд оймсоо бөөрөнхийлөөд хаа хамаагүй хаячдаг одоо яахуу. Энэ тогтцон зуршдыг нь өөрчлөх маш хэцүү. Энэ шивэртэй оймсоо хураа гэж насаараа хэрэлдэх эс бөгөөс чи өөрөө тайлаад хаясан оймсыг нь үүрд түүх сонголт үлдэжиин. Тэгэхээр яахав, охидуудаа, бид бяцхан заль гаргах хэрэгтэй. Угаалгын машаанаар хувцсаа угаахдаа бөөрөнхийлөөд хаяцан оймсийг нь хараагүй царайлаад угаалгын машаанд хийлгүй үлдээчих. Тэгэхээр дараа 7 хоногт өмсөх оймсгүйгээ ухаарна, тэгээд “миний оймсыг угаагаагүй үлдээчиж” гэж мэгж гомдол мэдүүлэх үед нь анзаараагүй үлдээсэндээ Уучлалт гуй, үнэнгээсээ мартсан юм шиг жүжиглэнэ шүү, маш их харамсаж байгаа аятай л өөрийгөө буруутгаад гэмшээд бай. Олигтойхон жүжиглэж чадахгүй бол зүгээр л Эмэгтэй та өөрөө насаараа оймсыг нь түү за. Тэгээд үргэлжлүүлээд “хайраа, миний хань оймсоо тайлаад шууд угаалгын машаанд өөрөө хийчиж бай, найз нь аягүй бол дахиад л харахгүй үлдээчихнэ” гээд гэмгүй царай гаргаад хэлчих. Яахав ихдээ энэ үйлдэл 2-3 удаа давтагдана л биз, гол нь эцсийн үр дүн шүү дээ. Ингээд сургацан байхад чи бөөрөнхийлсөн оймс энэ тэнд харж уураа барахгүй.
Эрчүүдийн нийтлэг онцлогийг нь ойлго. Наа эрчүүд чинь нүдэн дээрээ байгаа юмыг олж хардаггүй харалган улсууд шуу даа. Үүнийг нь ойлго, өрөвд, өршөө. Тэгэхээр наадуулаасаа “миний хөгшөөн тийм ийм юм тэндээс аваад өгөө” гэх мэтийн хүсэлт бүү тавь. Эрчүүд яг нүдэн дээр нь ил байгаа юмыг олохгүй, сайхан эмх цэгцтэй хураасан хамаг юм самраад хаячдийн. Өөрөө гуйчаад, нөгөөх нь эрсэн юмаа олохгүй онгичоод хаяцан шүүгээ энэ тэрээ чи өөрөө л дахин янзлах ажилтай болох тул иймэрхүү юманд бүү эрчүүдийг зар. Чамд гуйсан зүйлийг чинь олж өгч чадах ч үгүй, дээр нь ажил нэмээ хаячна.  
Мөн гэрийн бүх ажлыг эмэгтэйчүүд хийх ёстой гэсэн ойлголтыг нь дайнгүй, энхийн замаар шийд. Жнь, эмэгтэйчүүд бол гал тогооны ХАТАН ХААН гэсэн хэвшмэл ойлголтыг өөрчил. Анх манай нөхөр хоол хийж мэддэггүй ээжийн эрх хүү байлаа шд. Миний анхны хүсэлт бол нөхрийнхөө гарын гоймонтой шөлийг идэх хүсэлт байлаа, ууг нь хамгийн хялбархан хоол гэж сонгожиилаа. Гэтэл нөхөр шөлөө буцалсны дараа гоймонгоо хийдгийг мэддэггүй, хүйтэн усанд шууд хийгээд үүрчихсэн гоймонтой хоолоор намайг анх дайлсан юмдаа. Тэгээд бас энэ гоймон их муу гоймон байна, дахин ийм гоймон битгий аваараа гэчижээ. Анх хоол хийх А үсэггүй ногоонхон байснаа одоо бол Мастер Шиф болсон, энэ бол асар том ахиц дэвшил. Энэ үйл явцыг нь чи үнэн сэтгэлээсээ дэмж, хоолны ном бэлэглэ, хамтдаа хоолны нэвтрүүлгэ үз, эхлээд дагалдуулан сургаж, хамтдаа хоол хий. Удалгүй хоол хийх дуртай болоод ирэхээр нь чи аажмаар өөрөө гал тогооноосоо мэдэгдэхгүй хөндийр, гайгүй хоол хийгээд эхэлбэл чи дотроо баярлаад цааш нь өөрийнх нь инерцээр өнхрүүлчих. Тэгээд найз нөхөд, хамаатнууддаа нөхрийнхөө гоё хоол хийдгийг марталгүй зарла. Бас хүмүүс гэртээ урьж нөхрийнхөө сайхан хоол хийдгийг тунхаглаад, муухан хоол хийж таарсан тохиолдолд найз нөхдийг багахан зүйлээр хахуулдаад, амаа нийлүүлэн нөхрөө магтуулах кампаант ажил зохио. Эхлээд яахвээ яах вэ чи нэг хэсэг давс нь ихэдсэн, давсгүй, түлэнхий, түүхий, амнаас унах гэсэн хоол идэх болно. Энэ хэсэг хугацааг худлаа инээж, сайхан хоол байна гэж магтаж байгаад давчихуул, амьдралынхаа үлдсэн хугацаанд эмэгтэй та орой болгон гал тогоондоо ганцаараа хөлдүү мах хөшиглөөд зогсож байхгүй шд.
Ачаагаа хөнгөл. Эмэгтэйчүүд л бүх гадуур дотуур ажлаа амжуулдаг аугаа хүмүүс шүү дээ. Гэхдээ бас ингэж болохгүй ээ. Зарим ажлаа нөхөртөө даатгаж, чи өөртөө найзуудтайгаа уулзаж, саун, гоо сайханд орох цаг гаргах хэрэгтэй шд. Жнь, байрны мөнгө, утасны мөнгө, цахилгааны мөнгө гэх мэт тогтмол гардаг зардлыг төлдөг газруудаа судлаад, нөхрийнхөө ажлын газартай ойрхон салбарыг нь олчих, онлайн төлж болдог бол бүр сайн, тэр газруудтай нь чи өөрөө тохироод, данснаас нь автоматаар төлдөг болгочуул болоо явчина. Одоо монголд ингэж төлбөр хийдэг болж байгаа байлгүй дээ. Үгүй бол нөхөртөө цайныхаа цагаар гүйж ороод төлчих гээд аятайхнаар ийм ажлуудаа даатгачих. Энэ чинь чиний цагийг мааш их хэмнэхээс гадна, ийм төлбөрүүд шууд нөхрийн хариуцах ажил болон нөхрийн хармаанаас гарна гэсэн 2 давуу тал харагджиин.
Аливаа амьтныг сургахдаа идэх юмаар урамшуулдгийг та нар андахгүй л байх, үүнтэй агаар нэгэн эрчүүдийг магтаад л байх хэрэгтэй. Гэх мэтчилэн энэ лээкц бол ингээд хөврөөд л байна, дуусахгүй шд. Ер нь чи дургүй ажлаа нөхөртөө шилжүүлээд байж болно шд. Жнь, чи юм индүүдэх дургүй гэж бодъё. Юм индүүдэж байснаа нөхрөө дуудаад “хайраа өмдөө индүүдэж бай даа, миний баас гоожлоо” гээд жорлонд орж ном уншиж сууж байснаа гарч ирээд, индүүдсэн өмдийг нь магтаад “миний хайр, өөрийнхөө гараар индүүдсэн өмдөө өмсөхөөр өөртөө итгэлтэй их сээгси харагдаад байна” гээд бүлтэрчих, тээд л чи дахин нөхрийн өмд индүүдэх ажлыг үүрд өмдний эзэнд нь даатгачихна.  
Эцэст нь сургуультай нохой яадаг билээ дээ, эзнээсээ 2 м-н өмнө гүйж байж, эзнээ хаашаа явах гэж байгааг мэдэрдэг шүү дээ, охидуудаа. За тэгээд амжилт хүсье. Зав гарвал ийм амьдралын хар бор ухаан заахиймсан.

Уншигч эрчүүдэд алуулсан байхаа, энэ бичлэгийг зөвхөн хүүхнүүд унших эрхтэй болгодог хүйсээр нь филтерлэдэг юм байвал эртхэн хэлээрэй, ард түмээн.

