Жилийн чөлөө авъяа

Өнгөрсөн жил "Жилийн чөлөө авъяа" гэж бичлэг хийгээд сүржигнээд, нээрээ л ингээд бүтэн нэг жил блогтоо бичихгүй юм байх гэж бодтол, хэдхэн хоноод л арзайтлаа инээгээд ороод ирсэн шд, энэ Гилийн хатан.
Энэ удаа бас л... Хэрэв үнэн бол дараагийн бичлэгээ монголоос бичих байхдаа. Гэхдээ үнэхээр 1 жил гүрийхээр шийдэж үү гэдгийг цаг хугацаа л шүүнэ дээ. Хэдүүлээ хамтдаа энэ күүкэн хэлсэндээ хүрэх эсэхийг тайван харъя.

Хичээлээ хийхгүй элийрээд байхаар нь блогоос жилийн чөлөө авахуулахаар шийдвэр гаргав.
Гүүглэ-ийн хамт олон
2012 оны 6 сарын 29
Өдрийн 12 цаг 16 минут

Хай оол, сонгуулиа өгөх гээд догдлоод байнуу

Хай оол. Сонин сайхан юу байна? Сонгуулиа өгөх гээд догдлоод байна уу? Би бас эндээс сонгууль гээд догдлоод хэрэг алга. Манай Цитрус багш бичлэг болгоноо мэндчилгээгээр эхэлдэг байжуулээ \Цитрус багшээг санасан юм байлгүй дээ. Сурв\. За ойрд юу юу болоод өнгөрлөө. Баахан юм шамбааралдуулаад бичнээ.

Болдоггүй шар хүүхэн

Энэ цаг үед Болдоггүй шар хүүхэн гэх күүкэн байжээ. Энэ хүүхэн царай муутай хэдэн хүүхэдтэй, хөл дүүжлэх ганц унаатай, шинэ хувцасаар дүүрэн чамдаан, бас хуучин хувцас бүхий чамдаантай юм гэнэ. Шинэ хувцастай чамдаанаа гэрийнхээ хамгийн нууц буланд, хуучин хувцастай чамдаанаа наана ил хадгалдаг байжээ. Болдоггүй шар хүүхэн ойр зуур хөл дүүжлэх унаагаараа зугаацах үед хажуугаар нь зөрөн өнгөрөх даж залуу руу харан анхаарлаа сулруулснаар болдоггүй юм хийчдэг гэнэ.

Үлгэр бичих гэснээ болив. Нээрээ энэ хүүхний болдоггүй зан хөдлөөд хааяа хааяа торгуулаад байхынмаа. Торгууль гэх галыг унтраах гэж шинэ хувцастай чамдаан руугаа гар дүрнэ дээ. Саяын 265 долларын торгуулийг төлөхдөө архи хэрэг болсон нэг найздаа гэрт байсан архиа дамлаж, өнөө муу чамдаанаа дундалж, авсан юмаа дэлгүүрт нь буцааж өглөөшд. Ёох, гэхдээ төлцөөн төлцөн чамаа мууг. Хэрэв дэлгүүрүүд нь зарагдсан бараа буцаахгүй гэдэг бол яанаа тээ, хаха. Ихэнх дэлгүүр авсан бараагаа 1 сар дотроо буцааж болдог ч, зарим их үнэтэй дэлгүүрүүдэд бараа буцаахад хугацаа байдгийн болвуу. дээр би нэг цүнхийг 8 сарын дараа буцааж байв гээд бичсэн дээ.

Курьер хийдэг байхад нэг аймаар үнэтэй бараатай дэлгүүрт хааяа юм хүргэж өгнө. Нэг гоонж 10,000 доллар. Нэг хүүхэн дандаа авсан гоонжоо буцаадаг болтой. Би л лав тэр хүүхний авсан 2 ч юмыг дэлгүүрт нь хүргэж өгч байв. Дэлгүүрийн ажилчид нь намайг аваачаад өгөхөөр их дургүйцээд хоорондоо нөгөөх чинь гэдэг байв. Бүүр андахаа байсан. Тэр миний үйлчлүүлэгч хүүхэн лав их л мундаг хүлээн авалтанд авсан гоонжоо яарликтэй нь өмсөж орчоод, буцаадаг байхаа, надад л лав тэгж санагддаг байжуулээ.

