2011-3-27 Sydney ISSF World Cup 2011

Цаг гаран ноцолдлоо, зурагнууд нь ордоггүй ээ. Дараа л зураг нөхөж оруулахаас.

Sydney International Shooting Centre-д олимпийн эрхийн төлөө буудлагын тэмцээн 3 сарын 21-нээс 4 сарын 1-ны хооронд болж байгаа юм. Монголын баг тамирчид 9 хүний бүрэлдэхүүнтэй иржээ. Бидний хэдэн монголчууд очиж тэмцээн үзлээ. Би гар буугаар 4 жил буудсан хүн шүү дээ. Энд энэ спортоо хаясан, харамсдаг тухайгаа бичсэн байгаа.

Буудлагын төвийн гадаа. Монголын далбаа байхгүй байсан.

 Манай багш Бямбажавын Алтанцэцэг, халхын сайхан хүүхнүүдийн нэг шүү дээ. Би багшийнхаа хаана нь ч хүрэхгүймөө. Багш маань намайг таньж байсанд би баярлаад үхэх шахлаавшд. Би багшийнхаа тухай чих тавиад л явдгийн, хэнтэй суув, хэдэн хүүхэд гаргав гээд л ажил амьдрал нь ямар байна гээд. Орой тийшээ халуураад, багштайгаа амьдралынх нь тухай ярилцаад, би бүгдийг нь мэдээд байсан чинь манай багш майр гайхаад л баярлаад байсан. Харин Гүндэгмаа намайг санахгүй байна лээ.

 Японы тамирчин дөнгөж алтан медалиа зүүгээд гадаа гарч ирж байхад нь зургаа хамт авахууллаа. Би энд Японд туслах хандивын хайрцаг байвал мөнгө хандивлах гээд хүлээгээд байсан чинь тийм хайрцаг одоо болтол тавигдахгүй байгаа. Энэ аваргатай таарангуутаа "би танаар мөнгө өгөөд явуулъя, та нутагтаа очоод хандивын хайрцганд хийгээд өгөөч, би Япон улсад бага ч гэсэн тусламаар байна" гэхэд минь тэр зөвшөөрөхөөр нь бэлэн байсан хэдэн доллараа өглөө. Харин тэр Алтан медалиа надад зүүж өгөөд, хамтдаа зургаа даруулсийн. Нэрийг нь асуугаагүй, мэдээд авнаа. Нээрээ хүүгийнхээ ангийн Япон аав ээжид нь би мөнгө өгч болох юм байна шд, Австралийн Япончууд мөнгө цуглуулж байгаа гэж зурагтаар гарч байна лээ, бас хотын төвд Япончууд мөнгө цуглуулж байсан ч би зогсох боломжгүй байлаа.

 Дэлгэцэнд эмэгтэйчүүдийн гар бууны финалд шалгарч үлдсэн 8 тамирчны танилцуулга байна. Хамгийн сүүлийн Чэн бол Бээжингийн олимпийн аварга.

Эхний 5 сум буудсаны дараах оноо дэлгэц дээр. Нөгөө аварга маань хамгийн өндөр 51,6 оноо авчээ, дэлгэцийн баруун доод буланд. Бас өөр нэг тамирчин адил оноо авсан байна.

 Чэний буу баарч, шүүгчид цаашид яахыг хэлэлцэж байна. Уг нь нэг удаа буу баарахад нөхөж буудах эрхтэй ч Чэн тэгээгүй, яасныг мэдсэнгүй. Хэрэв 2 дахь удаагаа буу баарвал, хурдхан хонгиогоо гаргаж хаяад үргэлжлүүлэхээс өөр арга байхгүй.

 Дэлгэц дээр Чэний оноо 9,1 гэж харагдаж байна, нөхөж буудаагүй энэ 5 сумыг дуусгажээ.

 Хажуунаасаа ийм гоё харагддаг юм. Энэ хамгийн наана буудаж байгаа тамирчин яг буудах болсон чинь буугаа хайрцагнаас нь гаргалгүй, буцаагаад хураачихсан байсан, хэхэ. Тэгээд дахин буундаа явж олж ирсэ. Миний инээд хүрээд, би ч гэсэн нэг удаа тэмцээнд эхлэхэд, буугүй зогсож байсаншд.

 Энд нийт 20 сум буудсаны дараах дүн харагдаж байна. Доод хэсэг нь сүүлийн 5 сумын дүн.


Олимпод орох эрх авах нийт 6 тэмцээн байгаа, тэрний 2 дахь нь энэ юм байна, дахиад 4 тэмцээн байгаа учир манай тамирчид дор хаяж 2-3 эрх авна гэдэгт итгэж байна.


 

 Тэмцээний дараа Сиднэйн 10-аад монголчууд тамирчидтайгаа мах шарж идээд хамтдаа оройг хөгжилтэй өнгөрөөлөө.

Энэ хүнийг та нар хэлүүлэлтгүй мэдэж байгаа биз дээ, 2 дахь дасгалжуулагч.

7 тамирчин, 2 дасгалжуулагч ирсэн.

Би буудлагын тийрэнд, буун дуу сонсоод, дарийн утаа үнэрлээд, бүр сэтгэл хөөрөөд, огшоод, баларсаншд. Тээд Алтаа багшдаа "би Монголд очихоороо дахиад бууднаа" гээд л хэлчихсэн. Бидний үед улсын буу, үнэгүй сумаар бууддаг байсан бол одоо би буугаа өөрөө олж авах ёстой юм байна. Германаас захиалахаар 900 орчим евро болдог гэнээ. Бас өөрөө сумаа худалдаж авдаг болсон гэнэ, 1 хайрцаг сум 9000 төгрөг. Буудлага их зардалтай спорт л доо. Хэрэв би хариад буудна гэвэл одооноос өглөө гүйж, бэлтгэл хийх ёстой, гэхдээ миний өглөө болгон гүйх худлаа байхаа.
Ямар ч байсан очиж байгаад, буудаж 20 жил буудаагүй хорхойгоо дарнаа.
Тээд багшаасаа салахдаа "би танд хайртай шүү" гээд л хашгираад, гараа даллаад машиных нь араас гүйгээд, нүдэнд нулимс цийлэгнээд л үлдлээ. Энэ мөчид би буудлагын спортод хайртайгаа ойлголоо. Харин манай нөхөр надаас ичсэн гэнээ.