Tuesday, June 28, 2011

Улс төржихгүй ээ, зүгээр л

Монголын анхны гадаад харилцааны сайд Чин ван Ханддорж олноо өргөгдсөний 1911 оны хувьсгалын дараахан Америкийн элчийг нийслэл Хүрээнд хүлээн авч уулзжээ. Цаадах нь Бээжин явах зам зуураа Монголоор дайраад гарч л дээ. Дөнгөж тусгаар тогтноод удаагүй дэлхийд хүлээн зөвшөөрөгдөөгүй байсан Монгол Улсын Гадаад харилцааны сайдтай уулзахдаа баахан дээрэнгүй хандсан гэдэг. Тэр эрхэм Чин вантай уулзмагцаа “Танай улс яаж тусгаар улс болж чадах вэ. Хил хамгаалалт гэж алга. Хүн амын тоо чинь хариугүй цөөхөн байна. Та нарт хийж чаддаг юм алга. Энэ янзаараа бол танайх хэдхэн жилийн дараа устаж үгүй болно. Харин Хятадын нэг муж болоод явбал хөгжиж дэвшинэ ” хэмээн сургамжилжээ. Хариуд нь Ханд ван “Америк улс ингэхэд ямар хэлээр ярьдаг билээ ” гэж. Мөнөөх эр “Англи” гэхэд нь “Англи хэл чинь Англи улсын хэл биш үү. Америк улс өөрийн гэсэн хэлгүй байх нь ээ. Ингэхэд Америк үндэстэн гэж энэ дэлхийд байна уу? Бас Чингис хааны байлдан дагуулалтын түүхтэй он чацуу Америкийн түүх гэж байна уу. Индиан омгийн түүхийг л би мэдэх юм” гэжээ. Ингэж асуусныхаа дараа хариулт өгөхийн завдалгүй “Өөрийн гэсэн хэлгүй, түүхгүй, үндэстэнгүй Америк улс тусгаар тогтноод хөгжиж дэвшээд явж байхад өөрийн гэсэн хэлтэй, түүхтэй, үндэс угсаатай Монгол Улс яагаад тусгаар тогтнож хөгжиж болдоггүй билээ. ” хэмээн хариулсан юм гэдэг. Эл түүхийг сонссон монгол хүн бүрийн самсаа шархирдаг гэж би боддог.
Сэтгүүлч Мөнхбаясгалан энд бичжээ. Нээрээ л самсаа шархирлаа. Энэ түүхийг урьд нь олж уншаагүй л тууж явжээ.

За улс төр энд ярихгүй ээ, зүгээр л би багадаа, багадаа ч юу байхав, 20гаран  насандаа "Америкчууд, Австраличууд англи хэлээр ярьдгийг мэдээд майр гайхаж байлаа шд. Америкчүүд Америк хэлээр, Австраличууд Автсрали хэлээр ярьдаг гэж боддог байсын".

За за жоохон улс төржөөдхии. Би чинь Социалист нийгэмд бага насаа өнгөрөөсөн хүн шүү дээ.
Нэг удаа зурагтаар Францад билүү, Италид нэг хүн "бэнзээн үнэд орчлоо, машаан унах арга алгоо" гээд машаанаа шатааж байгаа дүрс гарлаа. Бодвол засгийн газартаа эсэргүүцлээ өөрийн эд хөрөнгөө устгаж илэрхийлж байсиим болов уу даа. Тухайн үед монголд амины машаантай хүн гэж бараг байдаггүй байсан юм чинь надад хайран санагдлаа. Мэдээ цаашаа  үргэлжилж байна: "капиталист нийгэм гэж ийм аймшигтай, хүн амьдрах аргагүй юм байдаг" тухай л ухуулж байсан. Үүн шиг одоо монголд бэнзээний хомсдол болоод байвал машаанаа яаж унах вэ дээ, зарим хүн машаанаа шатаачмаар санагдаж байгаа болов уу?

Өчигдрийн бичлэг уншсан нэг хөөрхөн охин над руу "ирээд аарц ав" гэж мээсэж савсан байна. Хөөрөөд сууж байна.

Өчигдөр орой нөхөртөө төгсөлтийн хуурамч баяр болдог тухай, би ч гэсэн тэр хуурамч баярт нь орох юм шиг байна гэж ярьлаа. Тэгснээ төгсөнгүүтээ би нүдээ лаазэрдуулмаар байна гээд нөхрөөсөө зөвшөөрөл хүслээ. дараах кинуны баатраар жишээ аваад тайлбарлалаа. Princess diaries гэдэг коно, үзээ л байлгүй та нар.

  Нүдээ лаазэрдуулахаас өмнө

Лаазэрдуулсны дараа

Амьдрал ийм л байна шд. Би нүдний шилнээсээ салбал ийм хөөрхөн болно гэдэгтээ итгээд байгаамаа. Тэгээд нөхөр бид 2-н хооронд ийм яриа боллоо.
Гилийн хатан: Зөгийн балаа, хайр нь нүдээ лаазэрдуулмаар байна
Зөгийн балхан: Яах гэжаагаан?
Гилийн хатан: Хөөрхөн болмоор байна
Зөгийн балхан: Хнмм
Гилийн хатан: Би өөртөө итгэлтэй болмоор байна. Монголд өвөл шил цантаад нээх хэцүү шд, бүжиг, паартинд нүдний шилтэй орохоор мангар санагдаад байдгийн. Өө бас сагс волейбол тоглоход шил үнэхээр саад болоод байдгийн.
Зөгийн балхан: аан бас тийм тал бий шүү.
Гилийн хатан: Чи энэ конуг үзлүү? гээд энэ дээрх зурагнуудыг үзүүлвээ.
Зөгийн балхан: нээрээ л их өөрчлөлт ордгийн байна. Ингэхэд нүдээ лаазэрдуулсны дараа тэгээд баахан сайхан залуучууд араас нь гүйх үү?
Гилийн хатан: тэгэлгүй яадгиймбээ. Тасархай хөөрхөн болчхоор чинь
Зөгийн балхан: аан тийм бий вий.
гээд дуугай болчлоо. Энэ зөвшөөрөхгүйн шинж болой.
Би тэр сүүлийн асуултанд асар буруу хариулснаа хожимдож ухаарлаа.
Одоо тээд яахуу дээ, сургуулиа төгстөл зай байна, аливаа юм 2 талтай олон талтай, арай өөр талаас нь тайлбарлаж байгаад зөвшөөрүүлчнээ. Тэр болтол НӨХӨР хүнд таалагдах гоё тайлбар олдох л байлгүй, ер нь эр хүнийг панаалдах нээх амархан санагдаад байдаг болчжээ, сүүлийн үед, хаха.

Monday, June 27, 2011

Ааруул мэрхиимсаан

Бас цувдай, хонины чанасан толгой, тарваганы мах идхиимсан.
Айраг уумаарайн, арааны шүлс гоожжиин.
Санаа алдав, өрөөний хужаа оюуутнууд гайхан харав, над руу. Ийм л чанга санаа алдсийн байхдаа.

2011-6-27 Найзын хуурамч төгсөлтийн баяр

Өнөөдөр өглөө цүнхнээсээ гадна, зургийн аппараттай сургууль руу явсан тул дугуйдаагүй ээ.
Найзын төгсөлтийн баярыг хуваалцаж, зурагчин хийлээ. Энд оюутнуудыг төгсөнгүүт нь виз нь хүчингүй болоод нутаг руу нь хөөчдөг юм байна. Төгсөлтийн баяртаа дахин виз авч орж ирдгийн гэнээ. Ингээд жинхэнэ төгсөлтийн баяртаа ирж чадахгүй, ядуу голдуу орны төгсөгчдөд ёс болгон хөнгөхөн арга хэмжээ зохион байгуулдаг юм байна. Би Хятадад сургуульд сурч байгаа аятай л санагдлаа, баахан хятадууд төгсөлтийн хувцастай хуулралдаад байна.