Сая хагасайнд унаагаараа хөлөө дүүжлээд явж байлоо. Гэрэл дохион дээр ирээд зогслоо, хамгийн урд, 2-р эгнээнд. Миний баруун талд, бас чигээрээ явах нэг залуу, тэрний цаана баруун эргэх нэг Ван дохио солигдохыг хүлээн зогсож байв. Энд замын хөдөлгөөн монголынхоос эсрэг хөдөлгөөнтэй гэдгийг санаж байгааздээ, хүүхдүүдээ. Гэтэл баруун эргэх ногоон астал, баруун эргэх гэжаагаа Ван унтаж орхиж. Энд зарим хүн машаандаа хэсэг унтахад хүмүүс нээх тэвчээртэй хүлээж л байдаг юм. Гэтэл нөгөө Ван чинь нэг юмаа оролдоод байсан бололтой, нилээн урт унтлаа. Арын хүмүүс нь яаж тэсэх вэ дээ, 2-3 хүн зэрэг чагнаалдаад, тэгсэн харин миний баруун талын гэрэл дохиог чигээрээ нэвтрэх гэж байгаа залуу сандарсан уу яасан, паанагт ороод, чигээрээ ногоон асаагүй байхад улаанаар уулзвар луу ороод наадгийн, хөөрхий дөө, ямар их өрөвдвөө. Тэрээр уулзвар луу дөнгөж хамраа оруултал, гэгээн цагаан өдөр тал талаас манас манас хийтэл гэрэл гялсхийн, улаан гэрлээр орсныг нь баримтжуулаад авсоон. харин азаар бидний өөдөөс ирж байгаа машаануудаас баруун эргэх машаан байж таарсангүй, өнөөх маань цаашаа чигээрээ осол авааргүй уулзвар гаталчихлаа. Тэр лав л 300-аад доллараар торгуулж, 3 оноо унагаасаан.

 Энд торгууль нэмэгдээд амьдралд нөлөөлөөд байна шд. 2 жилийн өмнө би 80 доллараар торгуулаад инээгээд л явж байсан байна. Энд дараад үз. Баримт гэхгүй юу, хэхэ.

Жич: Нэгэн Нэргүйбаатар миний блогийг эхнээс нь уншиж, их идэвхитэй сэтгэгдэл үлдээж байгаад баярлалаа. Зүгээр анон гэснээс сүртэй гоё нэр байгааз дээ.

Wonderer гэж хэн байв?

Уг нь ингээд хэд хоног алга болчуул гоёо тээ, хаха. гэхдээ энэ хүүхэн тэсэхгүй л дээ.

Хотэлийн лобби гэж өөд нь татсан жижигхээн зайд би ачаатайгаа зогсоход л өөр хүн надтай зөрөх гэж юм болноо, ө.х. бөгс эргэх зайгүй. Аргагүй, лоббид зай гаргаж байхаар тэр зайгаа 2-3 өрөө болгоод зочин буулгавал орлого өснө биддээ.

Wonderer орж ирлээ, 2-лаа хэсэг бие биеэ харснаа орилолдоод тэврэлдэн авав. Ингээд энэ постыг дуусгачихвал яаж байна, хаха.

2012-4-24 үдээс хойш

Үдээс өмнө эрх чөлөөний хөшөө үзчихээд, дараа нь энэ музей рүү орлоо.

 Бүх хүнд үнэгүй. Нью Йорк пассгүй байсан ч үнэгүй үзнэ. Өмнөд, Төв ба Хойд Америкийн уугуул хүмүүсийн түүхийн тухай юм.

 Уугуул хүмүүсийн түүх гэхээр соёлын гол хэрэглэгдэхүүн Бөө мөргөлийг харуулсан үзмэрүүд их байв. Өмнөд Америкийн бүүр урд үзүүрээс, хойшоо Канадын нутгийг хамарсан бүх үндэстнүүд бөө мөргөлтэй байжээ. Байжээ  ч гэж одоо ч гэсэн Бөөтэй юм байна билээ.  Бөөгийн эвэртэй хэнгэрэг. Цаана нь сэгсийчээд би гарчиж.

2012-4-24 Эрх чөлөөний хөшөө

Энэ өдөр эрх чөлөөний хөшөө үзэхээр эртлэн бослоо.

 Энэ давхар зогсоолын дээд талд нь яаж машинаа тавьдаг юм болоо? Доор нь машингүй нөхцөлд л дээр нь тавьдаг юм болов уу?

 Н-т амьд, хөдөлдөг эрх чөлөөний хөшөө хаа сайгүй явж байдгийн байналээ.

2012-4-23 үргэлжлэл

 За тэгэхээр нөхдөө Нью Йорк хотын тухай  Peakfinder -н 27 бичлэг байна.  Надаас хэдхэн хоногийн дараа Soulmate Н хотод зочлоод гоё бээгий хийцэн байгаа. Мөн
Баярхүү гуайн бичлэгийг үз. Нээрээ хүмүүс Баярхүү гуайн бичлэгүүдийн дор аймаар муухай сэтгэгдэл үлдээх юмаа. Цаг заваа зарцуулан, үзсэн харсанаа хүмүүстэй хуваалцаж байгаа тул би Баярхүү гуайг өгөөмөр хүн гэж боддог. Гэтэл сэтгэгдэл дотор нь "чи миний татварын мөнгөөр зугааллаа", "Гол нь хэний мөнгөөр явсан" ч гэх шиг зарим хүн тэнэгээ гайхуулах юмаа. Гэхдээ Баярхүү гуай шантрахгүй нь сайхан юмаа.

