2011-4-4 Сааталд ороод байна

Ойрд намрын хүйтэн усан бороо ороод, хамаг юм чийг даагаад, өмд пүүзэндээ оржээн. Дагтан даашинзтай намираад байдгаа больжоогоо нь онцгүй ч өглөө бүр хөлний үс хусахгүй нь ч бас гоёоо гоё, хааяа л хуснашд. Хөлөндөө үсгүй хүүхнүүдэд атаархжиин. Өвөл даараад байвал хөлний үсээ ургуулсан ч яахав ч гэх шиг, хаха. Өвөл болохоор муухай нь гэртээ хөлдөж үхэх гээд  халуун хөнжилөөсөө сугарахгүй аливаа ажлын бүтээмж буурдаг талтай. Би бээвийчээд голдуу хөнжилөөрөө өөрийгөө ороосон чигтээ л жорлон ордгийн. Өвлийн даарсандаа болоод байнга вино уугаастай, талимаараастай гэх мэт аливаа зүйлд дандаа л сайн тал байгааздээ. За оршлоо дуусгаяаа, шаал өөр чигт оршилджээ.

Энэ өдөр 2 цагт 2 багштайгаа уулзах байлаа. Тээд 12 цагаас нэг зумбаадчии, багш нарынхаа өмнө цоглог байя даа гээд гүйж гараад орлоо. Гэтэл багш нь Паоло гээд халзан, царайлаг, эрэгтэй латино байваа. Эд нарын цус халуун гэж юугхэв, тэр бөгс цээж нь 2 өөр тиишээ салаад явчих юмаа, эр эмгүй. Багш өөрөө жаахан ичингүйрээд л байхын, юундаа ичдэг байнаа тээ. Манай бүжгийн заалтай паралель гадаа усан сан байдгийн. Бүжгийн заалны хана бүгд шилэн, мань мэт нь гадагшаа нэвт харагданаа, бас бид чинь сэлж байгаа залуучуудыг нэг нүдээрээ хараастай бүжгээ хийдэг байхгүй юу. Гадаа сэлж байгаа эрчүүд нь Зумбагийн эмэгтэй багшийг хардгиймуу, маниусыг ч харж шоолдгиймуу, сэлэхгүй эгнээд усан дотроо байдгийн. Мэдээж усан сангийн түвшин заалны шалтай нэг түвшинд. Тэгсэн энэ өдөр баахан хүүхнүүд сэлэхгүй, Паолог хараад овоордог гэнэ шд. Баахан хүүхнүүд гаднаас ширтээд байхаар Паоло ичээд байсан байх. Тээд хичээл дууссан чинь би дотор усан санд сэлдэг баатар болоод сэлж байгаа уснаасаа баахан ууж байгаад, шүршүүрт ороод л, үсээ сэнсдээд,тэндээс гараад оюутны жижиг сажиг юм зардаг дэлгүүрээс амттай юм авч идээд л өөрийгөө эрхлүүлээд байсан чинь толгой сааталд орсон байгаан. Нөгөө 2 багштайгаа уулзахаа мартчихсан байвал яахуу. Өрөөндөө орж ирээд эмэйлээ шалгасан чинь багш санаа нь зовчихсон захиа бичсэн байлаа.

Тээд хүүхдүүдээ аваад, гэртээ хариад, орой 8 цагт сургууль дээр ирлээ, 8 цагаас хойш сургуулийн машины паркин үнэгүй тул, энийг лав блогтоо 2 дахиа бичиж байгаа байх. Гол нь би нэг ном канондох гэж ирсийн. Энд номыг бүтнээр нь канондвол Оюуны бүтээлийг хулгайлав гээд нааг шоронд хийчнэ шуу даа. Тэгэхээр орой хүмүүсийг явахаар канондох атгаг санаа агуулаастай. Номын сангийн номыг хэрэглэж дуусаагүй байхад өөр оюутанд хэрэг болбол би хугацаанаасаа өмнө өгөх болдгийн, эмэйл ирээд. Ирсэн чинь хөрш өрөөний Жон байж л байна. Жон 10 цагт явлаа гэдгээ надын өрөөнд орж ирж хэлжийн. Одоо сургууль дээр хэн ч байхгүй, би ч ашгүй дээ гээд л каноны өрөө рүү явлаа. Канондож дуусаад өрөөндөө орох гэтэл өрөөний түлхүүрээ аваагүй, өрөөгөө дотроос нь дараад түгжчихэж. Рефлексээрээ өрөөнийхөө биш машиныхаа түлхүүрийг авчихаж. Одоо яанаа, утсаа өрөөндөө орхисон, гутлаа тайлаад гараад ирсэн, дээгүүрээ бараг цээж нүцгэн. Тээд сургууль дотуур баахан явлаа онгорхой өрөө алга. Гадагшаа гарч сэкүритигээс л тусламж хүсэх үлдлээ. Одоо яахав дээ, гарахаас. Шөнө 12 цаг болж байдаг, хүйтэн бороонд хөл нүцгэн, шалдан шахуу баахан явлаа. Энгийн үед сэкүрити нь байнга л явжийдгийм байж, хэрэг болохоор олддоггүй ээ. Тээд бараг кампусын нөгөө талд гарах алдад нэг сэкүрититэй таарч учраа хэллээ. Нөгөөх чинь оффис руугаа миний өрөө, нэр энэ тэрийг тулгаж баахан шалгаж байгаад нэг юм сургууль онгойлгоод, дараа нь өрөөг минь онгойлгож өглөө. Баярлав гэж жигтээхэн. Ингэж сааталд орж, түлхүүрээ андуураагүй бол зөндөө юм амжуулахгүй юу тээ.  Бас зөндөө даарсан.