Манай найз ч ялгаагүй, одоогоор дүнгээ ч сонсоогүй, төгсөө л байлгүй гээд л явжийн, эрхбиш өөрийгөө шалгалтандаа унаагүй гэж бат итгэсэн хүмүүс л ингэж баяраа тэмдэглэх байхдаа. Тэрнээс жинхэнэ төгсөлтийн баяр нь 9 сард дипломоо хүлээн авч эн тэр их л ёслол төгөлдөр болдог болтоймаа. Эд нар харьсан хойноо дипломоо шуудангаар авдаг юм байлгүй дээ. Би ч гэсэн сургуулиа төгсчихлөө гээд гар хоосон, дипломгүй хүн л нутагтаа очих байх даа. Хоосон очихоор хүмүүс сургуулиа төгссөн гэдэгт итгэхийм болуу даа.
Би Японд сургуулиа 7 сард төгсчихөөд, гэр бүлээ буцаачаад, 8 сараас 10 сар хүртэл төгсөлтийн баяраа хүлээгээд л үнэтэй зочид буудалд гэдсээ илээд л хэвтэж байлаа, тэтгэлгийн мөнгөө бүтэн аваад шүү дээ. Бусад орнууд өгсөн шиг өгөөд Япон шиг л байх хэрэгтэй шд, хаха. Гэтэл энд тэтгэлгээр сурдаг оюутнууд ч ялгаагүй виз нь автоматаар зогсоод л хөөгджийнэ шд, юун тусгай хангамж энэ тэр. За тэгээд хувиараа сурдгууд нь төгсөнгүүтээ үтэр түргэн буцах нь дээр дээ, байрны түрээсэнд хамаг мөнгөө өгч байхаар очиж эх орондоо мөнгөө үрсэн нь дээр бид дээ, энчодоо.
Хурдан сургуулиа төгсөхиинсөөн. Сургуулиа төгсөөд намайг хамгийн түрүүнд юу хийнэ гэж бодож байна? Таахгүй дээ, би их засварт орноо, хаха. Юм уншиж, ПиСин-ий ард олон цагаар суухгүй болох үедээ нүдээ лаазэрдуулж, нүдний шилээ авч хаянаа.

 Энэ бол доовторын зэрэг авах нь тодорхой болсон төгсөгч байнаа. Хулгайгаар дарсан зураг болно.

 Бакалавр болон мастерүүд ийм хувцас өмсдийн байнаа, бас л зөвшөөрөлгүй дарсан зураг.

 Сургуулийн кампуст нуур байдгийн, баахан шувуу шаагилднаа.

Баруун тийшээ байгаа модны ёроолоор том цагаан шувуунууд хонь шиг бэлчиж байнаа.

Багш ирчэж, тааралдлаа. Үүрээр 5 цагт онгоцноос буусын байж, одоо хуралтай гээд явжаахын,
юун хэнхэгийн харьж амраачээ.

Нэг мэдсэн чинь 11 оны хагас нь дуусчииншд, энэ цаг хугацаа ямар хурдан юмбээ, юу ч хийж амжаагүй байтал.

Saturday, June 25, 2011

Ойлгомжгүй зүйл зөндөө зөндөө

Барималчийн асуултанд болгооёо, хэхэ. Би яг энэ тухай бичих гэжиитэл чи асуулчлаа.

Энд одоо өвлийн эхэн сар шувтарч байнаа, цаана нь дахиад 2 сар би гэртээ бээрсэн ялаа шиг хөнжлөө чирсэн чигтээ жорлон орно шуу даа. Эндхийн хүмүүс манийх нь толгойг эргүүттэл нээх ойлгомжгүй хувцасланаа. Монголд цонхоор харж байгаад, өө нартай байна, хүмүүс тийм хувцастай явж байна гэж баримжаа аваад хувцаслаж болдог доо. Энд тэгэх арга алгоо. Би 2 цамц, жинс, пүүзтэй өвөлждийн, гэхдээ голдуу гаднах цамцаа тайлаад, ханцуйгаар нь бүсэлчнэ, танхайдуу. Гэтэл хүмүүс зарим нь, азиуд болон халтарууд үстэй гутал, өдөн куртка, ноосон малгайтай бээвийгээд л байна шуу даа. Нөгөө хэсэг нь цагаанууд голдуу салаан углааш, шорт, майктай өвөлжинө дөө, ядаж подвоолк ч биш. Автуусанд өглөө цагаанууд шууд шүршүүрээс гараад ирсэн болтой, үс нь шаал нойтон ус дусалцан, нүцгэн шахуу явахаар эхлээд гайхдаг байлаа шд. Энэ цагаанууд нээх чийрэг төрцөн, эр эмгүй л шалдан гүйлдээд байхын, зарим хүйтэн өдөр би тэднийг хараад л даардгийн. Угаасаа эрс хүйтэрддэггүй болохоор энэ зэргийн хүйтэндээ дасан зохицсон байдгийн байлгүй дээ.

Япон ч гэсэн дээ. Япон охидууд хар хүйтэнд шалдан гуяа гаргачихаад, хүзүүгээ зузаан ороолтоор ороочоод л яваад байна. Гэтэл -40 хэм хүртэл хүйтэрдэг монголоос ирсэн биднүүс өвөл нь хөлдөж үхэх гээд дотуураа ноосон өмдтэй л өвөлждгийн шд.

Friday, June 24, 2011

2011-6-22

Өнөөдрөөс энд нар наашилж, өдөр уртасна. Гэхдээ хамгийн хүйтэн өдрүүд үргэлжилнэ. Уг нь нар наашлаад байгаа юм чинь дулаармаар юм, гэтэл улам хүйтэрнэ.
Энэ их сонион. Жишээ нь, Монголд 12 сарын 22-ноос нар наашилж, өдөр уртасдаг мөртлөө, яагаад улам хүйтрээд, 9 эхлээд байдаг юм болоо. Зун 6 сарын 22-оос өдөр богиносож, нар цаашлах ч халууны эрч нэмэгддэг бусуу. Учрыг нь газарзүйчид эсвэл цаг уурчид л мэдэх байх даа.

2 дахь өдөр дугуй унаж ирлээ гээд би хөөрцөглөөд байсан чинь, үдээс хойш маш ширүүн бороо салхитай байсан тул бөгс өвдөөд байсныг хэлэх үү баярлаад, дугуйгаа сургууль дээрээ үлдээчээд, автуусаар харьцан. тэгээд орой 8 цагаас хойш машаанаараа ирж авлаа шд. Дугуйгаа машааны ард хийх гэтэл өргөж дйилдэггүй гэнээ, ийм л хүнд дугуй унаж яваа юм байна. Харин одоо 5 дахь өдөр бөгсний өвчин алга болжээ.

3 өдрийн орой Е найз сүүлийн шалгалтаа өгснийг бид тэмдэглээдээ, манайд. Одоо она фрии, хаха. Би орос хэл мэддгүйн шд. Ганц үг л мэддгийн, юу гээч ОН, тэр залуу гэжаагаан, хаха. Найз харих гээд хоног тоолон сууна. Би атаархаастай. Тэгээд намайг дугуй унаж байгааг сонсоод надаар бахархаад, би ч эх орныхоо өмнө гавьяа байгуулцан аятай хөөрлөө. Дараа 7 хоногийн 1 өдөр намайг зурагчин хийж өгөөрэй гэсэн, нөгөө төгсөлтийн нөмрөг энэ тэрээ өмсөж, бяцхан төгсөлтийн баяр болох юм гэнэ. Гэхдээ жинхэнэ нь биш.

4 дахь өдөр ситид гудамжаар би яарцан гүйж байтал өөдөөс алхах олон хүн дунд нэг монголжуу залуу явж байна, энэ яг монгол байна гэцэн, түүнийг хаана үзлээ, цагаан сар эсвэл наадмаар таарсан байх гэж бодоод, өөдөөс нь тулаад очтол манай нөхөр байсан байна лээ шд, хаха. Энэ том хотод би нөхөртэйгээ тааралдаж болно гэдэг бодол энэ тархинд хэзээ ч орж ирээгүйм байна.

Нээрээ манай ажилд нэг цагаан хүүхэн нээх үнэтэй жип-ээр курьер хийдгийн. Бас нөхрөө хажуудаа суулгацан, бодвол дадтал нь нөхөр нь хажууд нь явж байгаан байлгүй дээ. Би түүнд атаархаастай за юу, хүүхэн ачаагаа аваад машаанаа хаана ч орхисон, нөхөр нь машаандаа сууж байх тул тэр хүүхэн хэзээ ч торгуулахгүй. Зогсохыг хорьсон газар хальт зогсоход, рэйнжир таарсан ч хүний улаан нүүр чинь хүчтэй шд. Машаан дотор нь хүн байхад торгохгүй, хурдан эндээс хөдөл гээ анхааруулаад торгохгүй яваад өгдгийн.

Аан тийм 7 сард би 2 айлчлан тоглолттой, нэг нь онгоцоор, нөгөө нь автуусаар. Эдгээрт бэлдэх хэрэг байнаа, бас багш дараа 7 хоногт ирэх гээд байдаг. Завгүй мөртлөө ингээд л суухын, энэ хүүхэн, нээх ойлгомжгүй.