Энэ гурван эрхэмийн бичлэгүүд бүгд чанартай зурагнуудаар тайлбарлагдсан байгаа шүү.
Маний зурагнууд яахав, дагтан яаруу сандруу, амандаа юм чихцэн, автуусны явдал дунд, салгалсан гараараа дарахчаан болохымдоо, кк.

Би нь Empire State Building-ээс гараад лааны тосон музей рүү явлаа.

 Н хот руу явж энэ музейг үзээд ирсэн чинь энд Сиднэйд шинээр лааны тосон музей нээгдцэн байна лээ.

2012-4-23 Нью Йорк

Өглөө сэрлээ, үсрэн бослоо, би Н-д ирцэн шдээ. Ингээд хотэлоосоо гүйн гарлаа. Гараад ойрхон байх интэрнэт-д ороод зөгийн балхандаа захиа бичлээ, "би сайн явж байнаа, Н-д ирцэн байна, мөнгө дууссан, гэдэс өлсөөд, миний данс руу 200 доллар хийгээч, очоод өгчии", хаха, сүүлийнх нь худлаа худлаа, юу гэж нөхрөөсөө мөнгө зээлдгийн тээ. Ингээд нөөц Б төлөвлөгөөндөө орлоо. Уг нь гартаа авч гарсан бэлэн мөнгөндөө энэ аялалыг багтаана гэж бодсон ч өөртөө итгэлгүй байсан тул хоосон ч гэсэн каартаа аваад явсан маань миний Б план байлөө.

Морьтой цагдаа нар гоё харагджээлээ. Хүмүүс ингээд л зургаа хамт авахуулаад. Би ч одиноороо хүн хэнийг гуйж зураг даруулах билээ дээ. Ийм учраас миний аялалын постонд миний зураг байдаггүй байхгүй юу.

Гэрлэн бөмбөлөг? Аура? мэдкүүээ мэдкүүээ

Ингээд 4 сарын 22-ны орой Нью-Йорк руу нислээ. 

 Монголын хөдөө орон нутагт нисдэг АН-24 шиг жижиг онгоцоор хөөрлөө. Гэтэл би цонхоор юу харсан гэж санана. Энэ доод талын 2 зураг дээрээс та нар юм олж харах нь уу?

 Нөгөө хүүхэн чинь зураг дээр яаж тамга дардгийг мэдэхгүй тул, өөрөө нэг юм оролдож байж блогийнхоо урл-г бичив. Ингэхэд яаж зураг дээр тамга дардаг юм бэ? хүүхдүүдээ.

Гэрлэн бөмбөлөг? Аура? Эсвэл сүнс энтр хаха. Би хажуудаа сууж явсан залууд "энийг хараа" гэсэн чинь тэр юу ч олж хараагүй. Тэгээд бүүр суудлаа сольж байгаад харуулахыг оролдсон ч мань хүн харахгүй байна лээ. Би тэгээд ганцаараа хий юм хардаг болцын байх гэж бодоод, зураг дарсан чинь байж байна хөөе. Тэгэхээр би хий юм хараагүй гэсэн үг биддээ. Хий юм хараагүй гээд хэлээд өгөөрэй надад. тэгэхгүй бол би хий юм хардаг, солиорч байна гэж өөрийгөө бодоод байх нь байна шуу, хаха. Энэ аялалд 6 онгоц хөлөглөсөн боловч, ганц удаа л ингэж цонхны хажууд суудал таарсан бөлгөө.

За тэр ч яахав. Өнгөрсөн жил Монтриал ороод буцахдаа Нью-Йорк (цаашид Н гэнээ хө. Бичихэд хуруу хугарчихмаар юм) хотод 1 өдөр хонох план байсан ч тэр үед далайн шуурга дэгдээд, би шууд харьцан. Тэр үед блогчин Ганаабж намайг дахин ирээрэй гэж урьсан байлаа. Мөн 2 сард Wonderer "манайд ирээрэй" гэж урьсан байлаа. Нью-Йорк их ойрхон, ердөө 1 цаг нисээд ирэх газар ирчээд буцах нь харамсалтай тул П-ээс шууд харьсангүй 3 хоног Нью-Йоркдохоор шийдлээ. Энэ хүүхэн их амархаан, заримдаа хүү хаа гээд л гэнэтийн шийдвэр гарган нөхрийг паанэгт оруулдаг гэжаагаа. Би тэр 2-т бас хаа холоос бэлэг авчирсан байв. Даанч Ганаабж-тэй уулзаж чадаагүй бэлгээ чирээд буцлаа хө.

