Thursday, June 24, 2010

Би цэцэг хүргэх дуртай

Миний ажлыг та бүхэн одоо мэддэг болсон. Би есөн шидийн юм зөөнөө, хүнээс бусдыг нь. Мэдээж амьд хүнийг такси зөөнө, нас барсан хүнийг нээх гоё ар тал нь шилэн, доторхи авс нь нэвт харагддаг урт машинаар зөөдөг юм. Энд тэнд юм хүргэхээр очиход аливаа албан байгууллагын үүдний хүлээн авагчид над мэтийн олон курьерээс залхчихсан, дуртай дургүй хүргэсэн юмыг минь хүлээн авч, зарим нь бүр хүлээн авсан гэж гарын үсэг зурахаас татгалзахад би өмнөөс нь гарын үсэг зурчихдаг юм.
Харин цэцэг тэврээд орохоор миний хажуугаар зөрсөн хүн бүрийн нүүрэнд инээмсэглэл тодрохоос гадна, асуусан асуултанд маань маш уриалгахан хариулж, зарим нь өөрийн ажлаа умартаад бүр дагуулж яваад хүргэх газар минь намайг бас хүргэж өгдөг юм. Зөрөн өнгөрч байгаа бүсгүйчүүд цагаахан атаархлын харцаар харан инээмсэглээд ямар сайхан цэцэг вэ гэж дуу алдан өнгөрдөг бол зарим залуучууд чи цэцэг чигээ гоё бүсгүй байна гэж хэлээд өнгөрдөг. Үг ямар хүчтэй юм бэ, тэр залуучууд надад сайхан урмыг үг хэлэхдээ тэд ч бас инээмсэглээд, жаргалтай болдог юм. Би ч хөөрөөд тэр өдөржингөө л сэтгэл нээх хөнгөхөн болоод инээмсэглэсээр ажиллах асар их урамтай болдог. Яг үнэндээ миний байгаа байдал бол пүүз жинсэн өмдөн дээр, ажлынхаа газрын нэр лого бүхий хурц гэрэлтдэг ногоон өнгийн ажлын хувцас өмсөөд, үсээ хайш яйш ард нь боогоод толгой дээрх бас л байгууллагынхаа логотой бэйсбол малгайны арын нүхээр нь гаргаад, байнга цагтаа уралдаж, хөлс үнэртүүлээд л гүйж байгаа нэгэн билээ. Ер нь бол ориг Халтар царайт л даа, царайгаараа түүнийг гүйцэхгүй л болохоос.
Би хэн хэнд цэцэг хүргэдэг вэ гэж үү:
1. Эмнэлэгт хэвтэж байгаа өвчтөнүүд бас дөнгөж төрсөн ээжүүдэд
2. Мэдээж залуучуудаас бүсгүйчүүддээ
3. Зарим албан байгууллагууд нэг дэх өдөр болгон шинэ цэцэг авч, долоо хоногийн турш оффисоо чимэглэж, үйлчлүүлэгчдээ хүндэтгэнэ
4. Хамгийн сонирхолтой нь энд хамтрагч, харилцагч байгууллагууд хоорондоо цэцэг илгээнэ. Жишээ нь: их хөөрхөөн, нэг л өчүүхэн алдаа гаргасан бол цэцэг илгээхдээ хамт ил захидал дээр уучлалт гуйгаад, дахин ийм алдаа гаргахгүй гэж амласан байх, гүйцэтгэгч байгууллага нь захиалгаа хугацаа хожимдуулсан тохиолдолд уучлахыг хүссэн байх, дахин итгэл алдахгүйн төлөө цэцэг гэх зүйлийг бие биедээ илгээх юм.

8 comments:

Anonymous said...

hi. shiv shinehen bichlegiig chini unshlaa. blogtoi hunii blogoos damjaad naashaagaa orj ircheed buh bichlegiig chini unshaad duuschlaa. taalagdlaa. zochilj bnaa. bicheed bgaarai.Good luck!

www.gegeen.com said...

emegtei hund delivery ajluud tips ih ogdog uul ni goyo sh dee. gehdee courier geheer yadiin boldoo..

Гилийн хатан said...

Anonymous-баярлалаа
гэгээн-куриэр хийхэд тирс өгдөггүй юмоо

rdnchr said...

hey, ta buur denduu meddeg yum bn:)
tgsn ch gsn baglaa tsetsgend durgui!?

Гилийн хатан said...

rdnchr-mednee, gehdee uhsen tsetseg avah durgui, hehe. Ingehed chinii ner tigtiihid yaasan ch hetsuumbdee

Battushig Enkhjargal said...

facebook, yahoo shig neg orohooroo garahaa medehgui hamag ajilaa aldagduuldag neg muu zurshiltai bolchloo.... chamd mjilt husie blog chin goe yumaa.

Гилийн хатан said...

Battushig Enkhajargal-galzuu huuhnii udriin temdeglel unshij ajlaa aldaj bolohgui shuu :)

Battushig Enkhjargal said...

Юу гэж дээ. Харин ч чам шиг ийм нээлттэй болохыг би хүсэж байна. Надад блог хөтлөх таалагддаг болоод байгаа шүү. Гилийн хатан өвөрмөц нэртэй юмаа... гоё зүйлс бичээрэй. уншиж байнаа...