Tuesday, June 21, 2011

2 дахь өдрөө дугуйдлаа

Өчигдөр гэр лүүгээ 30 минут дугуйдаад бахдам амжилт гаргаад байна. Харих замд рулийн эрэг боолт сулраад, руль нь баруун тийшээ гүйгээд, илүү их тэнцвэр шаардагдлаа. Бас руль нь мөрөөрөө баруун тийшээ болохгүй, дээшээ эргээд, урд дугуйны тоормосны утсыг татаад, тоормослосон урд дугуйг хичнээн хүч орж байж жиивээ. надад ямар ч түлхүүр байхгүй юм чинь, тоормосоо сулруулж явсаар гэртээ ирсэн. нөхөр янзалж өгсөн, өнөө өглөө зүгээр байна.

Сая өглөө сургууль руугаа 28 минут давхилаа, ер нь 20 минутад энэ замыг туулах нөөц бололцоо энэ охинд байгаа нь ажиглагдаад байна, хаха. Даанч бөгс нил хүндүүр, замын турш ярвайлттай, бас босоогоороо жийсээр ирлээ. Эмээлээ порлооноор бүрчмээр санагдав. Өө бас гэрээс гараад дугуйн зам рүртэл 700 м орчим юмуу даа 1 км хүрэхгүй ээ, дугуйн зам хүртэл явган хүний замаар явж байтал нэг цагаан лэйди аймаар ууртай намайг зогс гэж орилоод, нэр асуугаад, хаяг гэж мэгээд явган хүний замаар явж болохгүй гэнээ, тэгэхээр нь "би анх удаа дугуй унаж байнаа, ийм дүрэм байдгийг хэлж өгсөн танд баярлалаа" гээд хэдэн өгүүлбэр хэлж тайвшруулаад, цаашаагаа машаан замаар явсаар, дугуйн замтайгаа нийллээ. Зарим газар машаан зам дээр дугуй зурсан байвал тэр машаан замаар дугуй явж болдгийн байна. Дугуй унах дүрмийг нь олж уншихаас, явган хүний замаар дугуйдаж яваад хүн мөргөчвөл аягүй бол төлж барахгүй өрөнд орох юм шиг байна.

Дараа 7 хоногт багш ирнэ. Энэ цаг хугацаа ямар хурдан байнаа.

Бага хүүдээ дараах 2 монгол хүүхдийн дуу зааж өгөөд, өнгөрсөн 7 хоногт.
Сурчихсан, одоо байнга амандаа дуулаад байгаа.

Бөмбөг битгий хаяарай

Зургийн хичээл

Энэ дуунууд дээр нь би брэйк хийсэн чинь инээд муутай манай том хүү шоолж савж унаад, нус нулимсандаа холилдоод, шээс алдатлаа хөхрөөд, дараа нь бандааш норгочихлоо гээд надаа уурлаад, хаха. Би чинь муугүй брэйк хийдэг байлаа шд, цагтаа.

Мартчиж, дугуй унах чинь М унахыг яагаад ч гүйцэхгүй байнаа, М-оор салхи зүсээд, баяр хөөр бялхаад их л сэхүүн явдгийн, дугуйдхаар бөгс өвдөөд, ярвайлттай л байна, одоохондоо.

Маргааш нөгөөдөр машаанаа унана, ажлаа хийнэ. 5 дахь сургууль руу дугуйдаж хичээлээ хийнэ, тэр болтол бөгс өвдөх нь гайгүй болох байх гэж найдхаас. Дандаа ярвайж дугуй унувал мангар биз дээ. Хагас бүтэнд машаанаараа сургууль явж хичээлээ хийнэ. Хагас бүтэнд сургуулиас 12 минут алхах зайд гудамжинд машаанаа паркалж болдгийн, цагийн хязгааргүй. Багш ирэх гээд байна.

Ер нь энэ бүжгийн виз ашиглаж чадахгүй байгаа юм чинь cancel-даад, дахиад М унамаар байна гэвэл нөхөр зөвшөөрөх болов уу, миний зөгийн балаа. За за чи олж уншихгүй дээ. Хэл амаараа хэлээд үздийм билүү.

Monday, June 20, 2011

Дугуйчин охины эхний өдрийн сэтгэгдэл (халуун дээр нь)

Хаха, өөрөө л өөрийгөө охин гэхээс дээ, өөр хэн ч намайг охин гэхгүйм чинь. Сая би гэрээсээ дугуйдаад ирлээ, сэтгэл их өндөр байнаа, цаашдаа цаг агаарын тааламжтай өдөр бүрийг алгасалгүй дугуйднаа.

Би ер нь ажил төрөлтэй холбоогүй юмыг шуушаадаг зуршилтай юмаа. Тухайлбал, би 90 оны дундуур жолооч болчоод, машингүй юм чинь жолоо барихгүй 7 жил болчоод, машин авсан өдрөө нөхөр унаад, маргааш нь би шууд л ганцаараа нөгөө машинаа хараагүй байснаа, ил зогсоолоос, өнгө, ноомероор нь таниад л шууд унаад явж байлаа шд, нөхөр хаашсан байсын тэр өглөө. Тэгээд машины сигнал хаана байдгийг эрх биш мэднэ, бусад товчлууруудыг нь хаана байгааг нь мэдэхгүй, замд гараад явцан хойноо хайгаад, бүгдийг нь дарж хөдөлгөж үзэж байж мэдэж авчээдсан хүн шуу даа.

Үүн шиг өнөөдөр нөгөө худалдаж авсан дугуйгаа шуушаа гээд л унаад гараад ирлээ. Нөхрийг угсарч байхыг нь харж байснаас би унаж үзээгүй юм. Тэгсэн, нээх өндөр араамтай нүсэр дугуй юмаа. Японд нөхөр бид 2 тусдаа дугуйтай байсан, миний дугуй жижгэвтэр дугуй байжээ, 5 жилийн өмнө шуу даа. Одооны дугуйг надаас намхан хүн унах аргагүйм. Би нь ташаа өндөр салтаа уужим тулдаа урт сайхан зоотой, уужим сайхан ташаатай тулдаа л нэг юм болж байна, хаха. Тэгээд дугуйны эмээл ийм хатуу байдгийг мартсан байна шд, порлооноор зөөлөвч хиймээр санагдсаан, зам огтлох энэ тэрт донсолоод алах гэжиилээ. Тоормос нь дөрөөндөө биш юмаа, дөрөөндөө бол амар байхгүй юу. Тэгээд яахуу даа, ганц ч бие халаалтгүй унаад гараад ирсэн чинь, унах явцдаа, хойд дугуйны тоормос нь зүүн гартаа, урд дугуйны тоормос нь баруун гартаа байжээн. Эхлээд мэдэхгүй тоормослох гээд баруун гарын тоормосыг атгаа хаясан чинь урд дугуй гээнэт зогсоод урагшаа годроотож үхэх гэжиилээ.

За тэгээд гэрээс гараад явсан чинь яг нарны өөдөөс явдаг юм байна. Орой харихдаа бас нарны өөдөөс явах юмблээ. Одоо үрчгэр дээрээ үрчгэр л болох байхдаа. Эхлээд өгсөөд л байлаа өгсөөд л байлаа. Би шантарлөө, уг нь араа сольдог дугуй л даа. Өгсөх явцдаа, хамгийн хөнгөн араагаар яваад ч дийлсэнгүй ээ. Сүүлдээ буугаад дугуйгаа түрээд алхангаа, за яаж ийгээд сургууль ордог юм бол тэнд нь хаячаад, автуусаар харинаа гээд л шүдээ зуугаад алхаад байлаа, маргааш өглөө бас автуусаар сургууль ороод, харихдаа дугуйдахаас гэцэн плантай, өөрийгөө иймхэн хулчгар амьтан байсныг илрүүлсэн шиг явлаа. Тэгээд өндөрлөг дээр гараад доошоогоо хөлөө амраасан шиг шааригдаад, дугуйн замтай нийллээ. Энэ дугуйн зам хүртэл 2 км орчим юмаа. нилээн явснаа, нөгөө дугуйн зам маань паарк руу ороод явчлаа. Би салаа замын уулзвар дээр хэсэг тээнгэлзлээ, машаан замаа дагаад явахуу энэ дугуйн замаар явж үзэхүү, дугуйн зам хаа хүрдэг юм болоо гээд. Ямар ч байсан дугуйн зам нь машин замтай паралелиар манай сургууль чиглэсэн тул Юун төлөө дугуйн зам билээ гээд дугуйн замаар нь явсан чинь ёстой л дугуйн зам байлаа, хаха. Түргэн хэллэг шиг болчлоо. Дугуйн зам чинь ямар ч замтай огтлолцохгүй, жижиг голоо дагаад, голдуу паарк, цөөн айлуудын хажуугаар гардаг аюул багатай, дугуйтай хүн хурдтай явах боломжтой байдаг юм байна. тэгээд голоо дагаад модон дундуур яваад байхаар наранд нүд гялбахгүй, том замуудтай огтлолцохдоо доогуур нь гараад явчдийн байна. Энэ замаар явсаар байгаад ганц дохиотой уулзвар нэвтрээд би сургуулийнхаа кампуст ороод ирлээ, нийтдээ 40 минут явжээ. Их л удаан байна даа, 5,5 кмт. Цаашдаа нэг сэтгэгдэлд бичсэнээр 20 минутад туулдаг болноо. Одоо энэ гуя миний ч гуя юм шиг хүний ч гуя юм шиг сонин байна шүү.