Ингээд Ганаабж болон Wonderer-т захиа бичлээ. "Би очлоо". Нээх хүн амьтан гийгүүлэх гэж байгаа аятай, хаха. Гэтэл  Wonderer намайг гэртээ тухлахыг урьлаа. Тэрээр орой ээлжинд ажилладаг, мөн намайг Нью-Йоркт байх хугацаанд ажлаасаа чөлөө авчихна гэв. Ийм сайхан сэтгэлтэй хүн гэж байдаг аа, бид бие биеэ танихгүй шүү дээ. Би яаж хүний ажлыг таслуулаад, хүнд дараа болж байхав. Тэгээд би гэрт нь буухаас татгалзлаа. Харин 25-ны өдөр буцах байсан тул 25-ны өглөө бид уулзалдахаар боллоо. 
Би Сиднэйд байхдаа л Нью Йорк пасс гэдэг юм худалдаад авцан байв. 2 бүтэн өдөр үзвэр үнэгүй эрх, дээр нь 2 давхар жуулчдад зориулсан автуусны билеет авчихлаа. Энэ нь их дажгүй, чи чаддийм бол энэ бүх үзвэрүүдийг үзчээч гэж байгаа ч хүн амждаггүй л байхгүй юу. Энэ пассаар бараг л Нью Йоркийн бүх үзвэрүүдийг үнэгүй үзэх эрхтэй.

Ингээд гартаа яг 500 доллартай хүн Кэннэдигийн онгоцны буудалд шөнө ширүүн борооноор  газардлаа. Tөлөвлөгөө ёсоор шаттлэ автуусаар хот руу орлоо, 20 доллар. Уг нь 18,41 доллар ч 20-г өгнө л дөө. Ингээд буудалдаа ирлээ. Буудлаа би нилээн эрт захиалсан байв. Буудлын хөлс 3 хоногт 420 доллар. Энэ уг нь хотэл гэдэг нэртэй ч бараг л доорм. Ганцаараа биш гэр бүлээрээ эсвэл найзуудаараа аялж явбал Н-д хямд доорм зөндөө байдаг юм билээ. Захиалга өгөхдөө заавал мөнгөө тэр дороо төлөх шаардлага байхгүй, мөн урьдчилгаа мөнгө төлөх хэрэггүй, захиалгаа цуцалбал мөнгө төлөхгүй. 4 хүний, 8 хүний, 16 хүний, дан эмэгтэйчүүдийн, дан эрчүүдийн, эсвэл холимол гээд өдрийн 30-40 долларт мануус шиг үүргэвчээ үүрцэн ядуу  гаруудад боломжийн үнэтэй хоног төөрүүлэх газар Н-д зөндөө зөндөө. Н-д ер нь оготны нүх байсан ч түрээслээд амьдраад байхаар юмблээ.
Буудлын хөлсөө төлөх гэтэл харин өөдгүй гар чинь 20 доллар нэмж хэлээд. Би чинь 480 доллартай үлдсэн, 420-г төлнө гэж тооцсон байтал. Яаж байгаан гэтэл татвар гэж наадгийн. Би захиалгын хуудсаа гаргаж ирээд, татвар ороод 420 доллар гэж үзүүлж байж шулуулсангүй. Хаа газрын жижиг наймаачид ингээд хүн шулчих гээд байдгийн. Ингээд би 60 доллартай үлдлээ хө. Одоо яахуу дээ, хэн чамайг шуналтаж, сувд, ном, цамц ав гэсийн. Хэхэ, би төлөвлөсөн төсөвтөө багтаах гээд л байгаа санаатай.

Өрөөндөө орлоо, гэтэл хотэлийн өрөө гэхээсээ илүү нэг хүний доорм байлаа. Нэг жигүүртээ 10 гаран өрөөний дунд нэг жорлонтой, оочирлоно шуу даа. Өрөөндөө ядаж ус буцалгагч байсангүй. Ингээд бадарчин дайет үргэлжлэлээ. Хотэл даяар халуун усаар үйлчилдэггүй наасан. Хотэл нэртэд интернэтийн үйлчилгээ ч байсангүй. Би өрөөндөө орж иртэл шөнийн 11 цаг болсон тул гарч идэх юм эргүүлсэнгүй, шууд крантны ус уугаад л унтахаар хэвтлээ.

Питтсбург

Америкийн талаар хэдэн өгүүлбэр.

Америкийн бүх юм нь том. Зам талбай, дэлгүүр, дэлгүүр доторх бараануудын савалгаа нь том, машинууд нь, бүр хүмүүс нь ч том.