Орж ирээд нэт-ээс хартал энэ дугуйн зам 3,5 км байна. Нийт 5,5 км-н бараг 5 км-т нь дугуйн зам байна шд. Машаан замаар байнга явдаг хүмүүс дугуйн зам мэддэггүй юм байна. Дугуйн зам чинь далд байдгийн байна. тэгээд ч дугуйн зам уруу өгсүүргүй гол горхи дагаад тэгш голдуу, биед амар юмаа. Би өнөөдөр нээлт хийсэндээ нээх баяр баясгалантай байнаа. Орой хийсэн нээлтээрээ нөхөртөө онгирноо, гэр хүртэлх дугуйн замаа хэвлээд очно.Аан бас миний дугуй усны сав тогтоодог юм байхгүй, гэтэл тэр дугуйн зам дагуу дарахаар годгодоод гардаг уудаг ус байжийлээ.

Дугуйдхаар өглөө гэрээс солих хувцас авч гарах хэрэгтэй, өрөөндөө хувцсаа солиод, хөлстэй хувцсаа үүрээд харьдаг болох нээ. Энэ бол юу ч биш шд тээ. Дугуйдхаар спортлог хувцас голдуу өмсөхнээ. Эрт харанхуй болоод байгаа, гэрэл цацруулагч энэ тэрээр дугуйгаа тоноглох хэрэг байнаа.

Дугуй унасан чинь Мотоцикь унадаг байсан шигээ БИ АЗ ЖАРГАЛТАЙ байнаа. Энгийн мөртлөө бяцхаан зүйл хүнийг ингээд хөглөөд байхиймаа. ХАХА би инээмээр байнаа, даанч ХАХА гэж муухай инээх юмаа.

Миний 7 хоногийн автуусны зардал 27 доллар шуу даа. Дугуйныхаа үнийг би 1 сар дугуй унаад л олоод авлаа гэсэн үг. Шаашид зөндөө л хэмнэлт хийх юм байна, бас би мөнгө төлж биеийн тамирын дасгал хийхгүй, үнэгүй дасгал хөдөлгөөн хийж байгаа биз дээ, УРАА.

Жич: өмнөх бичлэг шахсаны дараа төрсөн өдрийн урилга ирээд, бүтэн сайны орой төрсөн өдөрдөөд. Манай аруун жилийн ангийн охин бид 2 энд бараг зэрэг ирсэн байгаам. Тэгээд яахуу дээ, маний Зэвсэг Тээхник гэдэг нэрээр намайг 1 жилийн дараа олоод авсийн. Өчдөр ангийн охин том болж байгаагаа тэмдэглээд, гоё гоё бэлэг аваадайналээ. Миний төрсөн өдөр 3 сард өнгөрцөн ч энэ сардаа багтааж төрсөн өдрөө тэмдэглэж, бэлэг сэлт цуглуулдгиймуу, хаха. Манай нэг найз надтай чацуум байж, одоо бараг 80 гарч яваа байх шүү. Жилд 2-3 удаа төрсөн өдрөө тэмдэглэсээр байгаад ийм өндөр насыг зооглож байгаам, хөөрхий. Хүмүүс ч нээх анзаардаггүйм байналээ, жилд 2 удаа төрсөн өдөрт нь бэлэг бариад хүрээд ирснээ, "энэ цаг хугацаа күээ мөн хурдан юмаа, саяхан л чиний төрсөн өдөрт уригдаад байсан, одоо ингээд л 1 жил өнгөрцөн байна шдээ" гээд үнсдийн, хаха.  

Saturday, June 18, 2011

Амралтын өдрүүдээр

би юу хийгээдайнаа.
Манай нэг найзын дүү нь нөхөртэйгээ Солонгост амьдардгийн. Дүү нь Сөүлээс ирж энд хэд хоносон юм. Ирэхэд нь найз Сиднэйд ирж дүүгээ тосож аваад, хөдөөнөө хэд хонуулаад буцааж байгаа юм. Найз хөдөө амьдардаг болохоороо дахин наашаа ирэхгүйгээр намайг 5 дахь өдрийн орой галт тэрэгнээс дүүгээ тосоод аваад гэртээ хонуулаад хагас сайнд онгоцонд суулгаад өг гэж үүрэгдлээ. Тэгээд намайг нөхрөөсөө их пиав уудаг гээд надаа пиав явуулсан байгаа юм. Хамгийн гоё бэлэг нь пиав уухдаа шилтэй пиаваа дотор нь хийгээд барьдаг уут. Өмнө нь манайд ирэхдээ намайг пиавчин гээд өөрийнхөө хэрэглэж явсан, зураг дээрх баруун талын уутыг өгсийн. Сая зүүн талынх нь цахилгаантай уутыг дүүгээрээ өгч явуулжээ. Би ийм бэлэг аваад хөөрөөд, өгч явуулсан пиавыг нь дор нь гусаа хаясаан. Надаа их таалагдаад байнаа, надад пиавыг стакаанд хийлгүй, шилээр нь уувал илүү амттай юм шиг санагдаад байдгийн. Хүйтэн пиав хөлрөөд, гар дааруулаад байдаг шд, хэрэв хүнтэй гар барих болбол нойтон хүйтэн гартай учраас зайлсхийгээд шууд үнсэх хэрэг гараад байдгийн. Хулганы дэвсгэр хийдэг материалаар хийсэн юм шиг. Хулганы дэвсгэр гэхээр та нар ойлгож байна уу, Аягүй бол ойхгүй байгаа даа. Гадаадаар Mouse pad гээ биччүүл ойлгоо явчина бээз.

Пиавны шилэн дээр болон хайрцган дээр нь Тасманы бар гээд сайхан амьтны зураг байна.



Энэ байна. Даанч цагаанууд ирээд алж хядсаар байгаад 20-р зууны эхээр устцан юм байна лээ. Сайхан амьтан байгааз. Өөр баавгай, янз бүрийн олон амьтан цагаануудын суурьшлаас устаж алга болсон харамсалтай түүх олон юм билээ, музей энэ тэрийг нь үзэж байхад. Одоо бол майр хамгаалнаа, жишээ нь манай мужийн эмблээм болсон Waratah гэдэг цэцэг байнаа.


 Энэ цэцгийг тасалбал ер нь шууд шорон байх шүү.

За би юу хийгээд байгаа билээ дээ. Найзын дүүг орой галт тэрэгнээс тосож аваад, хагас сайны өглөө хоол хийж өгөөд, онгоцны буудал дээр аваачаад хаячлаа. Дараа нь хүүхдүүдтэйгээ сэлж дуусаад, гэртээ ирж хуушуурдаад, номын сан орж хүүхдүүд баахан ном ДиВиДи зээлээд, би одоо л хичээлээ хийх гээд сууж байна. Энд номын сан нь майр буянтаймаа, хөөрхий. Мань мэт нь хүүхдийн ном, күүкэлдэйг нь худалдаад аваад өгчиж чадахгүй, номын сангаас зээлээд л хүүхдүүддээ үзүүлээд л байна даа. Ер нь ингэж номын санд хөрөнгө зарах нь эргээд нийгэмдээ маш их хэмнэлт хийж байгаан шдээ. Хүүхдүүддээ хэдэн ном ДиВиДи харамлахгүй байснаар зөв хүмүүжилтэй болгоод иргэншүүлээд байх чинь ирээдүйдээ тухайн улсдаа л хэрэгтэй шүү дээ.

Бүтэн сайнд манай Фа нүүнэ, намайг нүүлгээд өг гэсэн. Сургуулиас хойш 10 кмт байр хөлсөлж байснаа, одоо урагшаа 15 кмт байр олсон гэнээ. Синглэ юм байж 2 том чамдаан, 4 том цүнх, тэгээд гал тогооны хэрэгсэл, дугуй гэх мэт бас бус зөндөө л юмтай гэнэ. Ямар ч байсан миний машаанаар 2 рэйс хийхнээ. Бүтэн сайны өдрийн хагас Фаг нүүлгээд дуусна.

Жич: За тэгээд зарим нэг хүмүүс намайг битгий Барлаг гээд байгаарай. Бас зарим нэг хүмүүс найзуудыг маань Хүн зараад сурцан гарууд байна гээд байгаарай. Мөнгөөр хэмжих боломжгүй юм гэж энэ дэлхийд зөндөө байдгийн. Нэмээд энэ уут чинь үнэгүй байдгийн гээд бүү мияалаад байгаарай. Надад үнэгүй олдохгүй л юм байна.

Friday, June 17, 2011

Үхэрчин хүү Цэрэндорж

гэдэг шиг Дугуйчин охин Гилийн хатан гээд дуулаад дугуй жиих гээд олон хоног догдоллоо.
Өнгөрсөн 7 хоногийн шоппинг өдрөөр дугуй авцан. Бас яаж ав ганцаараа дугуйгаа унаад байхав, нөхөртөө хааяа унуулъя гэж бодоод, энэрэнгүй сэтгэлээр тал нь хөх өнгөтэй, тал нь мөнгөлөг эрэгтэй дугуй авчлаа. Хэрэв би ганцаараа унана гэж тооцвол пинк өнгийн эм араамтай дугуй авах байлаа. Бас хамгаалалтын нээх домбоо малгай авсан, нөхрийн сонголт. Ер нь би формал биш эд хэрэглэлийг тод тод өнгө сонгож авдгийн. Миний аялалын том чемодан оранж өнгөтэй, онгоцонд авч ордог жижиг чемодан час улаан, АйПод яв ягаан, М-н кааска маань хар дээр үзмэн ягаан хээтэй, бас орой дээрээ араг ястай, нүдний шилний араам оранж ч нь байна цав цагаан нь ч байна янагийн ягаан нь ч байна, лап тор нь ув улаан, зургийн аппарат маань пинк, гутал цүнх мүнх бол гал улаан гээд явж өгийншд. Мангар санагджиинуу, одоо яахуу дээ, энэ өнгөнүүд чинь манийг нь хурцалж өгдийншдээ. Энд би юугаа ч өмсөж зүүсэн хэн юугдийн, юу ч өмсөхгүй байсан ч юу ч гэдэггүйн.

За тэр яахуу. Тэгээд дугуйгаа унах гээд байдаг, энд өнгөрсөн 7 хоногийн 5 өдрөөс хойш бороо ороод нэг салдаггүй дээ. Зүгээр ч нэг зүсэр бороо биш, маш их салхитай, хүйтэн аадар бороо голдуу ороод өнөөдрөөс л нар гарч байна. Манай мужид үер болоод байгаа шд, саяын хэдэн өдрийн борооноос болоод. Өнөөдөр би ситид, Uni of Sydney-д нэг симнаартай. Тэгээд эндээс сити ортол дугуйдвал би үхнэ биз дээ. Дараа 7 хоногоос л дугуйгаа унаж эхэлнэ дээ. Аан бас дугуй унахдаа бээлий авах хэрэг гараад байнаа. М унахдаа маяглаад л хуруу хумсаа будна гээд хуруугүй, үе нь цоорхой бээлий аваад каакраад байсан чинь өвөл тэрийг өмсвөл хуруу тасраад унах шинжтэй.

Sunday, June 12, 2011

Б Найздаа (захианы хариу)

Сая хэд хоног блогоо хааснаар намайг таньдаг баахан хүн миний блогийг уншдагийг олж мэдлээ. Өмнө нь уншдаг гэж хэлдэггүй байснаа блогоо унших эрх өгөөч гэж захиа бичжээ. Энэ том дарга нар чинь сээгий ч бичихгүй, чимээгүй л уншаад явдгийн байна. Балайраад л дэнэг дэнэг юм бичдэгэээсээ ичиж байна шд, одооноос. Би ичимхий хүн шуу даа уул шугамандаа.

Тэдний нэг, сайн найз маань надад нөхөр ёсны зөвлөлгөө өглөө "чи одоо ядуугаа гайхуулаад, залуу яриад л элийрч өгөх юмаа. Наад блогтоо бичсэн үг бүрийг чинь чиний эсрэг ашиглавал яана. Блогоо хаа хаа" гэнээ. Тэгээд би бодлоо "нээрээ би дептаат болдоггүй юмаа гэхэд дарга болчоод зурагтын шууд нэвтрүүлэгт оролцож байтал хөтлөгч нь Та гадаадад байхдаа өлсөөд хогийн сав ухаснаа, нохойны хоол иддэг байснаа, гудамжнаас цэцэг түүдэг туршлага, жорлон угаасан сэтгэгдлээсээ хуваалцаач" гэвэл яанаа гэж айлаа шд, хаха.

Хайрт найз Б минь,

Зөвлөлгөөг хайр найргүй, харамгүй өгдөг найздаа баярлалаа.
Би энэ жилдээ блогоо хөтөлнө гээд энд бүлтэрцийн байна шдээ. Хэлсэн амандаа хүрээд энэ жилдээ блогоо хөтөлье. Харин дараа жилээс чиний зөвлөлгөөг дагах эсэхээ шийдье, найзаа. Би туушгүй хүн юм чинь энэ жилээ дуусгахгүй ч байж магад. Харин нөгөө блог дээрээ хүн шиг аялгуу сайхан монгол хэлээрээ зөв бичгийн дүрмээр, хүнд хэрэгтэй юм бичии дөө. Захианд чинь ингээд хариулчии. 

Үнсье,
Гилийн хатан

Saturday, June 11, 2011

Хямд Гутал Хаанаас

Урнаагийн үлдээсэн Хямд арьсан гутал хаанаас авах вэ гэсэн сэтгэгдэлд хариулт болгооёо. Мөн Б утасдаж энэ талаар лавласан тул блогтоо анх удаа эмэгтэй хүн шиг гутал хувцасны тухай мэдээлэл оруулъя. Уг нь маний блогийн бичлэгийн чиг хандлага "Миний амьдрал, тэмцэл" шуу даа, хаха нүсэр нэрлэчихсэн үү. За яадгийн яадгийн, ийм үг толгойд ороод ирлээ.

Энэ хагас жилд 10 гутал авцан гэсэн чинь би нээх баяжчихсан юм шиг сонсогджиинуу? Энэ 10-т чинь углааш, сандаал, пүүз орно шүү дээ. Тэгээд ч энд гутлын ул тэсдэггүй гээд аль өнгөрсөн жил би нэг бичиж байсан санагдаж байна. Өмнөх жилүүдэд өөр хүний хормой иддэг байсныг бодвол энэ жил өөрийнхөө урд хормойгоо урж идээд л явжийн.

Мань мэтийн ядуучууд Target, Big W, K mart гэх мэтийн ардын дэлгүүрүүдээс зарим нэг хувцсаа авах ч гуталыг эдгээр дэлгүүрүүдээс авалтгүй. Эдгээрт арьсан гутал байх ч үгүй, баахан хужаагийн муухай загвартай харвал нүд өвдмөөр юмнууд байдгийн. Би голдуу wittner, williams, colorado, mathers, Freelance зэрэг гутлын төрөлжсөн дэлгүүрүүдээс гутал авдгийн. Өө бас Myer-аас авнаа. Diana Ferrari, Nine west, Sandler-н гуталнууд бас зүгээр, эдгээр нь өөрсдийн нэрийн дэлгүүрүүдээр зарагдахаас гадна, Williams Mathers-аар зарагдана. Өөр нилээн олон гутлын дэлгүүр байх ч гутал нь голдуу арьсан биш, цөөхөн арьсан гутал нь нээх хямдардаггүй юм.