Тип гэж ядаргаа. Тип өгөхөөрөө багадуулцан боловуу гэж санаа зовохоос гадна, хааяа арай л ихийг өгчихөв  үү дээ гэж голоо цохьно. Тэнд байнга амьдраад байвал тааруулж өгөөд сурчих байх л даа.

Аливаа зүйлийн хэмжих нэгж нь өөр. Жишээ нь, цаг агаар харнаа, өнөөдөр +70 градус гэхээр дан цамцтай гарах уу даа болих уу даа, даарах болов уу яах бол? гээд хэсэг мэлэрнэ. Тэгснээ нимгэн гарах уу, нэвсийгээд гүйх үү гэдгээ мэдэхгүй, байнгын нөөц Б төлөвлөгөө болох илүү ачаатай л гунхана даа.

Татвар бас ядаргаа.  Шоппинг хийх явцдаа, улайраад, авсан юмнуудынхаа үнийг хооронд нь нэмж бодоод кассан дээр очно. Бараа бүтээгдэхүүний үнэ дээр татвараа нэмж тооцоогүй байдаг тул яг мөнгөө төлөх мөчид татвар нэмж төлнө гэдгээ санана, тэгэнгүүт хямд гээд авсан юм маань үнэтэй санагдаад ирнэ.

П-д нээх сайхан алхаад явж байхад, гээнэт машааны тоормос чихраад зүрх зүсээд л явчихна. Юу болж байнаа гээд харахаар, нэг хар явган хүний улаан гэрлээр, машаан энтр ч харахгүй шууд л зам руу яваад орцон байхымаа. Энэ харууд үнэн хэнэггүй, өөрөө дайруулахаас айдаггүй юмаа гэхэд жолоочийг хэрэгт хийчих гээд. Харуудын өмссөн зүүсэн нь хэт хип хооп юмаа, тэгээд явж байгаа нь пүржиинтэй гутал дээр явж байгаа аятай овгос овгос гээд л пээдгэр шүү.

За дараа санаанд оруул нэмж бичии. Сэтгэгдлүүдэд хариулахад, Хавайн сувдны тухайд үнэтэй, харин Тайланд, Хужаа өөр хаана ч байдгийн Азийн орнуудад сувд хямд. Би зүгээр л зам зуур буугаад л авсан санаатай. Өмнө нь хэлсэн дээ, Питсбург хүртэл замдаа 1 зогсох, 2 зогсоход онгоцны тийз ижил байсан тул Хавайд өнжсөн гэж. Тэгээд ч Хавайн дэлгүүрүүдэд болон, яг өөрийнх нь сувд их үнэтэй. Тэр зах гээд байгаа газар нь аягүй бол хужаагаас авчирсан сувдаа зардаг байхоо. Гэхдээ чанараасаа хамаараад үнэ бол янз бүр.

Ингээд хэдэн П-н зураг үзвэл үз дээ, кк.

            

Энэ зурагны эзний нэр зургийн буландаа байгааг анзаарна уу. Питтсбург хот нь 2 голын уулзвар дээр байрлах бөгөөд эгч дүү олон гүүрээр суурьшлын дүүргүүдтэй холбогдоно. Миний бодлоор үзэх харах юм нь бусад хотуудаа бодвол арай л бага юм шиг санагдсан.

Энэ шовх оройтой байшингийн хажууд жижиг талбай байнаа. Би ч гэсэн тэнд нь сууж хоол унд идэв.

Эндхийн машинууд нь урдаа дугааргүй юм билээ. Нээх сонин харагдаад, нүдэнд эвгүй гэдэг нь.

2 голын уулзвар бүхий гурвалжин хэсэгт байна. Тэр гүүр хотоос гарах баруун талын хамгийн урд талын гүүр.Энэ зурагт зөндөө юм багтсан байхаар нь оруулчлаа, нүцгэн залуу, дугааргүй машаан, П-н музейн зүг чиг заасан самбар г.м.

Харин энэ гүүрээр хотын зүүн урагшаа гарна. Би энэ гүүрээр автуусаар хот руу орж ирдэг  байлаа. Хот руу орох урсгал нь дээд талаараа, гарах урсгал нь доод талаараа, ө.х. 2 давхар гүүрнүүд.