Одоо эндхийн санхүүгийн жил нь дуусч байгаа юм. 7 сарын 1-ээс санхүүгийн шинэ жил эхэлнэ. End of financial year sale явагджийна, одоо. Энэ үеэр гутал дээд тал нь 50% хямдарсан харагдана лээ.Хэрэв чамд үнэхээр тэр гутал чинь таалагдаад, авч өмсөхгүй бол нойр чинь хүрэхгүй бол дараа нь харамсахгүйн тулд одоо ав ав, алга болчдийн. Харин эндхийн өвөл дуусаад, 8 сарын сүүл, 9 сард монголд хавар намар өмсөх арьсан гутал майр хямдарнаа. Гэхдээ мэдээж сонголт муудаад ирнэ шуу даа. Размээр, өнгө, загварын аль нэг нь таалагдахгүй болоод ирнэ. Гэхдээ л жирийн нэгэн шуналтай эмэгтэй би яаж тэсэх вэ дээ.

dfo гэж дэлгүүр байнаа. Эндхийн Колорадо гэхэд л бусад салбартаа цөөн үлдсэн үлдэгдлүүдээ эндээ татчихдагийн байна лээ. ДиЭфӨү-д бас олон гутлын дэлгүүр бий. Энд бол жилийн 4 улирал хямдралтай.

Гутлын дэлгүүрт чиний яг дурлаад байгаа гутал байхгүй, бусад салбарт нь байгаа тохиолдолд худалдагч нар нь аль салбарт байгааг шалгаад хэлээд өгнө. Ойрхон бол өөрөө очоод авчина, хол бол эднүүс өөрсдөө үнэгүй авчраад өгдгийн. Харин бүүр өөр мужид байгаа тохиолдолд шуудангийн зардлаа чи өөрөө нэмж төлөх шаардлагатай.

Би гадар дотор нь 2-лаа арьсан гутал авдаггүй. Арьсан боловч, дотор нь даавуу, өөр ямар материал байдгийн, дотортой гутал авнаа. Доторлогоо нь арьс бол чийг татна, бас хүйтэнд хайрдаг талтай. Туфль, сандаал мэдээж арьсан дотортой байх өөр хэрэг.

Хангалттай юу? Үгүй бол сээгийгээр тодруулах юм байвал үлдээнэ биз.

Monday, June 6, 2011

Багш нь хээр алаг бол шавь нь шийр алаг

гэдэг үг зохионоо. Багш нь тээмп хурдантай бол шавь нь бас тийм нэг шалмагдуу байх, багш нь нээх шахаад байдаггүй бол шавь нь назгай байх магадлалтай гээд сонгодог жишээ авчий. Багшийн нөлөө их гэдгийг би энэ постоороо батлах гээд байна.


Манай багш сая 5 дахь өдөр нүүдлийн шувуу мэт дулаан орон руу амрахаар явчихсан. Гэтэл надад хийх юм зөндөө атал багшийгаа дагаад шууд амралтын байдалд оржийншд, муухай нөлөөтэй юмаа. Энэ хагас сайнд хүүхдүүдтэйгээ сэлж энэ тэр, гадуур дотуур идэж ууж өнгөрлөө. Бүтэн сайнд эндхийн монголчууд Эх үрсийн баяраа тэмдэглээд, бид бас яаж дутах вээ дээ. Гэхдээ үрсдээ зориулан хөөрохөн л арга хэмжээ зохион байгууллаа. Харин эхчүүдэд зориулсан уралдаан тэмцээн байхгүй байхаар нь би "аавууд хүүхдүүдээ аваад гэртээ хариад, эхчүүд хэн нь их пиво уух вэ гэдэг тэмцээн зохион байгуулах" горимын санал тавьтал 100% дэмжигддэг гэнээ. Өнгөрдөг 2 өдөр идэж уугаад л, нөхрийн хийсэн хуушуур, таторинка билүү юувлээ, тахиатай шөл эдрийг идсээр хичээл номоо ч барьсангүй, гол зорилгоо мартах шахав.

За тэр ч яахав улс орноо яаж хөгжүүлдийн билээ...
Фа бид 2-г латин бүжгийн паарти руу явахад багш яв яв, дараа нь юу болсноо яриарай гэж мэгээд майр дэмжээд байсан чинь, багш өмнө нь Мексик найз хүүхэнтэй байсан, тэгээд бас латин бүжгэнд явах их дуртай гэнээ. Тэгэхээр аргагүй шд, би латин бүжигт явах хань хайгаад явчина шд, сагсны тэмцээн дээр надтай танилцсан охиныг уруу татцан. Энэ 6 сард бид 2 латин бүжгэнд явж бүжигний визээ ашиглана. Тэр охин болбоос монголд байхдаа миний блогийг уншсаар энд ирээд намайг таньж танилцсан бөлгөө.
 
За тэр ч яахав улс орноо яаж хөгжүүлдийн билээ...
Нээрээ манай багш бол мундаг сэлнээ, тэр нь бас надад нөлөөлөөд байх шиг байнаа. Би одоо олигтойхон даллаж сурах гээд хааяа усан сан руу явдаг болоод байна шд. 
 
За тэр ч яахав улс орноо яаж хөгжүүлдийн билээ...
Багшийн гэр сургуулиас 10 км зайтай, бас их өгсүүр уруу хэцүү замтай ч багш байнга дугуйдна. надад бас нөлөөлөөд, өчигдөр би авах дугуйгаа товлочихлоо. Би авах ч юу байхав, нөхөр над эх үрсийн баярын бэлэг гэж авч өгч байгаан. Биг Дабьлю гэдэг дэлгүүрийн каталог хартал нөгөөдрөөс бараанууд нь 20-40% хямдрах юм байна лээ. Дугуй хямдрах үгүйг мэдэхгүй ч 3 дахь өдөр дугуй авнаа. Харин малгай хамгийн хямд нь 20 доллар, дугуйны цоож 18 доллар гэжиинлээ. Энд дугуйгаа энд тэндээс уяж, цоожилж байхгүй бол эзэн нь аваад явчина шүү дээ. 
 
За тэр ч яахав улс орноо яаж хөгжүүлдийн билээ...
Мань чинь энд ирээд эхний жил нэн ядуу байхдаа 2, 3 гутал авсийн. Дараа жил левел ахиад ядуувтар болсон үедээ 5, 6 гутал авсан байгаан. Гэтэл энэ жил амьжиргааны түвшин дээшлээд, ядуурлын шугамнаас дээшээ гараад иртэл юу болж байнаа? хагас жилд 10 гутал авцан байхымаа. Энд арьсан гутал хямдрахаар монголоос гутал авснаас 2 эсвэл 3 дахин хямд болчихоор би яаж тэсэх юм бэ, их хэцүү байнаа. Ихэнх гутал нь монголд хавар намар өмсөх болохоор шинээр нь хайрцагтай нь хана босгочихоод, стрээстэй үедээ гаргаж ирж илчээд буцаагаад далд хийчдэг болсон байна шд. Тээд одоо яаж монгол руу авч явах гэж байгаан бүү мэд. Би өмнө нь ингэж олноор нь гутал авдаггүй байсан шд, шуналын тулам болжээ. Энэ бас багшийн нөлөө байх гэж би хардаад байнаа. Багш маань эрэгтэйм байж гутал цуглуулдгийн байхдаа.
 
За тэр ч яахав улс орноо яаж хөгжүүлдийн билээ...
Багшийн нэг юм нь оогт над халдахгүймаа, юу гээч энэ англи хэлээр сайхан яриад сурчхиймсаан.


Жич:  За тэр ч яахав улс орноо яаж хөгжүүлдийн билээ...  энэ бол Цитрус багшийн нөлөө шүү.

Friday, June 3, 2011

SSS хүүхэн 2 гэчхүү

Гэр бүлээ монгол явуулцан гиюүрцэн strange хүүхний толгойд stupid санаа харван орж ирлээ. Ганцаараа цаг нөхцөөж байхаар гадаад орон руу жуулчилж үзье гэнээ. Тээд хэрэгжүүлэхээр хаашаа явах вэ гэж бодлоо. Хүмүүс Солонгос явах гэж алалдаад л байдаг санаанд орохоор нь Со явах шийдвэр гаргалаа. Фукуока ороод Солонгосын виз авчихлаа, өдөртөө л гарчдын байна лээ. Миний амьдардаг хотоос Токио явснаас хямдхан юм чинь Со ороод ирэх нь нээх сайхан санаа юм шиг санагджиинаа.

Гэрээсээ хар үүрээр гараад л автуусаар Фукуока ороод Бусан орох усан онгоцонд суулаа. Фукуока Бусан 2-н хооронд усан онгоцоор ердөө 2 цаг гаран давхиад орчдиин, нээх амархан. Гэхдээ энэ усан онгоц нь жижигхээн, зөвхөн дотор нь зорчигчид суудаг, гадаа зогсоно энэ тэр байхгүй, бас мангар хурдан давхинаа, миний Осака ордог Титаниктай зүйрлэшгүй хурдан.