П-д нээх хөөрхөн Доллар гэдэг нэртэй банк байдаг юм билээ.
П-д ирээд маргааш нь би лап топны залгуур шилжүүлэгч Radio Shack гэдэг дэлгүүрээс автал, ганц хоног хэрэглээд, миний авч явсан сургуулийн лап топ чадарцоо.
Уг нь 4 өдөр орой болгон хүлээн авалттай байсан ч надад буцаж хотэл руугаа явах нь төвөгтэй санагдаад, би эртхэн шиг харанхуй болохоос өмнө харьчаад байв. Хүлээн авалтын үнэгүй хоолонд хорогдоод оройтвол таксидахаас өөр арга байхгүй, такси нь миний буусан буудал руу 35 доллар дээр тип гэхээр хүлээн авалтанд оролгүй Бадарчин дайет буюу оройдоо мацаг барвж байлоо. Уг нь юм худалдан авахгүй бол надад хоол аваад идэх мөнгө байгаа л байхгүй юу, эдийн шуналтай хүүхэн хохь нь тээ, мацаг бариад л явж байхаас, хаха.
Би 4 өдөр хот руу орж ирээд ажлаа хийгээд, дараа өдөр нь хотэлийнхээ ойр орчмоор дэлгүүр хэсч байгаад П-ээс явсан. Old Navy гэдэг дэлгүүрт юм нь хямдраад шунал хөдөлгөөд, бас тэсэхгүй хэдэн биеийн тамирын цамц авцоо. Би өдөр бүр дугуйддаг тул надад үнэндээ 7 ээлжийн урт ханцуйтай цамц хэрэгтэй байгаа байхгүй юу. Татвар төлөхгүй, хямдраад 5 доллар гэдгийн, би чичрээд дайрдгийн байгааз дээ. Мөн нэг номын дэлгүүрээс 3 ном, 3 тэмдэглэлийн дэвтэр аваад, ачаа хэтэрцөөн. Би Сиднэйгээс гарахаасаа өмнө Амазоноос 6 ном захиалаад, хотэл руугаа үнэгүй хүргүүлээд авцын, Америк дотроо үнэгүй хүргэнэ. Энэ Америк уу, үнэхээр хямд шүү. Австрали руу тэр 6 ном 35 доллараар ирэх гээд байсан тул мөнгө хэмнэж байгаа санаатай. Ачаа хэтэрдгийн байнаа хө.

Ингээд 4 сарын 22-ны орой Нью Йорк гэдэг хот руу нисэхээр П-н нисэх буудал дээр ирлээ. Энэ үлэг гүрвэлийн яс баяртай гээд зогсож байдгийн байна лээ. Толгой нь ийм том үлэг гүрвэлийн яснууд зөвхөн монголоос олддог гэснүү аан. Тэр үед нээх юм бодоогүй, очиж тайлбарыг нь уншаагүйен. Саяын Нью Йоркийн дуудлага худалдаа энтэрийн дараа, энэ гүрвэл монголынх биш бээз гэж хардлага төрлөө гэсн. Ер нь хүн хардах эрхтэй биддээ.

Түр баая, дараа бөгдөөрөө Нью Йоркод уулзацгаая.

Pittsburgh, PA, USA

За аниа нь явсаар 4 сарын 17-нд Питтсбургт ирлээ. Энд 5 хонов.
Энд Монголика нэвтэрхий толин дээр бадарчин гэдэг үгийг Артгаа багш тайлбарлаад өгцөн байна шд.
Бадарчин -Дотоодын секс турыг үндэслэгчид. гэжээн, хаха.
Би бадарчин биш шүү. Хүмүүст буруу ойлголт өгөхөөс сэргийлэн, албан ёсоор би бадарчин биш мэдэгджээн ч гэх шиг.

Би уг нь аялан тоглолтуудаа бүгдийг өөрөө төлөвлөөд, онгоцны тийз, хотэлийн захиалгаа хийн, очсон газартаа үзэх харах юмаа төлөвлөн, хаанаас хаа хүртэл ямар тээврийн хэрэгсэлээр, хэдэн төгрөгөнд доншуучлах, хаана юу гудрахаа хүртэл нарийн төлөвлөдөг, өөрийгөө овоо тур планнэр гэж тоож байваа. Энд хальт далийгаадхий. Нэг удаагийн аялан тоглолтоо энд огт бичээгүй байгаа. Би үүргэвчээ үүрээд нэг газар луу ганцаараа нисэж очоод, амьдралдаа хэзээ ч унаж үзээгүй гоё машаан түрээслэн, халуун цөлөөр давхин, доормд хоноод, хоносон хотхоныхоо задгай ил бааранд нь шүүс уугаад, ганцаараа бүжиглээд, шөнийн цөлөөр давхиад, цөлд мандах  нарыг харан, тэнгэрт улаан туяа татуулан наран жаргахыг догдлон харж,  маш ихийг эргэцүүлсэн олныг олж атгасан зүүд шиг л аялал байсан. Нэг гэм нь шөнө давхихаар машааны гэрэлд шувуу янз бүрийн амьтан орж ирж дайруулаад гэцүүмблээ. Лав л нэг шувуу алцоон, би. Зөвлөхөд, аливаа нэг аялалыг төлөвлөхдөө, онгоцны тийз, хотэл, түрээслэх машаанаа бүгдийг нь нэг сайтаас авбал хамаагүй хямд тусна. Мань чинь Монгол жолооны үнэмлэхээр л машаан түрээслэнэ шуу даа. Гол барьцаа нь миний банкны каарт л юм даа. Түрээсийн машаанууд нь лаг залуухан шинэ машаанууд байх юм билээ, хөгшиндөө л 3 жил болсон. Энэ аялалд ёстой алдаа гараагүй, бүгдийг яг таг төлөвлөж чадсан байсан. Ө.х. төлөвлөгөө гажаагүй, Б пландах шаардлага гараагүй гэсэн үг. 