Би чинь амьдралдаа анх удаагаа гадаад орон руу жуулчны шугамаар өөрийн мөнгөөр явж байна шдээ, гоя биз дээ. Тэгээд л догдолцон амьтан усан онгоцондоо ороод суулаа, аялал эхэллээ. Тэгтэл удалгүй миний дотор муухайраад, бие эвгүйрхээд, гар хөл салгалаад, болохоо болилоо доо. Бодвол нөгөө далайн өвчин байсан байхаа. Үхэх нь ээ, ингээд ганцаараа явж байгаад үхчихвэл одоо яанаа, аймаар санагдаад. Тэгээд хажуудаа сууж явсан японд залууд "би яг үхлээ, туслаарай" гэж арай чүү хэлж амжтал (хаха, сүртэй шд) нөгөөх маань үйлчлэгч дуудаад өглөө. Тэгтэл үйлчлэгч дороо гүйж ирээд, кармаанаасаа нэг цагаан эм гаргаж ирээд л миний ам руу устай хамт цутгачихаад, хажуугийн залууг өөр суудал руу нүүлгээд, намайг хажуугаар нь хэвтүүлчээд яваад өглөө. Би ч одоо ингээд хичнээн цаг тарчлах юм болоо, дахин л далайгаар ганцаараа явахгүйм шүү гэж ангайлж дуусаагүй байтал хамаг өвчин алго болцон, би босоод суучихсан явж байлаа. Ингэж нэг юм Со-д эсэн мэнд хөл тавьж, тэр өдөржингөө жуулчдын багтай энүүгээр тэнүүгээр явж юм үзлээ дээ.

Харин дараагийн 2 өдөр нь жуулчны баг байхгүй, хувийн ганцаарчилсан тоглолт хийлээ. Аз болж Бусаны Солонгосчууд Японоор ярьдгийн байна лээ. Хэлгүйн зовлонгүй ганцаараа баахан тэнэсэндээ. Ер нь Бусан биш Сөүл явах байсан байна лээ, зардлын хувьд ялгаагүй бас найз нөхөд дээрээ очихгүй юу. Ингээд л би дараа нь юмыг ухаардаг stupid хүн дээ. Гэрийнхэндээ Со гэдэг гадаадаас бэлэг авчихсан, 3 дахь өдрийнхөө орой Япон явах усан онгоцондоо суулаа. Одоо би чинь бөөн туршлага болсон амьтан, онгоцонд суунгуут л үйлчлэгчээс эм нэхэж уучаад л, гадаадаас ирж байгаа жуулчин хүний төрхтэй их л додигор байтал таррр гээд усан онгоц маань таг зогсчихдог гэнээ. Толгойд живж байгаа Титаник бодогдоод л, нүдний өмнүүр хамаг амьдрал маань урсаад л, харамсалтай нь Б-тай уулзаж амжихгүй явлаа даа, А-д ч тэгээд хэлчихгүй дээ, буцааж өгдөггүй ч Ц-г мөнгө зээлээч гэхэд нь зээлчихгүй дээ ч гэх шиг янз бүрийн хурдтай бодлын бөөгнөрөл тархинд багталцахгүй овооролдоод, хэцүүдиилээшд. Тэгээд хүзүүндээ зүүсэн шүгэлээ тэмтрээд л, гадагшаа эргэн тойрноо хартал ойр хавьд ямар ч  арал харагддаггүй дээ. Ядаж багцаалдмаар байна шд, урагшаагаа Япон руу сэлэх нь ойрхон юмуу эсвэл буцаад Солонгос руу сэлэх үү гээд цаг алдалгүй шийдвэр гаргамаар байдаг. Хажуугаар нь нөгөө багшралдаад байгаа бодолтой давхардаад, энэ усанд нь акула байдгийн биш байгаа даа, хөлийг минь тасдчих вий дээ, тэрний оронд гараа идүүлсэн нь дээр, ганц чаддаг мэлхий сэлэлтээр далайн усанд сэлж болдгийн болов уу гээд түмэн юм бодогдоод, нээрээ намайг аврах хүн энэ олон залуучууд дунд байгаа болов уу, Титаникийн хүүхэн шиг царайлаг бол бас нэг тасарцан залуу олдох л байх даа, энэ бурхан намайг зурахдаа гайгүй шиг зурчихгүй дээ гээд Буугий агаад гомдож момдоод, сандраад, ухаан ортол хажуу хавирганы Япончууд нөгөө л худлаа унтдагаараа худлаа нүдээ аньцан сандрах нь бүү хэл нүдээ ч нээдэггүй гэнээ. Би уулгамч юм чинь үйлчлэгчийг дуудаад "Яагаад онгоц зогсчихвоо, аврах хантааз хаана байнаа" гэсэн чинь, үйлчлэгч "уучлаарай, онгоцны сэнсэнд хог ороод ороолдсон байна, удахгүй гаргаж хаяад аялал цаашаа үргэлжилнээ, та бүү сандар" гэдгийн. Ёоох энүүхэн хооронд юун ч их юм боддогийн бэ энэ хүний толгой, хаха. Ингэж аялал маань амжилттай өндөрлөснөөс хойш дахин ганцаараа жуулчилж үзээгүй л явна даа.

Жич: Манай найз энэ аялалын талаар сонсоод, намайг энгийн бишээ гэж толгойгоо сэгсэрээд л шогшироод байсыншд. Гав ганцаараа 3 хоног өөр улс руу аялаад байх даа яах вэ, ядаж шагналд авсан эрхээрээ үнэгүй аялж байгаа биш, stupid юмаа чи хайран мөнгө гээ л байсан, хаха. Энэ аялалд 600 доллар үрсэн бөгөөд энэ мөнгийг синглэ хүүхэн яаж олсон тухайгаа хуучилж магадгүй юмаа.

Wednesday, June 1, 2011

Сургуулийн форм

Энд сургуулийн хүүхдүүд ижил формоо өмснөө, Японд ч гэсэн хөөрхөн хөөрхөн форм өмсдөг байлаа, малгайнууд нь нээх хөөрхөн хэлбэртэй.

Энэ манай хүүгийн зуны форм. Сургууль сургуулиараа өөр форм өмсөнө, манай хүүхдийн сургуулийн нэр нь R үсгээр эхэлдэг юм. Цаана нь өлгөөтэй подволк нь өдөр тутмынх, наана нь байгаа подволк нь биеийн тамирын хичээл ордог 5 дахь өдөр өмсдөг форм. Наана байх 2 шортны 1 нь өдөр тутмынх, нөгөө нь 5 дахь өдрийнх. Зарим хүүхдүүд 5 ээлжийн форм авдаг ч, манайх 3 ээлжийнхийг л авдаг. Өдөр тутмын формоос нь 2 ээлжийг, тэгээд 5 дахь өдрийн форм. Бид өдөр бүр хувцсыг нь угааж амжихгүй, бас бороотой өдрүүд үргэлжлээд байвал угаасан хувцас хатахгүй тул ингэж хэдэн ээлжийн хувцастай байлгана. Хөвгүүд чинь хувцсаа өдөрт нь хир болгоно шүү дээ. Формны доор нь хар хөх өнгийн сургуулийн оймс, нэмээд хар өнгийн сургуулийн гутал өмсөнө. Эндхийн нар хортой тул ийм дэлбэгэр том саравчтай малгай өмсөнө. Манай хүү малгайгаа улиралд дунджаар нэг удаа хаяна, малгай нь 12 доллар. Тэрнээс энэ подволк шортнууд нь тус бүрдээ бараг л 30 доллар байдаг юм. Хүүхдүүд малгайгаа их хаядаг болохоороо малгай нь хямд байгаад байх шиг. Харин охидууд формын палааж өмсөнө.

Одоо өвөл эхэлсэн тул хүүхдүүд өвлийн формын хувцсаа өмсөж байгаа. Өвөл нь өмд, энэ подволк дээрээ цамц өмсдөг юм. Өвлийн хувцас нь мэдээж зуныхаасаа үнэтэй.

Хүүхдүүдийн сургууль өглөө 9 цагаас өдөр 3 цаг хүртэл хичээллэх ч хэдэн цагийг нь тоглож өнгөрөөдөг юм болоо. Лав л үдээс өмнө гэрээсээ авчирсан хоолоо идэх гэж завсарлаж тоглоод, үдээс хойш 2-3 цагийн хооронд сургуулийнхаа талбайд л баахан тоглосон хүүхдүүд л байдаг юм. Ингээд гадаа байнга тоглохоороо хувцас тэсэхгүй шүү дээ. Өглөө бүр угаасан хувцас өмсөх хэрэгтэй болно.