За за гол юмаа бичии. Би өөрийгөө овоо л тур планнэр болцон гэж тоолоо гээд дээрх өгүүлбэрээ давтчии. Тэгээд Сиднэйгээс гарахаасаа өмнө Питтсбургт (цаашид П гэх. Сурв) буух хотэл хайгаад хямд хоноглох газар олдохгүй болохоор нь онгоцны буудал, хотын төв 2-н голд нь нэг хотэл сонголоо. Сонгосон шалтгаан нь:
1-рт, тэр хотэл нь онгоцны буудал руу үнэгүй шаттлэ автуусаар үйлчилдэг.
2-рт, хотын төвийн хотэлуудаас 60 хувь хямд.
3-рт. хотын төв рүү ганц автуусаар ороход 1 талдаа 3,25 доллар төлнө, гэхдээ автуусны буудал хүртэл 1 милль зайтай.
4-рт, тэр буудалд бууж байсан хүмүүсийн сэтгэгдлүүдээс харахад, хүмүүс хотын төв рүү 15 мин давхидаг, шоппинг хийхэд маш тохиромжтой гэсэн байв.
Ингээд л хотэл захиалга хийгээд, 2 сарын өмнө төлбөрөө өгчихлөө. Төлбөрийг онлайн хийвэл 20 доллар хямд байв.

П-д хүрээд ирлээ, гэтэл би хүн амьдардаггүй, хэдэн хотэл дэлгүүрээс өөр юмгүй, шаал хөдөө бууцан байдгийн. Нөгөө тур планнэр чинь алдаа хийснээ маргааш өглөө нь автуусны буудал руу алхах явцдаа ойлгов. Уг нь шувуу жиргээд, цэвэр агаарт, сайхан уул толгод дунд. Хамгийн гол нь хотын төв рүү орох нь явган хүнд асуудалтай байв. Энэ Амээрик чинь аливаа юмыг хэмжих нэгж нь тэс өөр. Оюутан хүнд автуусны буудал руу 1 милль алхах бол юу ч биш шуу даа. Оюутан хүний ходоод бол чонын ходоод мэт, олон хоногийн өл даана, үнэгүй хоол олдвол нэг дор 7 хоногийн хоол нөөцөлж идэж чадна, хаха, оюутан хүнийг жирийн хүнтэй харьцуулбал хол замыг явганаар туулах чадвар өндөр, туурай нь адууных шиг л гээд бодчих. Би 1 милль гэдэг нь хэдэн км болохыг ч шалгасангүй. Учир нь энэ бол асуудал биш. Гол нь тэнд ямар ч явган хүн явдаггүй, явган хүний зам байхгүй, зам хөндлөн гарах гэхээр явган хүний гэрлэн дохио байхгүй, энэ асуудал байлаа. Ганцаараа замын хажуугийн өвсөн дээгүүр 1 милль алхахдаа, хөөрхөн болохоор нь хүний наймаачин хулгайлаад явчихвий дээ гэж айгаад, өглөө оройдоо нөхөртөө эмайл бичихдээ, захианыхаа доор бичсэн огноогоос гадна, эндхийн цагаар гэж байгаад цаг минуутаа бичиж байлаа шд, хаха. Тур планнэр бас аюулгүй байдлаа бодолцох ёстой, тэр тусмаа ганц бие царайлаг эмэгтэй (ичиж үхмэр чинь ичихгүй царайлаг энтр гэж худлаа шаахымаа. Сурв). Энэ нь өөртөө л тусалж байгаа юм л даа. Тодруулбал, хэрэв би гэнэт сураггүй алга боллоо гэхэд миний сүүлийн эмайлээр баримжаалан цагдаа нар намайг алго болсон байж болзошгүй газраас эхлэн мөрдлөгөө эхлэн үтэр түргэн олно гэж тооцсон байдал. Мөн багаасаа эргүүлж сурсан мончоокоо биеэсээ салганаа гэж байхгүй (энэ жоохон худлаа сонсогдоод байнаа. Сурв). Дээр нь юун төлөө каратэгаар хичээллэж байлаа даа тээ, кк. Ганц явган хүн үнэхээр сондгой харагдаад байгаам чинь. Тээд тэнд 4 өдрийн ажилд өмсөхөөр авч явсан хагас формал хувцас, банзалнуудаа өмсөөгүй, тувтан өмдтэй явсан. Замын хажуугаар оготор банзалтай алхаад хүний анхаарал татаад юугхэв дээ, хаха. Тээд алхах замд нөгөө зам маань хурдны замын дээгүүр огтолноо, тэр үед би яалт ч үгүй машаан зам дээр гарч алхана, миний хажуугаар машаанууд мангар хурдтай өнгөрнө, би салхинд нь доошоо хурдны зам руу уначихмаар. Явган хүнд зориулагдаагүй гүүрэн зам тул өндөр хаалт энэ тэр байхгүй, миний өвдгөөр татах хашлагатай. Тэр замыг огтлохдоо би доошоо харахаар доогуур мангар хурдтай чийчаанууд давхилдаад, миний толгой эргээд зам руу унах гээд байгаа юм шиг аймаар, ёстой аймаар. Цаашдаа хичнээн үнэтэй ч хотын төв хавьцаа буудал хөлсөлж байх юм шүү. Гэхдээ хүн алхам тутамдаа суралцах юм дөө.

Хотэл орчмын хэдэн зураг оруулчии. Хотын төвдөө ердөө 2 дэлгүүр байна лээ, ө.х. дэргүүрүүд нь хотоосоо гадна.

 Буусан хотэлийн эсрэг талын дэлгүүр.  Хотэл тойроод баахан дэлгүүр.

 Мөн газар нутаг ихтэй болохоороо ч юмуу дэлгүүрүүд нь давхар биш, дан.

 Машааны зогсоолууд нь ч дан.

 Мань чинь бадарчин дайет бариад, оройдоо хоол идэхгүй иймэрхүү л юм ууж байлаа. Энэ маш хямд, ердөө л 99 цээнт гэж байгаа биддээ, мөн Аризона гэдэг нэр нь чухал байлаа. Зураг дээр 1 нь ногоон цай, нөгөө нь юу ч байлаа. Ямар ч байсан half tea+half ямар нэ юм гэж байгаа.

Амттай байна уу? Хмммл

дараа үргэлжлүүлье...

Гэмшлээ

 

Дэлгүүрт нохой муур гээд төрөл бүрийн амьтны хоол байдагтай ижил, шувууны хоол ёоз ёозоороо байнаа. Шувууны хоолон дунд туулайны хоол харагдана.

Хараад байхад шувуунууд үнэтэй хоолонд нь илүү дуртай байх шиг, кк. Би арай хямдаар нь ууттай хоол авдгийн.

Сая 2-3 хоног шувууны бүсийг чангалах гэсэн биш би өөрөө сэтгэл шаналаад мөнгө хэмнэхээсээ илүү юм боллоо. Яршиг зүгээр би өөрийнхөө бүсийг чангалдгаараа чангалъя, шувуунууддаа хоол өгдгөөрөө өгч байгаад л явъя даа. Сүүлдээ гэмшил төрөөд, шувуундаа хоол харамлаад байгаагаа бодож нервтээд, бүүр хачин болчлоо. Нүгэлээ наминчлаад 5 кг хоол авлаа, уг нь 2 кг хоол авч өгдөг байлаа. Гэхдээ 2 кг хоол 4 хоногт дуусаад байгаа. мангар олуулаа ирээд хоол хуурайлаад байгаа, кк. Шувуунууд өглөө бүр орилолдож, хоол нэхэж биднийг сэрээдэг байснаа, одоо бүүр хушуугаараа цонх тогшиж хоол нэхэж байна шд, кк. Тэгээд цонхон дээр суучаад, босоочээ л гээд байх шиг, гэр дотогш биднийг хараад, юу хийж байна нэг бүрчлэн сонирхон харна, бидэнтэй хамт зурагт үзнэ, гал тогооны цонхны гаднаас эд нар юу хийж идээд байнаа гэх шиг хоол хийхийг бүр нэг бүрчлэн залхуурахгүй харна. Харц тулгарна, бидэнтэй ярина, даанч юу гээд байгааг нь ойлгох биш.

Нээрээ сүүлийн үед possum гэдэг амьтан манай балкоон дээгүүр гүйлдээд, гэрт орж ирчих гээд байгаа шд. Балкоон дээрээ алим гадил тавихаар модноос буугаад ирнэ. Шувуунууд гэгээтэйд шавна, харин энэ поссум гэдэг амьтан харанхуйд гүйлдээд ирдгийн. Хүнээс айхгүй юмаа. Дээр энд түүний тухай бичиж байжээ.